༄༅། །ཐུབ་པའི་གསོལ་འདེབས་བདེན་པའི་རྔ་སྒྲ་ཞེས་བྱ་བ་བཞུགས་སོ།།
༄༅། །མཁྱེན་བརྩེའི་ཡོན་ཏན་མཐར་ཐུག་ཀུན་རྫོགས་ཤིང་། །པད་དཀར་ལྟར་བསྔགས་ཡིད་ཅན་ཀུན་གྱི་མགོན། །རྟེན་འབྱུང་གཏམ་གྱིས་སྡུག་ཀུན་གཞིལ་མཛད་པའི། །རྣམ་འདྲེན་ཤཱཀྱ་སེངྒེ་སྤྱི་བོས་མཆོད། །ཁྱོད་བསྟན་བྱང་ནས་བྱང་དུ་དར་འགྱུར་ཞེས། །ཇི་ལྟར་དཔལ་གྱི་མགུར་ནས་དབུགས་དབྱུང་ལྟར། །ཁ་བའི་ལྗོངས་སུ་རྒྱལ་བསྟན་ཡོངས་ཁྱབ་སྟེ། །འཛམ་གླིང་རྒྱན་དུ་གྱུར་པ་སྐལ་བ་བཟང། །དེ་ལྟ་ན་ཡང་དཀར་མིན་ལས་དབང་གིས། །དེང་འདིར་རྒྱལ་བསྟན་ཉམས་ཤིང་སྣོད་བཅུད་ཀུན། །སྡུག་ཟད་འཇིག་ཉེའི་ཉམ་ངའི་ངང་ཚུལ་འདི། །བརྩེ་ཆེན་ཐུགས་རྗེས་སྐྱོབ་པའི་དུས་ལ་བབས། །དེ་སླད་བདག་ཅག་གངས་ལྗོངས་ལྷ་མི་ཀུན། །ལྷག་བསམ་དད་གདུང་དྲག་པོས་ཉེར་བཟླུམས་ཏེ། །བདེ་གཤེགས་མཚན་བཟང་གཙུག་ཏོར་གསེར་སྦྱངས་ཏོག །དྲང་སྲོང་སྣོད་མཆོག་ངུར་སྨྲིག་གོས་བཟང་བཅས། །ཕུལ་བའི་ཚོགས་གཉིས་རྒྱ་ཆེན་གང་མཆིས་དང། །གཞན་ཡང་དུས་གསུམ་དང་འབྲེལ་དགེ་ཚོགས་ཀུན། །ལྷར་བཅས་འགྲོ་བའི་ཕན་བདེ་འབྱུང་བའི་གནས། །རྒྱལ་བསྟན་མི་ནུབ་ཡུན་དུ་གནས་ཕྱིར་བསྔོ། །མཁའ་ཁྱབ་ལུས་ཅན་སྤྱི་དང་ཁྱད་པར་དུ་། །འཛམ་བུའི་སྒྲས་བསྟན་གླིང་འདིའི་སྐྱེ་འགྲོ་ཀུན། །བྱམས་དང་སྙིང་རྗེའི་བསམ་སྦྱོར་གོང་འཕེལ་ནས། །འཁྲུགས་རྩོད་གནོད་འཚེ་ནམ་ཡང་མི་འབྱུང་ཤོག །དབུལ་ཕོངས་ཉམ་ཐག་བཙན་གནོན་མནར་གཅོད་དང། །སྣོད་ཀྱི་རྒུད་པས་ནད་ཡམས་འབྱུང་འཁྲུགས་སོགས། །ཕྱི་ནང་འགལ་རྐྱེན་རྒུད་ཚོགས་ཀུན་ཞི་ནས། །ཐམས་ཅད་དགའ་བདེའི་དཔལ་ལ་རྟག་རོལ་ཤོག །རིས་སུ་མ་ཆད་ཕྱི་ནང་ཆོས་ཚུལ་ལ། །ཞུགས་ཀུན་ཕན་ཚུན་གཉེན་གཤིན་འདུ་ཤེས་ཀྱིས། །དག་སྣང་ནོར་བུའི་འོད་དང་མི་འབྲལ་བར། །གཅིག་ཏུ་འགྲོ་ཕན་བྱ་བ་ལྷུར་ལེན་ཤོག །ལྷག་པར་བསིལ་ལྡན་ལྗོངས་སུ་རྒྱལ་བའི་བསྟན། །ཉམས་པ་སོར་ཆུད་མི་ཉམས་གོང་འཕེལ་ཞིང། །ཆོས་སྲིད་རང་དབང་བདེ་སྐྱིད་གསར་པ་ཡིས། །བོད་འབངས་འཕྲལ་ཡུན་འདོད་དོན་མྱུར་འགྲུབ་ཤོག །གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང། །སྐྱེ་ཀུན་ཕྱག་ན་པདྨོས་རྗེས་གཟུང་ཤོག །ཆོས་ཀྱི་ཞིང་དུ་ཆོས་མིན་ཉེས་སྤྱོད་ཚོགས། །ཆོས་ཀྱིས་ཞི་ཞིང་ཆོས་སྲིད་ལེགས་ཚོགས་ཀུན། །ཆོས་ལྡན་ཡིད་བསམ་ཆོས་བཞིན་མྱུར་འགྲུབ་སྟེ།།ཆོས་ཀྱི་བདེན་པས་ཆོས་མིན་མཐར་བྱེད་ཤོག །ཅེས་པ་འདི་བཞིན་ཤཱཀྱའི་དགེ་སློང་ཏཱ་ལའི་བླ་མ་བསྟན་འཛིན་རྒྱ་མཚོས་བོད་རྒྱལ་ལོ་༢༡༣༡ ཤིང་སྤྲེལ་ཟླ་བ་༡༢ ཚེས་༡༥ ཕྱི་ལོ་༢༠༠༥ ཟླ་༡ ཚེས་༢༥ ཉིན་སྤྱི་སྒོས་བསྟན་འགྲོའི་ཆེད་དུ་ཕུལ། https://t.cn/R2Wx1G2
༄༅། །མཁྱེན་བརྩེའི་ཡོན་ཏན་མཐར་ཐུག་ཀུན་རྫོགས་ཤིང་། །པད་དཀར་ལྟར་བསྔགས་ཡིད་ཅན་ཀུན་གྱི་མགོན། །རྟེན་འབྱུང་གཏམ་གྱིས་སྡུག་ཀུན་གཞིལ་མཛད་པའི། །རྣམ་འདྲེན་ཤཱཀྱ་སེངྒེ་སྤྱི་བོས་མཆོད། །ཁྱོད་བསྟན་བྱང་ནས་བྱང་དུ་དར་འགྱུར་ཞེས། །ཇི་ལྟར་དཔལ་གྱི་མགུར་ནས་དབུགས་དབྱུང་ལྟར། །ཁ་བའི་ལྗོངས་སུ་རྒྱལ་བསྟན་ཡོངས་ཁྱབ་སྟེ། །འཛམ་གླིང་རྒྱན་དུ་གྱུར་པ་སྐལ་བ་བཟང། །དེ་ལྟ་ན་ཡང་དཀར་མིན་ལས་དབང་གིས། །དེང་འདིར་རྒྱལ་བསྟན་ཉམས་ཤིང་སྣོད་བཅུད་ཀུན། །སྡུག་ཟད་འཇིག་ཉེའི་ཉམ་ངའི་ངང་ཚུལ་འདི། །བརྩེ་ཆེན་ཐུགས་རྗེས་སྐྱོབ་པའི་དུས་ལ་བབས། །དེ་སླད་བདག་ཅག་གངས་ལྗོངས་ལྷ་མི་ཀུན། །ལྷག་བསམ་དད་གདུང་དྲག་པོས་ཉེར་བཟླུམས་ཏེ། །བདེ་གཤེགས་མཚན་བཟང་གཙུག་ཏོར་གསེར་སྦྱངས་ཏོག །དྲང་སྲོང་སྣོད་མཆོག་ངུར་སྨྲིག་གོས་བཟང་བཅས། །ཕུལ་བའི་ཚོགས་གཉིས་རྒྱ་ཆེན་གང་མཆིས་དང། །གཞན་ཡང་དུས་གསུམ་དང་འབྲེལ་དགེ་ཚོགས་ཀུན། །ལྷར་བཅས་འགྲོ་བའི་ཕན་བདེ་འབྱུང་བའི་གནས། །རྒྱལ་བསྟན་མི་ནུབ་ཡུན་དུ་གནས་ཕྱིར་བསྔོ། །མཁའ་ཁྱབ་ལུས་ཅན་སྤྱི་དང་ཁྱད་པར་དུ་། །འཛམ་བུའི་སྒྲས་བསྟན་གླིང་འདིའི་སྐྱེ་འགྲོ་ཀུན། །བྱམས་དང་སྙིང་རྗེའི་བསམ་སྦྱོར་གོང་འཕེལ་ནས། །འཁྲུགས་རྩོད་གནོད་འཚེ་ནམ་ཡང་མི་འབྱུང་ཤོག །དབུལ་ཕོངས་ཉམ་ཐག་བཙན་གནོན་མནར་གཅོད་དང། །སྣོད་ཀྱི་རྒུད་པས་ནད་ཡམས་འབྱུང་འཁྲུགས་སོགས། །ཕྱི་ནང་འགལ་རྐྱེན་རྒུད་ཚོགས་ཀུན་ཞི་ནས། །ཐམས་ཅད་དགའ་བདེའི་དཔལ་ལ་རྟག་རོལ་ཤོག །རིས་སུ་མ་ཆད་ཕྱི་ནང་ཆོས་ཚུལ་ལ། །ཞུགས་ཀུན་ཕན་ཚུན་གཉེན་གཤིན་འདུ་ཤེས་ཀྱིས། །དག་སྣང་ནོར་བུའི་འོད་དང་མི་འབྲལ་བར། །གཅིག་ཏུ་འགྲོ་ཕན་བྱ་བ་ལྷུར་ལེན་ཤོག །ལྷག་པར་བསིལ་ལྡན་ལྗོངས་སུ་རྒྱལ་བའི་བསྟན། །ཉམས་པ་སོར་ཆུད་མི་ཉམས་གོང་འཕེལ་ཞིང། །ཆོས་སྲིད་རང་དབང་བདེ་སྐྱིད་གསར་པ་ཡིས། །བོད་འབངས་འཕྲལ་ཡུན་འདོད་དོན་མྱུར་འགྲུབ་ཤོག །གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང། །སྐྱེ་ཀུན་ཕྱག་ན་པདྨོས་རྗེས་གཟུང་ཤོག །ཆོས་ཀྱི་ཞིང་དུ་ཆོས་མིན་ཉེས་སྤྱོད་ཚོགས། །ཆོས་ཀྱིས་ཞི་ཞིང་ཆོས་སྲིད་ལེགས་ཚོགས་ཀུན། །ཆོས་ལྡན་ཡིད་བསམ་ཆོས་བཞིན་མྱུར་འགྲུབ་སྟེ།།ཆོས་ཀྱི་བདེན་པས་ཆོས་མིན་མཐར་བྱེད་ཤོག །ཅེས་པ་འདི་བཞིན་ཤཱཀྱའི་དགེ་སློང་ཏཱ་ལའི་བླ་མ་བསྟན་འཛིན་རྒྱ་མཚོས་བོད་རྒྱལ་ལོ་༢༡༣༡ ཤིང་སྤྲེལ་ཟླ་བ་༡༢ ཚེས་༡༥ ཕྱི་ལོ་༢༠༠༥ ཟླ་༡ ཚེས་༢༥ ཉིན་སྤྱི་སྒོས་བསྟན་འགྲོའི་ཆེད་དུ་ཕུལ། https://t.cn/R2Wx1G2
༄༅།།ཉེ་བའི་དུས་སུ་རང་རེའི་སློབ་གྲྭའི་ཉིས་སྟོང་བཅུ་བདུན་ལོའི་མཐར་ཕྱིན་སློབ་མ་དང་འབྲེལ་ཡོད་ལས་ཀ་རྣམས་བདེ་བླག་ངང་གྲུབ་ཡོད།
དེ་རིང་སྟེ་སྤྱི་ཟླ་དྲུག་པའི་ཚེས་དྲུག་གི་སྔ་མོའི་དུས་ཚོད་དགུ་པ་ནས། སློབ་གྲྭའི་སྐས་ཐེམ་ཚོགས་ཁང་དུ་མཐར་ཕྱིན་སློབ་མ་ཡོངས་ཀྱི་ཕྱོགས་བསྡོམས་འཚོགས། ཚོགས་ཐོག་ཏུ་སློབ་གྲྭའི་དབུ་ཁྲིད་རྣམ་པ་དང་། འབྲེལ་ཡོད་འགན་ནུས་སྡེ་ཚན་གྱི་འགན་འཁུར་བ་རྣམས་ཞུགས་ཏེ། ཐོག་མར་མཐར་ཕྱིན་སློབ་མ་ཡོངས་ལ་རྟེན་འབྲེལ་དུ་དྲི་མེད་ཁ་བཏགས་ཀྱིས་ལེགས་པར་བརྒྱན་ཞིང་། དེ་ནས་དངོས་གཞིའི་ཚོགས་ཐོག་ཏུ། ཕྱོགས་གཅིག་ནས་སློབ་མ་ཚོའི་སློབ་སྦྱོང་དང་ཀུན་སྤྱོད་སོགས་ཀྱི་ཐད་ནས་ཕྱོགས་བསྡོམས་དང་། སྦྱངས་འབྲས་ལེགས་ཐོན་བྱ་དགའ། འགན་འཁུར་ཕུལ་བྱུང་བྱ་དགའ། འཛིན་གྲྭ་ཕུལ་བྱུང་བྱ་དགའ། མི་བཟང་དོན་བཟང་། རང་སྲོལ་རྒྱུན་འཛིན་ཕུལ་བྱུང་། རྩོམ་རིག་མཐུན་ཚོགས།དཔེ་ཀློག་སོགས་དང་འབྲེལ་བའི་བྱ་དགའ་སོགས་ཀྱང་གནང་། ཕྱོགས་གཉིས་ནས་མ་འོངས་པར་སྤྱི་ཚོགས་སྟེང་དུ་རང་རང་གི་བསམ་སྤྱོད་ཇི་ལྟར་བྱ་དགོས་མིན་ཐད་རེ་བ་ནན་མོ་གནང་། དེ་ཡང་སློབ་གཙོ་འཇམ་བློས་མཐར་ཕྱིན་སློབ་མ་རྣམས་ལ། ང་རང་གང་དུ་ཕྱིན་ཡང་སུ་དང་ཐུག་རུང་སྐད་འཕང་མཐོན་པོ་བྱ་ཆོག་པ་དེ་ནི། ང་ལ་ཚད་དང་ལྡན་ཞིང་ཕུལ་དུ་བྱུང་བའི་དགེ་རྒན་གྱི་དཔུང་སྡེ་ཞིག་དང་། ཚད་དང་ལྡན་ཞིང་ཕུལ་དུ་བྱུང་བའི་སློབ་མའི་ཁྱུ་ཚོགས་ཤིག་ཡོད་པས་རེད་ཅེས་དང་། མཐར་ཕྱིན་སློབ་མ་རྣམས་ལ་རེ་བ་འདོན་སྐབས་གསུང་རྒྱུར།
གཅིགརང་ཚུགས་མ་འཆོར། དེའི་ནང་ཚད་དང་ལྡན་པའི་ཀྲུང་ཧ་མི་དམངས་ཀྱི་སྤྱི་དམངས་ཤིག་དང་། ཚད་དང་ལྡན་པའི་ཞིང་ཆེན་བོད་ཡིག་སློབ་གྲྭ་བ་ཞིག་བྱ་དགོས་པ་དེ་འདུས།
གཉིས། བསམ་པ་བཟང་ན་ས་དང་ལམ་ཡང་བཟང་།
གསུམ། ཤེས་ཡོན་ལྡན་ན་ས་དང་ལམ་ཡང་ལྡན། དེ་ནི་བོད་ཀྱི་གཏམ་དཔེར་སྤྲང་པོའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད་ཟེར་བ་དེ་རེད།
བཞི། དེ་རིང་ནི་ཞིང་ཆེན་བོད་ཡིག་སློབ་གྲྭ་འདི་ཁྱེད་ཀྱི་བསོད་ནམས་རེད། སང་ཉིན་ནི་ཁྱེད་ཚོ་ཞིང་ཆེན་བོད་ཡིག་སློབ་གྲྭའི་ལ་རྒྱ་ཡིན། ཞེས་གསུངས། མདོར་ན། མཐར་ཕྱིན་སློབ་མའི་ཕྱོགས་བསྡོམས་དེ། མགོ་བཀྲ་ཤིས་ཤིང་མཇུག་དོན་གྲུབ་པའི་ངང་དུ་མཇུག་རྫོགས་སོ།།
གསལ་བཤད། པར་རིས་འགའ་གཞན་ནས་བཏུས་ཏེ་བཀོད་པ་ཡིན།
དེ་རིང་སྟེ་སྤྱི་ཟླ་དྲུག་པའི་ཚེས་དྲུག་གི་སྔ་མོའི་དུས་ཚོད་དགུ་པ་ནས། སློབ་གྲྭའི་སྐས་ཐེམ་ཚོགས་ཁང་དུ་མཐར་ཕྱིན་སློབ་མ་ཡོངས་ཀྱི་ཕྱོགས་བསྡོམས་འཚོགས། ཚོགས་ཐོག་ཏུ་སློབ་གྲྭའི་དབུ་ཁྲིད་རྣམ་པ་དང་། འབྲེལ་ཡོད་འགན་ནུས་སྡེ་ཚན་གྱི་འགན་འཁུར་བ་རྣམས་ཞུགས་ཏེ། ཐོག་མར་མཐར་ཕྱིན་སློབ་མ་ཡོངས་ལ་རྟེན་འབྲེལ་དུ་དྲི་མེད་ཁ་བཏགས་ཀྱིས་ལེགས་པར་བརྒྱན་ཞིང་། དེ་ནས་དངོས་གཞིའི་ཚོགས་ཐོག་ཏུ། ཕྱོགས་གཅིག་ནས་སློབ་མ་ཚོའི་སློབ་སྦྱོང་དང་ཀུན་སྤྱོད་སོགས་ཀྱི་ཐད་ནས་ཕྱོགས་བསྡོམས་དང་། སྦྱངས་འབྲས་ལེགས་ཐོན་བྱ་དགའ། འགན་འཁུར་ཕུལ་བྱུང་བྱ་དགའ། འཛིན་གྲྭ་ཕུལ་བྱུང་བྱ་དགའ། མི་བཟང་དོན་བཟང་། རང་སྲོལ་རྒྱུན་འཛིན་ཕུལ་བྱུང་། རྩོམ་རིག་མཐུན་ཚོགས།དཔེ་ཀློག་སོགས་དང་འབྲེལ་བའི་བྱ་དགའ་སོགས་ཀྱང་གནང་། ཕྱོགས་གཉིས་ནས་མ་འོངས་པར་སྤྱི་ཚོགས་སྟེང་དུ་རང་རང་གི་བསམ་སྤྱོད་ཇི་ལྟར་བྱ་དགོས་མིན་ཐད་རེ་བ་ནན་མོ་གནང་། དེ་ཡང་སློབ་གཙོ་འཇམ་བློས་མཐར་ཕྱིན་སློབ་མ་རྣམས་ལ། ང་རང་གང་དུ་ཕྱིན་ཡང་སུ་དང་ཐུག་རུང་སྐད་འཕང་མཐོན་པོ་བྱ་ཆོག་པ་དེ་ནི། ང་ལ་ཚད་དང་ལྡན་ཞིང་ཕུལ་དུ་བྱུང་བའི་དགེ་རྒན་གྱི་དཔུང་སྡེ་ཞིག་དང་། ཚད་དང་ལྡན་ཞིང་ཕུལ་དུ་བྱུང་བའི་སློབ་མའི་ཁྱུ་ཚོགས་ཤིག་ཡོད་པས་རེད་ཅེས་དང་། མཐར་ཕྱིན་སློབ་མ་རྣམས་ལ་རེ་བ་འདོན་སྐབས་གསུང་རྒྱུར།
གཅིགརང་ཚུགས་མ་འཆོར། དེའི་ནང་ཚད་དང་ལྡན་པའི་ཀྲུང་ཧ་མི་དམངས་ཀྱི་སྤྱི་དམངས་ཤིག་དང་། ཚད་དང་ལྡན་པའི་ཞིང་ཆེན་བོད་ཡིག་སློབ་གྲྭ་བ་ཞིག་བྱ་དགོས་པ་དེ་འདུས།
གཉིས། བསམ་པ་བཟང་ན་ས་དང་ལམ་ཡང་བཟང་།
གསུམ། ཤེས་ཡོན་ལྡན་ན་ས་དང་ལམ་ཡང་ལྡན། དེ་ནི་བོད་ཀྱི་གཏམ་དཔེར་སྤྲང་པོའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད་ཟེར་བ་དེ་རེད།
བཞི། དེ་རིང་ནི་ཞིང་ཆེན་བོད་ཡིག་སློབ་གྲྭ་འདི་ཁྱེད་ཀྱི་བསོད་ནམས་རེད། སང་ཉིན་ནི་ཁྱེད་ཚོ་ཞིང་ཆེན་བོད་ཡིག་སློབ་གྲྭའི་ལ་རྒྱ་ཡིན། ཞེས་གསུངས། མདོར་ན། མཐར་ཕྱིན་སློབ་མའི་ཕྱོགས་བསྡོམས་དེ། མགོ་བཀྲ་ཤིས་ཤིང་མཇུག་དོན་གྲུབ་པའི་ངང་དུ་མཇུག་རྫོགས་སོ།།
གསལ་བཤད། པར་རིས་འགའ་གཞན་ནས་བཏུས་ཏེ་བཀོད་པ་ཡིན།
༄༅།།སློབ་རའི་གསར་འགྱུར།
དེ་རིང་སྔ་མོར་སློབ་གྲྭའི་དགེ་སློབ་ལས་བཟོ་ཡོངས་རྫོགས། ཟླ་རེའི་གཟའ་འཁོར་མགོ་མའི་རྒྱལ་གཅེས་ལས་འགུལ་དུ་རྒྱལ་དར་སྒྲེང་བའི་མཛད་སྒོར་ལེགས་པར་ཞུགས།
ཕྱི་དྲོར་ཉིས་སྟོང་བཅུ་བདུན་ལོའི་མཐར་ཕྱིན་སློབ་མ་རྣམས། ཆེས་མཐའ་མའི་གཟའ་འཁོར་ཕྱོགས་བསྡོམས་ལ་ཞུགས་ཤིང་།གཟའ་འཁོར་ཕྱོགས་བསྡོམས་ཐོག་སློབ་གཙོ་སྐུ་གཞོན་འགྱུར་ཚེས། སློབ་གྲྭའི་བསྟན་པ་བསྐྱང་རྒྱུ་ནི། དགེ་སློབ་ཀུན་ལ་རག་ལས་ཡོད་པ་སོགས་གསུང་བཤད་གལ་ཆེན་གནང་།
དགོང་དྲོར་གཡུ་ཐོག་འབོད་སྐུལ་ཚོགས་པའི་དགེ་སློབ་ཚོས་རྩ་འཛུགས་གནང་འོག སློབ་གྲྭའི་གསོ་རིག་འཛིན་གྲྭ་ཁག་ལྔ་དང་། ཁོངས་གཏོགས་སེར་ཤུལ་ལས་གཉེར་སློབ་གྲྭའི་གསོ་རིག་འཛིན་གྲྭ་གཉིས་ཀྱི་འཐུས་མི་བཅས་འཚོགས་ཏེ། གཅིག་གསུམ་ལོ་རིམ་གྱི་འཛིན་གྲྭ་གཉིས་ཀྱི་འཐུས་མི་ཚོས། སོ་སོ་དངོས་སྦྱོང་དུ་ཕྱིན་པའི་ཉམས་མྱོང་སྐོར་ནས་བགྲོ་གླེང་ལྷུག་པོ་གནང་། དངོས་སྦྱོང་སློབ་མ་ཚོའི་བསམ་བློ་དང་། ནུས་རྩལ་སོགས་ཕྱོགས་གང་ཐད་ནས་ཡར་བསྐྱེད་ཡོད་པར་རྗེས་སུ་ཡི་རང་བྱུང་། མཇུག་ཏུ་གསོ་རིག་གི་སློབ་དཔོན་ཆེན་མོའམ་སློབ་གཙོ་སྐུ་གཞོན་རྒྱ་མཚོ་དང་། དགེ་བའི་བཤེས་གཉེན་ཡེ་ཤེས་གཉིས་ནས་ཕྱོགས་བསྡོམས་དང་འབྲེལ་བའི་གསུང་བཤད་གལ་ཆེན་གནང་ངོ་།།
དེ་རིང་སྔ་མོར་སློབ་གྲྭའི་དགེ་སློབ་ལས་བཟོ་ཡོངས་རྫོགས། ཟླ་རེའི་གཟའ་འཁོར་མགོ་མའི་རྒྱལ་གཅེས་ལས་འགུལ་དུ་རྒྱལ་དར་སྒྲེང་བའི་མཛད་སྒོར་ལེགས་པར་ཞུགས།
ཕྱི་དྲོར་ཉིས་སྟོང་བཅུ་བདུན་ལོའི་མཐར་ཕྱིན་སློབ་མ་རྣམས། ཆེས་མཐའ་མའི་གཟའ་འཁོར་ཕྱོགས་བསྡོམས་ལ་ཞུགས་ཤིང་།གཟའ་འཁོར་ཕྱོགས་བསྡོམས་ཐོག་སློབ་གཙོ་སྐུ་གཞོན་འགྱུར་ཚེས། སློབ་གྲྭའི་བསྟན་པ་བསྐྱང་རྒྱུ་ནི། དགེ་སློབ་ཀུན་ལ་རག་ལས་ཡོད་པ་སོགས་གསུང་བཤད་གལ་ཆེན་གནང་།
དགོང་དྲོར་གཡུ་ཐོག་འབོད་སྐུལ་ཚོགས་པའི་དགེ་སློབ་ཚོས་རྩ་འཛུགས་གནང་འོག སློབ་གྲྭའི་གསོ་རིག་འཛིན་གྲྭ་ཁག་ལྔ་དང་། ཁོངས་གཏོགས་སེར་ཤུལ་ལས་གཉེར་སློབ་གྲྭའི་གསོ་རིག་འཛིན་གྲྭ་གཉིས་ཀྱི་འཐུས་མི་བཅས་འཚོགས་ཏེ། གཅིག་གསུམ་ལོ་རིམ་གྱི་འཛིན་གྲྭ་གཉིས་ཀྱི་འཐུས་མི་ཚོས། སོ་སོ་དངོས་སྦྱོང་དུ་ཕྱིན་པའི་ཉམས་མྱོང་སྐོར་ནས་བགྲོ་གླེང་ལྷུག་པོ་གནང་། དངོས་སྦྱོང་སློབ་མ་ཚོའི་བསམ་བློ་དང་། ནུས་རྩལ་སོགས་ཕྱོགས་གང་ཐད་ནས་ཡར་བསྐྱེད་ཡོད་པར་རྗེས་སུ་ཡི་རང་བྱུང་། མཇུག་ཏུ་གསོ་རིག་གི་སློབ་དཔོན་ཆེན་མོའམ་སློབ་གཙོ་སྐུ་གཞོན་རྒྱ་མཚོ་དང་། དགེ་བའི་བཤེས་གཉེན་ཡེ་ཤེས་གཉིས་ནས་ཕྱོགས་བསྡོམས་དང་འབྲེལ་བའི་གསུང་བཤད་གལ་ཆེན་གནང་ངོ་།།
✋热门推荐