【On.cc】解凍蒲頭？李佳芯只想做演員：拍好啲劇

無綫視后李佳芯早前疑因捲入政治風波傳遭無綫「雪藏」，拍攝完劇集《愛美麗狂想曲》後鮮有露面，她與陳豪、蕭正楠、曹永廉為《愛》到將軍澳電視城為節目《Do姐有問題》擔任嘉賓。問到李是否已經「解凍」？她說：「我上過月先拍完劇，唔係好耐冇見啫。（解凍？）由第一日話雪藏我都係睇報紙睇番嚟，完咗劇之後出咗去做TVB宣傳，又去咗做澳洲華姐。（工作少咗？）劇就暫時未有，未聽到有新劇，出面個市都係靜，大部分藝人都面對緊呢個問題，多咗自己時間。」李佳芯透露趁有空與男友去短程旅行，也計劃自己去一個長旅行，又考慮報讀演藝課程進修及學畫畫。
要充實自己
講到其主演的劇集《殺手》戲份被刪，宣傳片曝光時間也很少，她說：「因為套劇好多人拍，我睇過初期嘅宣傳片，都記得自己唔係好多。（幾時再拍劇？）未知，不嬲都好被動，突然間要你拍，冇嘅時候就充實自己。」
講到劇集《BB來了2》換上岑麗香做女主角，問到李佳芯可會失望？她說：「冇，香香好有觀眾緣，可能有另一種效果，佢又啱啱生完BB，好期待佢出返嚟。」而《踩過界2》亦沒有份參與？她說：「呢套冇份都啲可惜，自己幾鍾意角色。」
唔想政治蓋過工作
講到可有後悔作出政治表態？李佳芯說：「呢件事係幾敏感，自己係低估咗，有時想寫一啲內心感受，自己唔係激進，純粹抒發個人感受，但係敏感時間會容易觸動到人嘅神經，公眾人物亦會被放大，呢個係睇番嘅感受，但係又覺得OK嘅、小心啲囉。自己只係想做一個演員，唔想同其他嘢掛勾，拍好啲劇，唔想畀政治蓋過工作。」

#李佳芯[超话]#

早知《BB來了2》延遲開拍 李佳芯未聞遭「雪藏」

香港文匯報訊（記者 吳文釗）李佳芯（Ali）昨日返電視城替新劇《愛美麗狂想曲》開工。對於有傳被TVB「雪藏」，Ali表示沒有收到被「雪」的消息，但相信和尊重公司的安排，作為演員的她是很被動。

已為新劇開工兩個多月的Ali，表示工作未有受到影響，劇本也沒有大幅度更改。有傳她有份主演的《BB來了》和《踩過界2》都因事件開拍無期或換角，原定台慶劇《殺手》也被抽起，Ali說：「《BB來了2》本身已知道會延遲到明年才拍，《踩過界2》就未收過任何消息，《殺手》就有聽過是台慶劇，平時公司安排都會有變動，會考慮不同因素，不播的原因就不知道。」至於Ali代言的廣告有否受影響？她慶幸獲客戶的體諒和理解，說：「很多廣告合約都是年初開始，經理人有幫我去跟進了解，暫時沒有收到不滿意的聲音，我會繼續做好眼前的工作。」

#李佳芯[超话]# 捲政治風波　李佳芯認聽過《殺手》被抽起先

無綫「視后」李佳芯在將軍澳電視城為劇集《愛美麗狂想曲》開工。對於李佳芯有傳捲入政治風波，傳被內地封殺，並遭無綫雪藏，其主演的台慶劇《殺手》更被抽起停播，原本由她演出的《BB來了2》與《踩過界2》也易角。

李佳芯受訪時回應：「我覺得好被動嘅，公司有佢哋嘅安排，相信公司衡量過先做決定，會尊重公司決定。（工作有冇影響？）暫時冇影響，依家拍緊《愛美麗狂想曲》，仲有個幾月要拍，完成埋手頭上嘅工作先。（兩劇易角？）收到通知《BB來了2》會延遲到出年先拍，原因就唔知，係咪易角就唔清楚，《踩界2》就未收到通知。（《殺手》停播？）之前有聽過話係台慶劇，但係依家公司嘅安排都有少少唔定，可能會考慮唔同嘅因素，不過，都有聽過《殺手》會抽起先，原因就唔係好清楚。（代言廣告有冇受影響？）啲廣告都仲有合約，大部分都係今年頭先開始嘅，經理人都有update我，暫時冇聽對我有唔滿意嘅聲音，我暫時都係做番好自己先，做好眼前工作，希望件事之後淡咗會好啲啦。」

對於李佳芯工作受到影響，無綫企業傳訊部回覆傳媒查詢：「近期香港發生連串暴力衝突事件，某些藝員可能受到內地觀眾之特别關注和引發敏感情緒。無綫電視節目，包括劇集，一直以來在內地發行，公司故此需要在營運上作出某些反應及調整，包括選角事宜，這純屬商業決定。」