ཤྭ་རྭ་སྨུག་པོ་དེ་བསམས་ནས།།
གཞུ་རྒྱུད་ལྷོད་ཐག་ནི་མ་ཆོད།།
ཤྭ་བ་འདྲོག་སྙམ་ཀྱིས་དོགས་ཏེ།།
མདའ་མོ་འཕེན་ཐག་ཀྱང་མ་ཆོད།།

——འཇུ་སྐལ་བཟང་། https://t.cn/RJZczPO

ས་སྐྱ་པཎ་ཆེན་གྱིས།
སྡོམ་བརྩོན་དམ་པ་དཔལ་ལྡན་ཞི་བ་འཚོ། །
བརྟུལ་ཞུགས་གྲུབ་པ་པདྨ་འབྱུང་གནས་དཔལ། །
བློ་གསལ་དབང་པོ་པདྨའི་ངང་ཚུལ་ཅན། །
རྩོད་པའི་དུས་ཀྱི་རྒྱལ་བ་གཉིས་པ་ཡིན། །

ཡི་དམ་ཚེ་རིང་། 1933 ལོའི་ཟླ2པའི་ཚེས10ཉིན་ཤར་མདོ་སྨད་ཙོང་ཁའི་ཡུལ་ཁམས་བཅོ་བརྒྱད་དུ་གྲགས་པའི་ནང་གསེས་སྐུ་འབུམ་ཚོ་དྲུག་གི་ཡ་གྱལ་ཆི་ཀྱཱ་ཚོ་བའི་ནང་ཚན་ཅོང་ཞི་ནང་གྲོང་ཚོ་རུ་སྐུ་བལྟམས། ཁོང་ཆུང་དུས་སུ་སློབ་གྲྭ་འགྲིམ་ལོང་མ་བྱུང་བར་ཨ་མའི་རྗེས་སུ་འབྲངས་ཏེ་ཁྱིམ་ལས་སྣ་ཚོགས་སུ་ཞུགས། བོད་གླུ་ལེན་རྒྱུར་ཤིན་ཏུ་དགའ་བའི་བྱིས་པ་དེ་སྤྱི་ཚོགས་གནས་བབ་ཀྱི་དབང་གིས་རྒྱ་ཡིག་སློབ་མཁན་ཞིག་ཏུ་བརྫངས་ཤིང་། རང་སྦྱོང་གིས་གངས་ཅན་མ་མའི་རིག་གནས་ཀྱི་འོ་ཞོ་མྱོང་བའི་སྐལ་བ་ཕྲ་མོ་དེ་ཡང་ལོ་བཅུའི་ཟིང་བཀོད་ཀྱིས་ཡོངས་སུ་བཅོམ། ལོ་རབས་དྲུག་ཅུའི་དུས་སུ་ཁོང་གིས་ཐོག་མའི་སྙན་རྩོམ་སྤེལ་བ་ནས་བཟུང་། སྙན་ངག་གི་ཕ་ས་དེ་ཉིད་མི་རིགས་ཀྱི་བདེ་སྐྱིད་དང་མི་རིགས་ཀྱི་མདུན་ལམ་འཚོལ་སྙེག་བྱེད་སའི་འཇིག་རྟེན་དུ་ངོས་འཛིན་གནང་སྟེ་མི་ཚེའི་དར་ཤིང་རིང་མོ་དེ་ལ་བཙུགས་ཤིང་། ཚེ་གང་བོར་སྙན་ངག་གི་གཤིན་ས་དེ་ཉིད་བསློག་བཏུལ་གནང་། ཁོང་གིས་རྒྱ་ཡིག་གི་ཚིགས་བཅད་སྙན་ངག“བཞི གཅིག གཉིས”ཅན་གྱི་རྩོམ་སྟངས་གསར་དུ་བཏོད་པ་ལ་རྒྱའི་རྩོམ་རིག་གི་སྡིངས་ཆར་སྙན་པའི་གྲགས་པ་རྒྱས་ཡོད། རྩོམ་དེབ《ཁ་བའི་ལྗོངས》《གངས་ལྗོངས་ཀྱི་ཉི་མ》སོགས་ཡོད།

ཕྱི་ལོ2004ལོའི་ཟླ10པའི་ཚེས24ཉིན་གྲོང་ཁྱེར་ལན་ཀྲུ་ནས་སྐུ་གཤེགས། སྐབས་དེར་ཁོང་དགུང་ལོ་དོན་གཅིག་ཡིན།