#张继聪[超话]# 【on.cc東網專訊】藝人謝安琪（Kay）為今日結婚的新郎哥蕭潤邦（Oscar）做伴郎，而Kay老公張繼聰（阿聰）則是兄弟團之一，對於新郎哥寸兄弟團「好幫得手」，阿聰笑言：「我有幫㗎，我有着美少女衫。」Kay搞笑指因為件衫唔啱size，所以着唔到，阿聰就說：「我都係第一次見啲兄弟冇乜幫新郎哥頂嘢玩遊戲，其實大家別有用意，咁樣先可以令新娘對新郎哥有信心，一睇就知老公乜都自己嚟、自己頂，會好感動。成個婚禮party好襯佢兩個嘅性格，因為Oscar好幽默風趣，今日都係好輕鬆地進行成個婚禮。」

今早眾人要抬花橋接新娘，Kay說：「我都做咗好耐gym，想試吓力，17個兄弟一齊抬，酒店職員見到都呆咗。」兩公婆以為Oscar是「船頭尺」，硬朗唔喊，點知Oscar好快喊。他們表示最感動是見到Oscar和Elanne父母相處好融洽，阿聰說：「Oscar同岳父感情好好，今日接新娘擁抱完後，我就叫佢錫埋岳父，點知佢真係錫咗！好開心，未見過一個新郎同岳父關係咁好、好到要錫，希望今晚呢個場面會encore。」

力撐蕭定一

講到老闆蕭定一旗下的HMV發聲明自願清盤，Kay即放下咪交由老公講，阿聰說：「對我冇影響。（驚唔驚公司資金有問題？）我同蕭定一係經理人合約，除咗會拍公司投資嘅戲，都會接其他戲拍，工作已經排到下年。我個約唔係短時間，但都唔係長，正如張智霖日前所講，做生意一定有起有落，大家一條船最緊要齊心。佢（蕭定一）好有才華，依家只係遇到啲唔好嘅事，相信佢handle到。」

【愛登士家庭】古仔年年生日過年咁慶祝 全家木口木面影全家福

今晚喺中環8號碼頭香港海事博物館舉行嘅時尚活動，#古天乐[超话]#同宣萱雙雙現身受訪。古仔今個月21號就係48歲生日，到時點慶祝？佢就話：「年年都係咁啦，返屋企食飯，年年都係咁。食完飯就一家人影張木口木面嘅相，我由手抱嘅時候已經係咁影，個個都木口木面嘅。總之大家食食下飯，食完飯一埋位影張相，就大家都木口木面0架喇。」原來古仔嘅「木」，由細個BB嗰陣已經係咁。

講到呢度，身旁嘅宣萱已經忍唔住大笑，古仔都忍唔住，仲笑到流眼水，要宣萱遞紙巾。

咁古仔呢餐生日飯，媽媽會煮乜嘢俾你食？「都係我鍾意食嘅嘢啦，髮菜蠔豉、白切雞咁啦。」好似過年咁嘅？「係呀，當過年咁樣煮0架喇，你話係咪食到木口木面吖？」

古仔又話：「其實屋企由菲林相機時代已經有咁樣嘅傳統，大家就咁坐埋一齊食飯影相，啲相一路有Keep住，有啲仲已經舊到發黃添！」

問到有乜生日願望？佢笑笑口話﹕「都係希望身體健康啦，身體健康先可以影呢啲木口木面嘅相。」佢笑言要相傳到下一代：「係呀，愛登士家庭咁。」

宣萱透露稍後會放假離港休息，所以要補祝古仔生日，宣萱即場問古仔﹕「你記唔記得我上年送乜畀你？」古仔話：「個個送禮物，我邊記得咁多呀！好似係一個好靚嘅爐，因為有次萬歲完將嘢食打包返屋企，咪自己一個人食囉，所以用過一次。」宣萱笑道：「咁我知送乜嘞，下年送個鍋畀你，送木口木面鍋，貼咁你張相上去。」

對於今年施政報告指會預留十億港元用作香港電影發展基金，古仔稱係好事，佢話：「最重要培育新人，幕前唔好講，幕後近年係多咗好多年青人開工，一啲燈光、擺機嘅辛苦工作，都有女仔加入，好多都好有熱誠，但冇門路，現在政府帶頭鼓勵人入行係好事，睇吓遲啲有冇相關訓練畀佢哋去上啦。」 网页链接

#袁咏仪# 藝人袁詠儀（靚靚）出席慈善步行活動，她直言已經很久沒有做探訪工作，因遺憾地撞唔啱出發時間，自己亦希望帶同兒子「魔童」同行，但又要夾假期：「本身今日都有叫佢嚟呢度，但佢唔啋我，話假期要休息吓。佢知我今日要揹住啲水，我臨出門前仲叫我慢慢擔。」靚靚表示活動舉辦多年，改變了許多地方，增強不少香港人珍惜食水的意識：「唔會話開住水喉刷牙，呢啲需要慢慢教育，但世界咁大好難幫得晒。」她認為整個世界的貧富頗為懸殊，要做得好是一個大工程，所以做得幾多得幾多，最重要從小教育珍惜食水。問可有教導兒子慳水？她表示已經好慳，有限制他的洗臉時間：「因為佢哋冇意識，又唱吓歌咁，同埋佢用開番梘，要捽到起泡，我就叫佢唔好開住水沖身。」

談及母親節將至，靚靚笑言對她來說沒太大意義，因兒子沒有這個意識，大呻做賢母好慘：「我屋企好多時候只有父親節，冇母親節，待遇係好懸殊，好似今朝起身，佢係搵爹哋，唔係搵媽咪，就算我自動送上門佢都係搵爹哋。」但她表示唔緊要，知道兒子有朝一日會明白她的苦心。問兒子是否以往都沒有表示？她說：「佢有，有時想氹我開心，同心情好就會，平時就好少，但冇辦法我真係比較嚴謹。（有冇叫老公送手袋補償？）佢會答『你又唔係我母親』，不過冇乜所謂，我又唔係好緊張呢個節日，反而我會送花畀自己媽媽、契媽、奶奶同埋阿仔契媽，教阿仔要多謝其他平時教佢嘅Auntie。」她笑指兒子覺得送花只限女朋友，沒想過要送給媽媽。

昨晚的慧研雅集慈善晚會，她表示晚會後另一個派對出席，逗留至晚上十時就離開，問最後有否跟陳法蓉碰面？她笑言：「其實我想講好多尷尬都係你哋造成，我哋真係冇嘢，因為我係對事唔係對人，成日問我尷唔尷尬，畀你哋唔尷尬講到尷尬。（驚你尷尬嘛！）我唔驚㗎！有個勇字喺度。（有冇傾偈？）我成晚同李丞責討論風水命理同面相學，所以冇咩機會同其他人傾偈，另一邊就同關芝琳講吓美容同健身，成晚都好有得着，連食都冇機會就走咗，加上會場太多人，我又唔係嗰種刻意打招呼嘅人，見到面咪打，我係大聲但有禮貌。」

on.cc