8號波 放假
本來 想比自己徹底放空 清清早就堆得滿滿嘅心靈... 可惜, 又吾小心諗咗嘢 mission failed...

✨ 總被覺得無煩惱傻更更, 其實 我都會喊到垃圾咁 擁有喊盲眼嘅潛質...
其實, 我 唔係特別正面 都唔係特別樂觀 嘅正能量 L; 只係, 我深信 上天自有安排,
學會凡事欣賞 就自然由心笑得出黎呀~

btw,
個阿婆袋 #大過我塊面# 難度係 #脸小# 好物???

#香港##女生##街拍#

粤语语源，带眼识人

其实世界嘅复杂性并非”带眼识人“就可解决问题，呵呵！因爲我哋唔系盲公，出门嘅话肯定系带著眼睛吧，所以，咱们祖先叫带眼识人应另有所指。原来响百越语中，眼意思是“估计、有节制”，带眼识人原意直译就是“带着估计去识人”，喻自己要心中有数先至得。参考当代壮语：眼=aenq。（祈正）

自問行得正企得正 鄧佩儀珍惜上位機會避緋聞

　　入行6年，27歲嘅鄧佩儀（Gloria）冇乜緋聞，形象入屋又討好，而且肯搏肯捱，深得公司歡心，劇接劇未停過。拍緊嘅重頭劇《踩過界II》雖然唔係女主角，但角色相當出位，劇中飾演熱情大學生，還會主動生擒兼色誘「盲俠」王浩信，好有發揮。被TVB力捧嘅Gloria強調會注重個人言行，力保上位小花位置：「電視台有咁多人，靚同好戲過我多的是，所以真係要珍惜機會呀！」咁識諗，抵捧啦！

採訪：方騫平 攝影：李維隆 場地：北京老家@尖沙咀加拿分道

　　近年鄧佩儀拍嘅劇集真係唔少，繼《金宵大廈》、《鐵探》後，仲有未出街嘅《機場特警》、《降魔的2.0》，而《踩過界II》正在拍攝中，雖然Gloria劇接劇冇乜時間休息，但她堅持想趁年青力壯拍多啲：「其實我都冇理自己係咪上緊位，講真自己都算係幸運嗰批，電視台有咁多人，靚有靚過你，好戲有好戲過你，唯有把握機會盡做。」問到係咪會力保形象避開緋聞？Gloria答得好得體，「呢行係需要適量曝光嘅，但盡量唔好搞到自己一身蟻啦，好彩我對人唔太熱情，而且喺感情上屬冷靜類型，所以唔易令人會錯意，自然少咗緋聞。」

　　Gloria又指諗番初入行時真係驚，搞到約異性朋友食飯都唔敢，「o依家人愈大，愈想享受生活，做番自己，只要行得正，企得正，正常社交都冇乜所謂。」鄧佩儀除咗拍《踩過界II》喺角色上有突破外，她仲有個小小心願：「原來我啲fans好鍾意聽我唱歌，如果可以唱到有份演嘅劇集歌曲就好喇，就算做一啲歌手嘅角色，可以開到金口都唔錯，我好鍾意唱歌㗎。」