༄༅། །རྗེ་ཞང་སྟོན་བསྟན་པ་རྒྱ་མཚོའི་མཆོག་གི་

首页发布

༄༅། །རྗེ་ཞང་སྟོན་བསྟན་པ་རྒྱ་མཚོའི་མཆོག་གི་ཞལ་ནས།

གསུང་རབ་ཐམས་ཅད་གདམས་ངག་ཏུ་འཆར་དགོས་ཚུལ།

དེ་ཡང་བྱང་ཆུབ་ལམ་གྱི་རིམ་པ་ལ་བརྟེན་ནས་གསུང་རབ་ཐམས་ཅད་གདམས་ངག་ཏུ་འཆར་དགོས་པར་གསུངས་ལ། དེའི་ཚུལ་ནི། བཤད་པའི་ཆོས་དང་སྒྲུབ་པའི་ཆོས་ཞེས་མི་མཐུན་པར་འཛིན་པ་བཟློག་དགོས།དེ་མ་ལོག་ན་བཀའ་པོད་ཆེན་པོ་ལྔ་ལ་སྦྱངས་པ་མཐར་ཕྱིན་ཀྱང་། དེའི་ནང་ན་ཉམས་སུ་ལེན་རྒྱུ་གཅིག་ཀྱང་མེད་པར་ཉམས་ལེན་ཞིག་བྱ་འདོད་པའི་ཚེ་སྔགས་རེ་འདོན་པ་མ་གཏོགས་བྱེད་རྒྱུ་མི་རྙེད་པའི་སྐྱོན་འདི་འབྱུང་ངོ་། །
དེས་ན་རྗེ་བླ་མས།
མང་དུ་ཐོས་ཀྱང་ཆོས་ཀྱིས་ཕོངས་པ་ནི། །
གསུང་རབ་གདམས་པར་ཤར་བ་མེད་པས་ནོངས། །
ཞེས་གསུངས་སོ། །ཐོས་པ་བྱས་པ་ནི་ཉམས་སུ་ལེན་པའི་ཆེད་དུ་ཡིན་ལ། ཉམས་སུ་ལེན་དུས་ཅི་ཡང་མ་ཕན་ན་ཐོས་པ་བྱས་པ་ལ་དགོས་པ་ཅི་ཡང་མེད་དོ། ། https://t.cn/RJZczPO

༄༅། །རྗེ་ཞང་སྟོན་བསྟན་པ་རྒྱ་མཚོའི་མཆོག་གི་ཞལ་ནས།

གསུང་རབ་ཐམས་ཅད་གདམས་ངག་ཏུ་འཆར་དགོས་ཚུལ།

༄༅།།མདོ་ལས།

དྲང་སྲོང་ཆེན་པོ། གང་ལ་ལ་ཞིག་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དང༌། ད་ལྟར་བཞུགས་པ་ལ་མཆོད་པ་བྱེད་པ་དེའི་རྣམ་པར་སྨིན་པ་ནི་མཚུངས་མཉམ་ཞིང་འདྲའོ་ཞེས་ང་འཆད་དོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྣམས་ནི་གཟུགས་ཆོས་ཀྱི་སྐུས་རབ་ཏུ་ཕྱེ་བ་ཡིན་གྱི། ཆོས་གཟུགས་ཀྱི་སྐུས་རབ་ཏུ་ཕྱེ་བ་མ་ཡིན་པའི་ཕྱིར་རོ། །གང་ལ་ལ་ཞིག་ང་འདུག་པའམ། ང་ཡོངས་སུ་མྱ་ངན་ལས་འདས་པ་ལ་མཆོད་ན་སེམས་མཚུངས་པའི་ཕྱིར་འདི་གཉིས་ལ་བསོད་ནམས་ཀྱི་ཁྱད་པར་ཅུང་ཟད་ཀྱང་མེད་དོ། །