༄༅།། སེང་ཁྲི་མི་འགྱུར་ནོར་བུའི་གདན་ས་ཡི།།

བྲག་དམར་སྟག་ཚང་སེངྒེའི་རྫོང་ཆེན་ནས།།

རིག་འཛིན་རྒྱལ་པོ་འཇའ་ལུས་སྤྲུལ་བའི་སྐུས།།
ཐུགས་རྗེས་གཟིགས་ལ་ནད་གདོན་བར་ཆད་སོལ།།

བསམ་དོན་ལྷུན་གྲུབ་ཚེ་ཆོས་མཐར་ཕྱིན་ཏེ།།

ཕྱི་མ་བདེ་བ་ཅན་དུ་སྐྱེས་ནས་ཀྱང་།།
མཐར་ཐུག་ཁྱེད་དང་དགོངས་ཀློང་མཉམ་པ་ཡིས།།
རང་གཞན་དོན་གཉིས་འགྲུབ་པར་བྱིན་གྱིས་རློབས།།
ཞེས་པའང་རིས་མེད་དད་ལྡན་སེར་སྐྱ་ཕོ་མོས་ཁྱེར་སླ་འཛིན་བདེར་བྲིས་པ།
པདྨ་སྐལ་བཟང་དེས།

https://t.cn/R2WxDGB

༄། དེང་སང་འགོ་ཁྱབ་འགྲོ་བཞིན་པའི་སྤྲེའུ་རེག་དུག་སྐོར་དེ་དེ་རིང་ངའི་སྨན་པ་དགེ་རྒན་ལགས་ལ་སྐད་ཆ་དྲིས་ཡིན། ཁོང་རང་གིས་སྤྲེའུ་རེག་དུག་ནི་གཙོ་བོ་ཕོ་དང་ཕོ་བར་ལུས་འབྲེལ་བྱེད་པའི་མཚན་མཐུན་དགའ་གྲོགས་བར་ལ་དར་ཁྱབ་ཆེ། འགོས་ནད་འདི་གཙོ་བོ་ཕོ་དང་ཕོ་བར་གྱི་མཚན་མ་བརྒྱུད་ནས་འགོ་འགྲོ་བའི་ནད་ཅིག་ཡིན་ཟེར།

༄༅། །བྱ་ཁྱུང་གསེར་གདུང་གི་ལོ་རྒྱུས།
༄༅། །བྱང་ཆུབ་མཆོད་རྟེན་འདི་ནི། མཉམ་མེད་ཙོང་ཁ་བའི་རྩ་བའི་བླ་མ་ཟླ་མེད་པ། ཆོས་རྗེ་དོན་གྲུབ་རིན་ཆེན་གྱི་གདུང་རྟེན་ཡིན། ཆོས་རྗེ་དོན་རིན་པོ་ཆེ་དགུང་གྲངས་དོན་བདུན་བཞེས་པ། སྤྱི་ལོ་༡༣༨༥ལོར་མྱ་ངན་ལས་འདས་ནས་གདུང་རྟེན་ཐོག་མར་བཞེངས། ༡༥༢༣ལོར། རྒྱལ་མཆོག་བསོད་ནམས་རྒྱ་མཚོས་སྐུ་གདུང་གསེར་ཟངས་ཀྱིས་བཏུམས་པར་མཛད། དེ་ནས་ལོ་རེ་བཞིན་བདུད་རྩིའི་རྒྱུན་བཟང་ཆག་མེད་དུ་བབས། ༡༧༤༨ལོར། རྒྱལ་མཆོག་བསྐལ་བཟང་རྒྱ་མཚོ་དང་ཁྲི་ཆེན་ངག་དབང་མཆོག་ལྡན་རྣམ་གཉིས་ཀྱིས་གསེར་གདུང་ལྷ་ཁང་ལ་གསེར་རྩིའི་རྒྱ་ཕིབས་བསྟད།
༡༩༤༦ལོར་སྔར་གྱི་མཆོད་རྟེན་བགྲེས་སྐྱོན་བྱུང་བ་བླ་བྲང་ཨ་ལགས་རིན་པོ་ཆེ་འཇིགས་མེད་འཕྲིན་ལས་རྒྱ་མཚོས་ཚ་གསེར་གྱིས་བཏུམས་པར་མཛད། དེ་དུས་བདུད་རྩི་ཕྲོམ་ཕྲོམ་དུ་བབས་ཤིང་། ལྷ་ཁང་མདུན་གྱི་ཙན་དན་སྡོང་བོ་ལ་དུས་མིན་དུ་མེ་ཏོག་བཞད། ༡༩༥༨ལོར་བཅོམ་བརླགས་ཚབས་ཆེན་ཐེབས་ཀྱང་། རྨང་གཞི་ལ་སྒུལ་སྐྱོན་མ་བྱུང་། ༡༩༦༡ལོར། ཤིང་གིས་བཏུམས་པའི་མཆོད་རྟེན་ཐབས་ཆག་ཙམ་བཞེངས་པར་བདུད་རྩི་མང་དུ་བབས། ༡༩༦༦ལོར་མཆོད་རྟེན་གཞི་མེད་དུ་བརླགས། འོན་ཀྱང་གདུང་གི་ཆ་ཤས་ཕོན་ཆེ་ཙམ་སྐལ་ལྡན་གཉིས་ཀྱིས་སྔ་ཕྱིར་གསང་སྟབས་ཀྱིས་དོ་དམ་བྱས། ༡༩༨༡ལོར། རིང་བསྲེལ་རིན་པོ་ཆེ་སྙིང་བོར་བཞུགས་པའི་བྱང་ཆུབ་མཆོད་རྟེན་ཤུག་ཤིང་གིས་སྤུས་ལེགས་ཤིག་བཞེངས། དེ་འཕྲལ་བདུད་རྩི་བབས། སྤྱི་ལོ་༡༩༩༤ལོར། མ་ཧཱ་ཙི་ནའི་ཡུལ་གྱི་སྦྱིན་བདག་ཁྱད་པར་ཅན་ཞིག་ལ་ངོས་ཀྱིས་སྐུལ་མ་བཏབ་སྟེ། དངུལ་གདུང་ཁྲུ་ཙི་བཅོ་བརྒྱད་ལྷག་ཅན་ལ་གསེར་རྩིའི་པ་ཏྲ་དང་རིན་པོ་ཆེའི་འཕྲ་རྒྱན་གྱིས་ལེགས་པར་བརྒྱན་ཏེ་ཕུན་སུམ་ཚོགས་པ་ཞིག་བཞེངས་གྲུབ། འདི་དུས་ཧོར་ཟླ་དགུ་བའི་ཚེས་མགོར་ཨ་ར་པ་ཙའི་ལྷ་ཁང་གི་མདུན་གྱི་ཙན་དན་སྡོང་བོའི་རྩེར་མེ་ཏོག་འབོར་ཆེན་དུ་བཞད་པའི་དགེ་མཚན་ཆེས་ངོ་མཚར་བ་ཞིག་ཤར་བར་གྱུར་ཏོ། །
ཤར་གདོང་བློ་བཟང་བཤད་སྒྲུབ་རྒྱ་མཚོས། སྤྱི་ལོ་༡༩༩༥ལོའི་ཧོར་ཟླ་གཉིས་པའི་ཚེས་བཅུ་གསུམ་ལ་བྲིས། །
#喜马拉雅文化圈[超话]##ལོ་རྒྱུས།##ནང་ཆོས།#