ངོར་ཆེན་རྒྱལ་བའི་གདུང་འཚོབ་ངོར་པའི་ཁྲི་རབས་དོན་བདུན་པ་ཐར་རྩེ་མཁན་ཆེན་རྡོ་རྗེ་འཆང་ངག་དབང་བསོད་ནམས་མཆོག་ལྡན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོ་མཆོག་བཀའ་སློབ།

ང་རང་ཚོ་མིའི་སེམས་འདི་གསེར་བཟང་པོ་དང་འདྲ་བ་བཟང་ངན་གང་དུ་ཡང་བསྒྱུར་རྒྱུ་ཡོད་པ་དང་བསྒྱུར་ཐུབ་པ་ཞིག་རེད། དེ་འདྲ་ཡིན་དུས་ནང་ཆོས་ལ་ཐོས་བསམ་བསྒོམ་གསུམ་བྱས་ན། སེམས་ངན་པ་དེ་སེམས་བཟང་པོ་ཞིག་ཏུ་བསྒྱུར་ཐུབ་པ་རེད། རང་སེམས་འདུལ་བ་ཏེ་སེམས་བཟང་པོར་བསྒྱུར་བའི་ཐབས་ཡག་ཤོས་དེ་ནང་ཆོས་ལ་ཐོས་བསམ་བསྒོམ་གསུམ་བྱེད་པ་ལས་ལྷག་ཐབས་གཞན་འཛམ་བུ་གླིང་གང་དུ་ཡང་ཡོད་མ་རེད།

དཔེར་ན་དེང་སང་འཛམ་གླིང་ག་ས་ག་ལ་སློབ་སྦྱོང་བྱེད་སའི་གཏི་གནས་སློབ་གྲྭ་ཆེན་པོ་ཁག་མང་པོ་ཡོད་རེད། དེ་ཐམས་ཅད་ཀྱི་གཙོ་བོ་ཕྱིའི་དངོས་པོ་ཡར་རྒྱས་གཏང་བའི་ཆེད་དུ་སློབ་སྦྱོང་སྤྲོད་ཀྱི་ཡོད་རེད། དེ་འདྲ་ཡིན་ཙང་། ཕྱིའི་དངོས་པོ་ཡར་རྒྱས་འགྲོ་བ་དང་མཉམ་དུ་རང་རང་གི་སེམས་ལ་ཡོད་པའི་ཉོན་མོངས་པ་འདོད་ཆགས། ཞེ་སྡང་། ང་རྒྱལ། ཕྲག་དོགས་ལ་སོགས་པ་ཐམས་ཅད་ཀྱང་ཤུགས་ཆེ་རུ་ཆེ་རུ་འགྲོ་གི་ཡོད་པ་རེད།

བཅོམ་ལྡན་འདས་ཀྱིས་གསུང་པའི་ཐེག་པ་ཆེ་ཆུང་གི་ཆོས་རྣམས་སུ་ཉོན་མོངས་པ་མེད་པ་བཟོ་བའི་ཐབས་གསུང་པ་མ་གཏོགས། ཉོན་མོངས་པ་འཕེལ་བའི་གསུང་གཅིག་ཀྱང་ཡོད་མ་རེད། དེ་འདྲ་ཡིན་དུས་ནང་ཆོས་ལ་དངོས་གནས་ཀྱི་ཐོག་ཐོས་བསམ་བསྒོམ་གསུམ་བྱེད་མཁན་ཞིག་ཡིན་ན། ཐ་ནའང་རང་ཉིད་སེམས་ལ་ཞི་བདེ་ཐོབ་ནས་མི་གཞན་ལ་གནོད་པ་མི་བྱེད་པ་ཞིག་ངེས་པར་དུ་ཡོང་གི་ཡོད་རེད།

དེ་འདྲ་པོ་ནང་ཆོས་ལ་ཉམས་ལེན་བྱེད་མཁན་མི་གཅིག་ཡོད་ན་མི་གཅིག་ཞི་བདེ་ཐོབ་ཐུབ་པ་དང་། མི་བརྒྱ་དང་སྟོང་ཡོད་ན། མི་བརྒྱ་དང་སྟོང་ཞི་བདེ་ཐོབ་ཐུབ་པ་ཡིན། རྒྱལ་ཁབ་གཅིག་ལ་ཁྱབ་ཐུབ་ན་རྒྱལ་ཁབ་གཅིག་ཞི་བདེ་ཐོབ་ཐུབ་པ་དང་། འཛམ་བུ་གླིང་ཡོངས་ལ་ཁྱབ་ཐུབ་ན་འཛམ་བུ་གླིང་ཡོངས་ཞི་བདེ་ཐོབ་ཐུབ་པ་སོགས་ཚེ་འདི་གཅིག་པུ་ལ་བསམ་ནའང་ཕན་ཐོག་ཆེན་པོ་ཡོད་པ་འདི་འདྲ་རེད། དེ་ཡིན་དུས་ནང་པ་སངས་རྒྱས་པའི་ཆོས་ཟེར་བ་དེ་སེམས་ལ་ཡོད་པའི་ཉོན་མོངས་པ་རྣམས་འདུལ་བའི་ཐབས་ཤེས་ཞིག་ཡིན་པ་ཡིན་དུས་སེམས་ཀྱིས་འཛིན་དགོས་པ་ཡིན་གསུངས།། །།#运动员闪耀计划##我的绿色生活##萨迦法王#

རྩ་བའི་བླ་མའི་འདས་མཆོད་དུས་དྲན།

ཨེ་མ་ཧོ།

欸麻哄
རྒྱ་ཆེན་བཤད་སྒྲུབ་ནམ་མཁའི་མཛོད་ཀྱི་བདག།
嘉切学智辣卡座且达。
བསླབ་གསུམ་ཚུལ་ཁྲིམས་སྡེ་སྣོད་འཛིན་པའི་གཤེན།།
喇松慈成登诺子比辛。
གངས་ཅན་སྨྲ་བའི་དབང་པོ་རྗེ་བཙུན་པ།།
刚杰嘛位翁波吉孜巴，
ངེས་དོན་བཤེས་གཉེན་ཆེན་པོར་གསོལ་བ་འདེབས།།
恩多西念切波索王得。

༄༅།།པཎ་ཆེན་ཡེ་ཤེས་རྩེ་མོར་༧རྗེ་དགེ་འདུན་གྲུབ་པས་དང་པོ་ཁོ་བོ་དཔེ་ཆ་མང་པོ་ཟིན་པ་གཅིག་ཡོད་དེ། ད་ཚིག་རེ་རེ་ལའང་དཀའ་ལས་ཆེ་བར་འདུག དོན་ལ་འཆི་བ་ཁོ་འོང་བར་འདུག།ཤི་ནས་གར་འགྲོ་ནི་ཆ་མེད་གསུངས། དེ་ལ་པཎ་ཆེན་ཡེ་ཤེས་རྩེ་མོས། ༧རྗེ་རིན་པོ་ཆེ་ནི། ཕྱི་མ་ལ་སྔར་བདེ་བ་ཅན་དུ་འབྱོན་བཞེད་ཡོད་ནའང་། ཕྱིས་དགའ་ལྡན་དུ་འབྱོན་བཞེད་ཡོད་པ་ཡིན་ཞེས་མི་ཀུན་གླེང་བར་འདུག་ལགས་ཞུས་པས་༧རྗེའི་ཞལ་ནས། ཁོ་བོ་ལ་དེ་ལྟ་བུའི་འདོད་པ་ཕུར་ཚུགས་པ་མེད། རྗེ་བཙུན་གྱི་སྐུ་བཞེངས་པ་འདི་ཡང་སེམས་ཅན་ཐམས་ཅད་རྗེ་བཙུན་གྱི་འཁོར་དུ་སྐྱེས་ཏེ་ཐེག་ཆེན་གྱི་ཆོས་ལ་ལོངས་སྤྱོད་པའི་རྟེན་འབྲེལ་དུ་བསམས་ཏེ་བྱས་ཤིང་། བདེ་བ་ཅན་ལ་སོགས་ན་གདུལ་བྱ་ཡང་དག་པ་འབའ་ཞིག་ཡོད། དེ་བས་མ་དག་པའི་གདུལ་བྱ་རྣམས་གདུལ་བའི་ཕྱིར་དུ་རེ་ཞིག་ལ་མ་དག་པའི་ཞིང་འདིར་ཀ་སྡོད་འདོད་ཡོད་པ་ཡིན། ཞེས་གསུངས།།