宠物Pet Pet｜吴紫韵装假狗丰胸佗假肚演孕妇：出晒红疹 | 香港01

吴紫韵（Purple）今日（14/6）现身将军澳电视城出席TVB剧集《宠物Pet Pet》拜神仪式。对于首次在剧中演孕妇，要佗住十磅重假肚开工，Purple笑指做孕妇原来一点都不好受：“其实今次呢个角色係好突破，可能係随著年几嘅增长，由演少女到演成熟女人味嘅角色，到而家要演人妻兼大肚婆，仲要戴住个假肚演戏，今次真係第一次。”

Purple续指：“今次务求令个角色更加神似，除咗我要佗住个十磅重嘅假肚开工之外，我係要为上围升Cup装假狗，仲要戴多两个Bra先得。而呢个Size连我自己睇到都惊，心谂第时我大肚嘅时候係咪真係会咁样。加上长时间佗住假肚，仲搞条腰出晒红疹，咁所以而家真係完全体会得到，原来做大肚婆係一啲都唔易做。”

無綫重頭劇《法證先鋒IV》因黃心穎和許志安的「偷食事件」而要重拍不少戲份，損失過千萬！劇集今日再舉行拜神儀式，與心穎最多對手戲的黃浩然當日有傳嬲到爆粗，問到他心情平伏未？他「唉」一聲後說：「今次係真正回應，之前冇刻意回應，因為當事人已經好大影響，自己唔方講太多，自己同屋企人又去咗放假，當時知道件事後最擔心唔係我個人，係成個《法證》團隊，擔心個劇出唔到街。」

嘲公司畀機會拍過
浩然表示劇有機會重拍，是開心和感恩，多得公司給予機會，重拍不簡單要花好多資源，劇本要改動，所有演員配合才能成就大事：「我一個人微不足道，大家一齊先係力量。」他更自嘲：「可能公司覺得我做得唔好，畀個機會我拍過，我戲屎屎哋。」而他看到網上有好多人支持，為團隊打了支強心針，覺得是好大動力。

冇嬲黃心穎
問到是否有爆粗一事？浩然則謂：「點會爆粗，同邊個爆？同廁所爆呀？我係好擔心，當時都有發短訊畀小青（梅小青）問可以點幫手，一直都有Keep住聯絡。（嬲心穎？）冇得嬲，我哋冇聯絡。（冇嬲定冇得嬲？）我哋冇嬲，件事我哋局外人唔評論。（你係受害者？）我係擔心個劇出唔到，慶幸有得補拍，你問我，我唔方便有任何評論，同佢都係朋友，就更加不便評論，只係可惜，因為大家努力拍出嚟嘅嘢白費。」問到是否對心穎前途盡毀感到可惜？他謂不便公開評論。問到重拍的播映期，浩然稱預計拍個多月，加3、4個月後期，所以不清楚，而原本劇集拍畢打算剪頭髮，太太剛好叫他不要急於剪髮，之後他就去了旅行，期間事件就發生。而原先有電影工作，但剛好有改動，但就算如何，他點都會配合去補拍。

認比張振朗好彩
講到他比張振朗好彩，因為對方的劇集《堅尼地愛堅離地》播映無期。浩然則言是人生一個經歷、一個階段，很多事不能預計。他承認自己是比較好彩，不會拿對方比較，他們也沒有討論這件事，但希望大家努力都不會白費。

讚靚湯有經驗
而講到他補拍戲份最多，浩然稱會再去台灣取景，但自已會重新調整，將之前的抹走。問到對取代心穎的湯洛雯（靚湯）可有信心？他笑言：「佢做咗好耐好有經驗，我都唔會做番同心穎嗰種感覺出嚟，但知道靚湯呢次好急埋位，所以事前都會圍讀吓。」

無綫劇《降魔的2.0》拍攝降魔打鬥戲，劇中鄧佩儀和胡鴻鈞變身上陣，後者全程背對記者，以免造型提前曝光！貼心的他知道拍檔演打戲辛苦，特別「萬歲」請飲嘢，讓大家消暑解渴。

輕鬆過渡事件

至於馬國明全晚與謝雪心最多交流，表現亦到位，似乎未受女友黃心穎偷食事件影響心情。提到劇集煞科後可以好好休息，是否需要整合心靈？向來現實主義的他卻明言：「放假要做吓自己啲私人嘢，好似換車牌、銀行啲單都要搞，同埋要搵吓外快先啦！（唔使重整自己心靈？）唔使！有咩要重整？（心穎件事傷害咁大。）有幾大呀？唔係你哋諗得咁嚴重！（你EQ都幾好？）冇咩嘢喎，輕鬆過渡就算啦，總之我唔會係行出嚟博同情嘅人啦！（媽媽有冇擔心？）冇喎，佢好開心，今日仲去打牌！（聯絡心穎？）唔講喇！」

鄧佩儀全黑降魔

至於鄧佩儀變身打女入型入格，與麥凱程演「降魔姐弟」少不了動作戲，她指角色設計對比強烈，正常時是一位造型飄逸的設計師，變身降魔則會作全黑打扮。她坦言為了動作利落，在武打方面下了不少苦功：「自己功課做足，事前一定拉筋，最大得着係之前拍另一套劇吊威吔拉傷韌帶，依家有經驗，所以拍動作鏡頭前會不斷拉筋，做足熱身！（愛做運動？）好鍾意！日日跑步半小時至一個鐘，泰拳都好鍾意，之前拍《降魔的》番外篇都用得着。（鍾意做打女？）好鍾意，希望公司畀機會我試唔同類型嘅角色，我知我個樣太似小學教師，其實我係好動型！」