༈ རྒྱ་བརྒྱུད་བསམ་གཏན་禅宗པའི་ལུགས་ཀྱི་ཐ་སྙད་མེན་ཞིན་ཅན་ཞིན་明心见性 ནི་ཆེས་ཁྱབ་ཁོངས་ཆེ་བའི་ཐ་སྙད་ཅིག་ཡིན། ཐ་སྙད་དེ་བོད་བརྒྱུད་རྫོགས་ཆེན་མན་ངག་ལུགས་དང་འབྲེལ་ན། མེན་ཞིན་明心ནི་བྱུང་གནས་འགྲོ་གསུམ་ལམ་ནས་སེམས་ཀྱི་ངོ་བོ་ངོས་ཟིན་པའམ་སེམས་རྙེད་ཟེར་བ་དང་མཚུངས། ཅན་ཞིན་见性ནི་རིག་པའི་རྩལ་དབང་སོགས་ཀྱི་ལམ་ནས་རིག་པ་གནས་ལུགས་ཀ་དག་སྟོང་པ་ཆེན་པོ་རུ་ངོ་སྤྲད་པ་ལ་གོ་དགོས། དེ་བོད་ཡིག་ཏུ་བསྒྱུར་ན་ངོ་ཤེས་རྩལ་རྫོགས་སམ་ཡང་ན་སེམས་རིག་ངོ་འཕྲོད་ཅེས་བྲིས་ན་ཆོག །སྒྲ་ཐལ་འགྱུར་རྩ་བའི་རྒྱུད་ལས། སེམས་ནི་ཐོག་མ་བྱུང་ས་དང་། །བར་དུ་གནས་ས་ཐ་མ་འགྲོ །དེ་ལྟར་གསུམ་ལ་བརྟག་དཔྱད་ན། །སེམས་སྦྱངས་སེམས་ཀྱི་གནས་ལུགས་ཤེས། །ཞེས་གསུངས་སོ།།

ཆོས་ཀྱི་གྲོགས་པོ་ཞིག་ལ་ལན་དུ་གུ་ཡངས་སོས་དལ་ནས།

༢༠༢༢.༤.༡༦

མཁས་དབང་༸གཟན་དཀར་ཐུབ་བསྟན་ཉི་མའི་རྩོམ་ཡིག

༈ ཁ་པར།
ཀ་བ་གདུང་བཞིའི་འོག་ན་ཁ་པར་རྩེ། །
ཁ་ཏོན་དགེ་སྦྱོར་བརྩོན་པས་ཁ་པར་རྩེ། །
ག་ས་གང་ན་ཁ་པར་ཁོ་ནར་གཡེང་། །
ཅ་རིལ་ལྟ་བུར་ཙོག་སྟེ་ཁ་པར་རྩེ། །
ཆ་ལུགས་འདྲ་མིན་བསྟན་ནས་ཁ་པར་རྩེ། །
ཇ་ཆང་ཞོར་ལ་ཁ་པར་འབའ་ཞིག་རྩེ། །
ཉ་མོ་ཆུ་ལ་ཞུགས་ལྟར་ཁ་པར་རྩེ། །
ཏ་ལེན་འཁུར་བའི་འབྲོག་པས་ཁ་པར་སྣོག །
ཐ་ན་རང་ལམ་འཆོལ་བའི་གྲུབ་རྟགས་སྟོན། །
ད་ལྟའི་འུ་ཅག་རིག་གནས་རི་ན་ལུས། །
ན་གཞོན་མང་པོས་བརྡ་འཕྲིན་འུར་བས་ཅི། །
པ་ཊུ་ཆེན་པོ་དག་གིས་ཁ་པར་རྩེ། །
ཕ་མ་བུ་ཕྲུག་རྣམས་ཀྱིས་ཁ་པར་རྩེ། །
བ་དང་བེའུ་འཚོ་བཞིན་ཁ་པར་རྩེ། །
མ་རབས་ཡ་རབས་གཉིས་ཀ་འདི་ལ་གཡེང་། །
ཙ་རིའི་གནས་སྐོར་བྱེད་བཞིན་ཁ་པར་སྣོག །
ཚ་གྲང་ནད་ཀྱིས་གདུང་བཞིན་ཁ་པར་སྣོག །
ཛ་ལང་སྤྱོད་པའི་ངན་གོམས་འདི་ལས་འགོ །
ཝ་མ་ཝོལ་ལ་མི་ཚེ་འདི་ཡིས་གཟད། །
ཞ་ར་གྱོལ་པོའི་ཚོགས་ཀྱང་མི་གཏོང་བར། །
ཟ་ཟིའི་སྣང་བ་འགྱུ་བའི་རྩེ་ར་ནས། །
འ་ཅག་ཁ་པར་བྲན་དུ་གྱུར་འདུག་གིས། །
ཡ་མཚན་འདི་ཀོ་སུ་ཡིས་བསྐྲུན་ཞེས་འབོད། །
ར་ལུག་འཚོ་བའི་ཞིང་འབྲོག་མང་ཚོགས་ནས། །
ལ་ལུང་འགྲིམ་པའི་རྒད་པོ་རྒོད་པོ་དག །
ཤ་རུལ་སྦྲང་བུ་བཞིན་དུ་ཁ་པར་འདིས། །
ས་སྟེང་སེམས་ཅན་ངན་པའི་དྲི་ལ་བཀུག །
ཧ་ཅང་ཉག་མཁོ་ཆེ་ཡང་ཁ་པར་འདི། །
ཧ་ཅང་ཉེན་ཁ་ཆེ་བ་དུག་དང་འདྲ། །
ཨ་བུ་བདག་ཀྱང་དམ་པའི་རྗེས་འབྲངས་ནས། །
ཨ་ཀྱང་ཀུ་རེས་ཀ་རྩོམ་ཚིག་རྔ་བསྐྱངས། །

03/12/2021ཞོགས་པར། https://t.cn/R2WxDGB

༧གུང་ཐང་བསྟན་པའི་སྒྲོན་མེའི་ཞལ་ནས།

༈གཞན་ལ་བསམ་ངན་འཆང་བས་རང་རང་ཉམས།།འཆལ་གཏམ་སྨྲ་བ་མང་བས་བྱ་བ་འཆག།ང་རྒྱལ་ཆགས་སྡང་ཅན་ལ་དགྲ་སྡང་བས།།རང་དང་གཞན་ལ་གང་ཕན་བརྟག་ནས་བྱ།།[合十][合十][合十]