大暑如煮，
腐草为萤；
何以销暑，
急扇手心。

今朝大暑，一年当中顶顶热呃辰光到了。啥叫大暑如煮，侬看看迭个字呀，上头一个日，下头一个日，人孵勒天搭仔地当中横里，像搁勒蒸笼架哴呃馒头，日脚阿要难过。

日脚难过也要过，讲点开心呃。

大暑日脚，腐草为萤。虽然只不过是枯草哴呃虫应时而生，不过，古人还是欢喜迭能讲：草啦树叶啦因为潮湿而烂得窸粒窣啰，又勒热得要烧起来呃空气里厢变成了萤火虫。诗经里有“熠耀宵行”诗句，熠耀就是萤火虫，夜空当中，有亮光闪闪烁烁。苏东坡又来了一句：熠耀亦求偶，高屋飞相追。升级到浪漫境界了：萤火虫虽然小，也有两情相悦。

搿能看起来，欢喜到山里捉萤火虫呃人也要当心了，侬是一把“轻罗小扇扑流荧”，就怕一勿当心，要弄得牛郎织女两相离。

大暑三伏，土润溽暑。热气腾腾，整个地面侪是湿漉漉呃，跟人一样，整天汗汤汤滴。从前呒么空调，古人有高招：“六月极热，可用扇急扇手心，则五体具凉。”手心通心窍，心冷静了，身体也勿觉着热了。所以讲，心静自然凉。

大暑里厢，大雨时行。也就是讲，阵头雨多起来了。刚刚还矫阳似火，一歇歇工夫，天墨墨黑，一场大雨说来就来了。一般来讲，阵头雨来得快去得快，绝勿缠绵勿休。寻个树荫下头迓一歇，雨也就停了。

马上要立秋了，落一场雨，风凉一场，一个热天马上就要过脱了。

雨前香椿头，
炒蛋拌豆腐；
一筷入口中，
三春难忘记。

上礼拜到广东韶关去白相呃辰光，有一天是住勒树屋里呃。当然，迭个树屋还勿是造勒树哴向的房子，是造勒树林里的房子。搿也有得好了，早哴起来，推窗看出去，人赛过立勒一片树林头顶哴向，树脚下的溪流声，好像是树枝、树叶发出的呼吸声。远远交还传来布谷鸟的叫声，布谷声声，是勒了催播种的声音，也是勒了催收获的声音，收啥啦？喏，收香椿头呀，再勿采，就老了。

“雨前椿芽嫩如丝，雨后椿芽生木质”，此地的雨，就是谷雨。春天里末脚一个节气，一把香椿，香仔一个春天。

香椿头煎蛋，是绿颜色搭仔黄颜色的搭配，盛勒雪雪白的瓷盘哴向，好看得让人开胃；蛋终归就是蛋，就因为有了香椿头，所以，一筷入口，三春勿忘。

香椿头拌豆腐，又是另一种体验了。开水焯一焯，红梗转成碧绿，用盐捏一捏，斩成碎末，摆勒豆腐哴向，滴眼麻油，拌一拌入口，绿与白，是冷冷清清的味道。

香椿，一个春天的享受。

#朱一龙[超话]#哴哩个浪~啷里个啷
#朱一龙代言肯德基# [心]#近朱者赤 进站者甜#
今天和另一个包妹一起去甜品站打卡啦！[憧憬][憧憬]

冰淇淋成功的装进了膳魔师的杯子里，海报超级好看[亲亲][亲亲]朱一龙大宝贝真的是要迷死个人。

吃冰淇淋的时候又碰到了两个小笼包，哈哈，谈论追居生活，甚是高兴[哈哈][哈哈]
@朱一龙