དུང་དཀར་གྱིས་ང་ལ་འུ་གཉིས་ཀྱི་མཐོང་ཐོས་ཀྱི་ཁ་ཞེང་དོག་ཁར་བསོད་ནམས་ཀྱི་བགོ་སྐལ་དམན་པས། བོད་ཀྱི་སྐྱེས་ཆེན་ཉི་ཟླ་འདྲ་བ་དེ་དག་སྐུ་གཤེགས་རྗེས་སུ་རི་སྡེའི་སྐད་འཕྲིན་བརྒྱུད་ནས་ཤེས་བ་མ་གཏོགས་སྐུ་དངོས་བཞུགས་ཡུན་རིང་གསུང་ལ་མཇལ་རྒྱུ་ཕར་ཞོག མཚན་ཙམ་ཐོས་བསྐལ་དུ་འབྱོར་རྒྱུ་ཡང་དཀའ་ཙམ་གདའ་ཟེར་མྱོང་།

སློབ་སྐབས་སྔོན་མའི་སྔོན་མ་ཞིག་ལ་ཁོ་མོས་ཁོ་མོར་གྲོགས་པོ་ཞིག་གིས་འོས་སུ་འཁོད་པའི་སྒྲུང་རིང་《བཀྲས་ཟུར་ཚང་གི་གསང་བའི་གཏམ་རྒྱུད》ཞེས་པ་འདི་ང་ལ་ཁྱོད་ཀྱི་ཁམས་དང་མཐུན་པའི་སྒྲུང་གཏམ་ཞིག་རེད་ཅེས་ནས་འོས་སྦྱོར་བསྐྱར་མར་མཛད།སློབ་མགོ་འདི་ཟིན་པའི་སྐབས་ཀྱི་ཟླ་གསུམ་པའི་ཟླ་དཀྱིལ་ལ་གཞི་ནས་བཀླགས་བསྐལ་ངང་གིས་གྲུབ།རྩོམ་རིག་མྱོང་དཔྱད་ལ་ཅི་ཡང་མི་འཇོན་མོད། ཐ་སྙད་རེ་རེར་ཡང་ཕ་སྐད་ཀྱི་རོ་བྲོ་ཕུན་སུམ་ཚོགས་ལ། ཚིག་རྐང་རེ་རེར་ཡང་བརྡ་འཕྲོད་ལུགས་ཁ་ཁ་ཞིག་འདུག་པས། གུས་མོ་སྒོ་ནས་བསླུས་སོང་། དེ་བས་གོ་རིམ་ཧྲིལ་བོར་ནད་པར་རིམ་གྲོ་བསྲིབ་པ་ལྟར་བཀླགས་པ་མ་ཡིན་པར། ཞིབ་མོ་དར་ཚགས་ཀྱིས་བཀླགས་ཤིང་རྟིང་མར་བསྐྱར་དུ་བཀླག་དགོས་སྙམ་པ་ཞིག་ཀྱང་བྱུང་།སྐབས་དེར་དུང་དཀར་གྱིས་ད་དུང་ང་ལ་སྒྲུང་འདིའི་འབྲེལ་ཐོགས་ཀྱི་རྩོམ་མཁན་ཁོང་ཚང་ངོ་སྤྲོད་དང་བཅས་པའི་དཔྱད་རྩོམ་ཞིག་བསྐུར་ཞིང་ངེད་གཉིས་ནས་ཁོང་ད་དུང་ཡང་སྐུ་བཞུགས་ནས་འདུག་ཅེས་དགའ་འབོད་བྱས།

མདང་ནུབ་ཁོང་ཚང་འདས་གྲོངས་སུ་གྱུར་བའི་གཏམ་ངན་ཐོས་རྗེས། མོས་ད་ཐེངས་གཞི་ནས་ང་ཚོར་ཁོང་རང་མ་གྲོངས་སྔོན་དུ་གསུང་ལ་མཇལ་བསྐལ་བྱུང་སོང་། དེ་མིན་ན་འུ་ཚོར་མྱ་ངན་ཙམ་ཞུ་བའི་ཐོབ་དབང་འང་མེད་པ་འདྲ་ཟེར། བཀྲས་དབང་ལགས། འཇིག་རྟེན་དཀར་ངོགས་སུ་ཁྱེད་རང་མི་སྣང་བར་གྱུར་ཀྱང་། སྒྲུང་གཏམ་གྱི་སྡེ་ཚོ་ནས་ང་ཚོ་ཡང་དང་བསྐྱར་དུ་འཕྲད་ཡོང་།

༢༠༢༢-༤-༢༨

༈ ཀྱཻ། ཕྱོགས་ཕྱོགས་དེ་ནི་ཕ་གི་ན༔ ཉི་མ་ནུབ་ཕྱོགས་ཕ་གི་ན༔ བཙན་ཡུལ་ཟངས་ཐང་དམར་པོ་ན༔ པདྨ་དབང་གི་བཀའ་ཉན་པ༔ ཆེ་བཙན་རོལ་པ་སྐྱ་བདུན་ནི༔ ཕལ་ཆེར་སྐུ་མདོག་དམར་པོ་ལ༔ ཕྱག་ན་བ་དན་ཞགས་པ་བསྣམས༔ སྡེ་བརྒྱད་དྲེགས་པའི་ཚོགས་དང་བཅས༔ ཚུར་བྱོན་ཚུར་བྱོན་གནས་འདིར་བྱོན༔ ཤུ་ལ་ཏྲཱིཿབཛྲ་ས་མཱ་ཛཿ བྷྱོཿ བཙན་མཁར་དམར་པོའི་ནང་ཤེད་ན༔ ཤ་ཁྲག་ལོངས་སྤྱོད་བསམ་མི་ཁྱབ༔ ཡིད་འོང་སྤྱན་གཟིགས་ཀུན་ནས་མཛེས༔ དམ་ཚིག་གཙང་མའི་གདན་ལ་བཞུགས། ས་མ་ཡ་ཏིཥྛ་ལྷན༔ ཀྱཻཿ སྐྱེས་བུ་རོལ་པ་མཆེད་བདུན་ནི༔ འཕྲིན་ལས་མཛད་པ་བསམ་མི་ཁྱབ༔ པདྨ་དབང་གི་བཀའ་ཉན་པ༔ དམ་ཚིག་གཏེར་བདག་ཁྱོད་ལ་བསྟོད༔ གཙང་མའི་སྐུ་ཁྲུས་འདི་འབུལ་ལོ༔ བདག་དང་ཡོན་གྱི་བདག་པོ་ལ༔ ཐུགས་རྗེའི་དབང་གིས་ཉེ་བར་མཛོད༔ ཨརྒྷཾ་བི་ཤུདྡྷ་དྷེ་སྭཱ་ཧཱ༔ གཙང་མའི་བདུག་སྤོས་སྤྲིན་ལྟར་གཏིབས༔ མེ་ཏོག་སྣང་གསལ་དྲི་མཆོག་དང༔ ཞལ་ཟས་སྙན་པའི་རོལ་མོ་འབུལ༔ ཐུགས་རྗེའི་དབང་གིས་ཉེ་བར་མཛོད༔ རཱུ་པ་པུཥྤེ་དྷཱུ་པེ་ཨཱ་ལོ་ཀཻ་གནྡྷེཿ ནཻ་ཝི་དྱཱ་ཤཔྟ་པཱུ་ཙ་ཧོཿ ཀྱཻཿ སྐྱེས་བུའི་སྲོག་གི་བདག་པོ་ནི༔ འཇིགས་བྱེད་རོལ་པ་སྡེ་བདུན་ཚོགས༔ ཁྱེད་ལ་དགྱེས་པའི་ལོངས་སྤྱོད་ནི༔ ཤ་ཁྲག་དམར་གཏོར་རི་ལྟར་སྤུངས༔ ཟག་མེད་བདུད་རྩི་མཚོ་ལྟར་བསྐྱིལ༔ རཀྟའི་ཡོན་ཆབ་རྫིང་བུར་གཏམས༔ སྤྱན་གཟིགས་ལོངས་སྤྱོད་སྐར་ལྟར་བཀྲམ༔ རྔ་གླིང་རོལ་མོ་འབྲུག་ལྟར་སྒྲོག༔ གླུ་དབྱངས་སྙན་པའི་ཚོགས་དང་བཅས༔ དམ་ཅན་མཆེད་བདུན་ཐུགས་དམ་བསྐང༔ བཙན་རྒོད་འབར་བའི་ཐུགས་དམ་བསྐང༔ སྡེ་བརྒྱད་བསྡོངས་ཟླའི་ཐུགས་དམ་བསྐང༔ དཀོར་སྲུང་དམ་ལྡན་ཐུགས་དམ་བསྐང༔ ལས་བཞི་ཕོ་ཉའི་ཐུགས་དམ་བསྐང༔ ཧཱུྃ༔ བསེ་མཁར་དམར་པོ་ལྡེམས་སེ་ལྡེམ༔ དར་དམར་རུ་མཚོན་པུ་རུ་རུ༔ བ་དན་དམར་པོ་ཡེངས་སེ་ཡེང༔ དྲེགས་པའི་མདའ་འཕེན་སྦྲེངས་སེ་སྦྲེང༔ ལས་བྱེད་བཤན་པ་རོལ་ལོ་ལོ༔ བཤུག་པའི་འབོད་སྒྲ་དི་རི་རི༔ ཆེ་བཙན་རྒྱལ་པོའི་ཐུགས་དམ་བསྐང༔ སློབ་དཔོན་པདྨའི་སྤྱན་སྔ་རུ༔ ཐུགས་དམ་ཞལ་བཞེས་དེ་དགོངས་ལ༔ ཁྲི་སྲོང་ལྡེའུ་བཙན་རྗེ་རིགས་དང༔ རྣལ་འབྱོར་དམ་ལྡན་བརྒྱུད་པར་བཅས༔ དམ་ཚིག་གཅིག་ཏུ་སྐྱོང་བ་དང༔ སྐུ་ལ་རྡོ་བའི་རིགས་བརྒྱུད་ཆོད༔ ལོག་ལྟའི་སྡེ་དཔུང་ཆམ་ལ་ཕོབ༔ སྔགས་འཆང་རྡོ་རྗེའི་དམ་མ་འདྲལ༔ བཅོལ་ལོ་གཉེར་རོ་མཐུ་རྩལ་བསྐྱེད༔ ཡལ་ཡོལ་བྲི་གོལ་མ་མཛད་ཅིག༔ ངོ་བསྲུང་ཟས་ཕྱིར་མ་འབྲེང་མཛོད༔ ཐུགས་དང་འགལ་བ་བསྐོངས་གྱུར་ནས༔ བུ་སྡུག་ཚ་བོ་བཞིན་དུ་སྐྱོངས༔

༈ཧྲཱི། པདྨ་དབང་གི་བཀའ་ཉན་མཐུ་བོ་ཆེ།།
ཆེ་བཙན་དྲེགས་པའི་རྒྱལ་པོ་ཡང་ལེ་ཝེར།།
ཙིའུ་དམར་པོ་བཀའ་འཁོར་སྤྲུལ་པ་བཅས།།
གསོལ་ལོ་མཆོད་དོ་བཅོལ་བའི་འཕྲིན་ལས་མཛོད།།

࿑ རྗེ་བཙུན་མི་ལ་རས་པའི་མགུར་ལས།

ཐབས་ཤེས་གཉིས་ཀྱི་སྒ་སྲབ་སྤྲད།།
འགྱུར་མེད་བརྟན་པའི་གོང་རྨེད་བཅུག།
སྲོག་རྩོལ་རླུང་གི་མཐུར་མདའ་བརྒྱུས།།
དེ་ལ་རིག་པའི་ཁྱེའུ་ཆུང་ཞོན།།

ཐེག་ཆེན་སེམས་བསྐྱེད་རྒྱ་རྨོག་གྱོན།།
ཐོས་བསམ་སྒོམ་པའི་འཇོལ་ཁྲབ་གྱོན།།
བཟོད་པའི་ཕུབ་ཆུང་རྒྱབ་ཏུ་ཁུར།།
ལྟ་བའི་མདུང་རིང་ལག་ཏུ་ཐོགས།།

ཤེས་རབ་ཀྱི་རལ་གྲི་གློ་ལ་བཏགས།།
ཀུན་གཞི་འཇམ་པོའི་སྨྱུག་མ་ལ།།
ཁོང་ཁྲོ་མེད་པའི་འཁྱོག་ཅིག་བསྲང་།།
ཚད་མེད་བཞི་ཡི་སྒྲོ་ཞིག་བསྐྱོན།།

ཤེས་རབ་རྣོན་པོའི་མདེའུ་བཙུགས།།
སྟོང་པ་ཉིད་ཀྱི་གཞུ་མོ་ལ།།
ཐབས་ལམ་ཟབ་མོས་ལྟོང་སྦྱར་ནས།།
ཟུང་འཇུག་ཡངས་པའི་འདོམ་ལ་འཇལ།།

མདའ་འཕེན་པ་རྒྱལ་ཁམས་ཡོངས་ལ་འཕེན།།
ཕོག་པ་དད་པ་ཅན་ལ་ཕོག།
ཤི་བ་ངར་འཛིན་གྱི་འགོང་བོ་ཤི།།
དེ་ཕྱིར་དགྲ་ནི་ཉོན་མོངས་འདུལ།།

གཉེན་ནི་འགྲོ་དྲུག་སེམས་ཅན་སྐྱོང་།།
རྟ་རྒྱུག་ནི་བདེ་ཆེན་ཐང་ལ་རྒྱུག།

ཅེས་གསུངས་སོ།།