#棋昱[超话]#
姐妹们我想求个文，大概就是cc和G7从小就是朋友。cc要去追校花然后求助G7，G7就给他支招，但最后发现校花喜欢的是G7。其实G7一直都是喜欢cc的。我觉得最绝的就是小王子那本书那个部分，就是把“我好孤独”换成“我喜欢你”那段对话。然后cc终于明白后去舞房找G7。啊啊啊我描述可能很烂但那篇文真的写的好好啊就是忘了叫啥了[泪]我当时还截了图来着就是忘了叫什么名字了呜呜呜有姐妹知道吗[跪了]

【On.cc】無綫《木人巷》選全能藝人　黃嘉雯游嘉欣爭女一

電視城由廣播道、清水灣再入到將軍澳電視廣播城總有一條「木人巷」，裏面全是身經百戰、十八般武藝的全能藝人，而無綫之前銳意改革綜藝節目，先後炮製《好聲好戲》及《盛．舞者》等，發現TVB確是臥虎藏龍之地，繼跳舞、配音後，日前內部再廣發英雄帖，招募能演、能歌、能舞、能Gag、能主持的藝員參與節目《飛越木人巷》大挑戰，如節目中通過「綜藝全能」及「戲劇全能」考驗而獲得「TVB全能藝人」殊榮的藝人，可以成為無綫綜藝節目主持或劇集男一或女一的機會。圈中不少小花及二線男生都躍躍欲試，是時候給懷材不遇的藝人爭取「升呢」機會。
港姐出生的黃嘉雯、郭柏妍已有不少拍劇機會，但二人都坦言想挑戰一下，黃嘉雯受訪時謂：「有興趣試吓，參加完港姐之後都好耐冇試過比賽，都想畀啲challenge自己，想借呢個機會令自己進步，（如果贏咗想演咩角色？）呢排反而想試吓挑戰奸角或反派，令觀眾更想追看角色係咩苦衷令佢做壞事。好似袁偉豪喺《刑偵日記》入邊做嘅奸角，都好打破佢以往嘅正派形象，做得好好睇、好有新鮮感。」她又指自己一直夢寐以求想做旅遊節目主持，更愈講愈興奮的謂：「飲食節目都好適合我，我本身都好大膽，上山落水都冇問題㗎！」

黃嘉雯被《刑偵日記》袁偉豪感染，想挑戰奸角演反派。

郭柏妍恨拍劇演空姐

而郭柏妍拍過幾個劇集，更曾被監製讚賞，她坦言想參加節目：「如果度到期我都想參加，因為有機會表現自己能力，作為一個新演員，經過之前好好彩有拍劇機會，知道自己真係好鍾意做戲，任何角色都好想去試，不過我細個一直都覺得空中小姐好靚，如果真係有機會我好想試吓做空姐。」

郭柏妍恨體驗演「空姐」。

而《愛．回家之開心速遞》的「送水輝」許家傑坦言已報名：「其實賽制係點我未知，自己心態唔係想做男一，而係想透過呢個節目挑戰自己，想除咗『送水輝』之外，畀觀眾睇到我許家傑仲有乜嘢！」他又透露填報名表格當日要寫自我介紹及參加原因：「自我介紹我寫自己係09年香港先生，以前跳過拉丁舞，參加過《舞動奇跡》，而原因我係寫『38歲但仍然好有火嘅演員』，以前冇乜機會自薦，依家有個機會話畀人知，好似《盛．舞者》咁，好多同事係由Dancer轉做藝人，依家又畀多啲人認識，好似陳自瑤咁，幾個節目中大家睇到佢仲係好有火，而之前張頴康學周星馳配音好犀利，同佢傾落先知，原來有段時間佢做過配音，公司真係好多臥虎藏龍。」他又指一係唔做，一做就會好認真，問如果有機會做「男一」，會想拍甚麼劇時，他謂：「梗係籃球或者跳舞啦！不過我仲有個心願，等我有機會勝出我一定會講出嚟！」

許家傑希望摵甩「送水輝」，挑戰自我。

而新人游嘉欣演戲出色，她坦言攞經驗，所以會報名：「啱啱接觸演戲，做過嘅角色唔係多，好多角色都有興趣，不過自己從小就好鍾意科幻嘅嘢，好似『蒲松齡』咁，古裝得嚟係有啲科幻嘢，我都想試吓呢類劇集。」

游嘉欣希望演科幻古裝劇集。

「運動健將」孔德賢坦言已收到通知，他謂：「都希望參加，如果有幸做男一，我好想拍運動題材劇集，演一個運動員，由一個唔叻運動嘅人，經過一段努力同苦練，成為一個成功選手。希望觀眾可以感受到運動員嗰份激情，同埋都想畀觀眾知，台上一分鐘，台下十年功。」而丁子朗之前曾任節目主持及短劇《青春不要臉》男主角，對於今次全能藝人挑戰，他謂：「經理人有通知我，我想挑戰吓自己，難得有個比賽，應希望可以喺其他同事身上學到更多。」

孔德賢恨演運動題材劇集。

丁子朗希望挑戰自己，亦能喺其他藝人身上學嘢。

【On.cc】吳孟達安詳離世　周星馳：我無法接受！

周星馳指感到難過及傷痛。

資深藝人吳孟達病逝，終年69歲。田啟文於下午5時18分現身見傳媒，他受訪時說：「佢啱啱離世，好安詳，之前醫生畀啲藥都係令佢舒服，等佢瞓覺狀態走，好似瞓咗覺咁。（後事點安排？）會有治喪委員會，預計會搞追思會，有消息會公布。（通知咗周星馳未？）我啱啱知道死訊就即刻落嚟通知你哋。」他又譴責誤傳達哥死訊的人，不知道他們的消息來源及動機：「唔理佢哋係咪圈內人都好，但會影響到屋企人，唔知大家係咪好想達哥走，所以就即刻寫，我依家先係官方公布。」
田啟文於下午6時半離開醫院，並合十多謝大家。問到何時處理身後事？他謂：「未呀，畀大家靜一靜先，之後再約大殮點安排。」而吳的兒子及家人其後亦乘車離開。

田啟文表示稍後再傾大殮安排。

吳孟達孻仔吳韋侖手持盒紙巾離開。

吳韋侖不發一言上車離開。

田啟文指吳孟達安詳離世。

吳孟達昔日的好拍檔周星馳，收到吳孟達死訊後表示：「剛剛已經得知這個消息，雖然這段時間一直在關注吳孟達的病情，多少會有一些心理準備，但還是非常難過悲痛，不捨得。吳孟達的病情來的快，走的急。他是我那麼多年的搭檔和老友，現時我還無法接受。」

周星馳與吳孟達合作無間。

曾合作拍電影的楊千嬅表示捨不得：「佢嘅作品陪伴我們成長，佢係非常有才華同幽默感嘅前輩，有幸曾經喺電影上合作過。」

楊千嬅大感不捨。

曾合作過多部作品的吳志雄認為最重要是對方走得安詳：「我知道佢情況唔樂觀，打算聽日由內地返香港探佢。（會唔會覺得遺憾？）都冇，生死好難講。」他稱兩人一直有保持聯絡：「一年前同佢喺西貢食過飯，當時問佢身體點，佢話ok，練緊拳術強身健體。」

吳志雄嘆生死無常。

黃一飛對於吳孟達離世表示：「如果受到病魔折磨的話，其實早啲走好過遲，我大過佢9年，最後都係一縷青煙，我都有番咁上下年紀，睇得好化。」

黃一飛對生死睇化晒。

黃一山則大讚吳孟達是一位很隨和的人：「佢好好，拍戲都係想帶畀觀眾歡樂，希望大家記得佢，我都想返香港出席佢嘅喪禮，但因為要開工，未必可以做到，我知佢唔會介意，希望佢一路好走，將來再有機會（在天上）見面。」

黃一山未必能夠返港出席吳孟達喪禮。

去年曾與吳孟達合作陀飛輪腕錶的「港產陀飛輪」萬希泉創辦人沈慧林（William），對其死訊表示難過，他透露與對方認識了一段時間，不但有幸成為其合作夥伴，本身更是其影迷，他又憶述2人相處點滴：「我好記得嗰陣設計手錶之餘，亦會一齊研究馬經，估唔到依家天人永隔，我同屋企人都好傷心，希望達哥可以往生淨土、早登極樂，佢嘅作品會永留世間。」

萬希泉創辦人沈慧林難忘同吳孟達一齊研究馬經。

藝人朱茵與吳孟達合作過多部電影，她表示得知對方離世的消息後非常難過，並大讚對方為人：「佢係非常好嘅演員，好值得人尊重，佢好識得照顧新人，當年我同佢合作時都係新人，又喺外地拍戲，每餐飯佢都會叫我同其他人一齊食，真係好唔捨得佢離開。」

朱茵與吳孟達曾合作多部電影。

至於曾與吳孟達合作電影《導火新聞線》的何珮瑜坦言兩人的對手戲不多，但他們在西安為電影宣傳的短短數日，令她印象深刻：「佢係一位好好嘅前輩同演員，佢好慈祥，佢會分享以前嘅故事，會講佢點去研究角色，佢講過喺《喜劇之王》中槍嗰場戲，佢教我好多嘢，嗰幾日宣傳獲益良多。」

何珮瑜（左）喺吳孟達身上學到好多嘢。

而曾與他合作節目《王牌對王牌》的內地導演吳彤，大讚他「比年輕藝人都還要配合、謙遜、尊重一切內容。很敬業，一直沒說一句累」，又指：「讓我印象深刻的就是，我們叫他達叔，他說，別叫我達叔，叫我達哥，我還年輕着。」並為對方即使有病在身仍堅持演戲而感佩服。

內地導演吳彤發文悼念。

苑瓊丹：佢教曉我做人
苑瓊丹對於吳孟達離世大嘆不拾，更表示在對方身上學到待人處世：「聽到大家發消息出嚟話達哥走咗，咁一定係好唔捨得啦，其實達哥喺我哋呢啲後輩嘅心目中，係一個非常之願意去幫助我哋呢啲後輩，亦都係教曉我哋去做人，我好記得同達哥開工嘅時候發生咗一件事，當時我火即刻嚟，但達哥就反而係佢撳住我，叫我唔好咁，不如我哋做一次畀大家睇吓，一而再，再而三，叫我唔好忟，繼續試，所以喺我以後嘅日子裏面，無論做乜都好，當我想發脾氣時，我都會諗一諗，達哥曾經教我哋點樣待人處世，達哥離開我哋，不止係影壇好大嘅損失，亦都係我哋演藝嘅後輩，冇咗一個良師，亦都好多人冇咗個益友，希望佢屋企人可以釋懷。」

苑瓊丹大嘆冇咗位良師益友。