༈གྲྭ་བཙུན་ཁེར་རྐྱང་ངེད་ཚོ་སེམས་བདེ་དང་བློ་བདེ། །
རོགས་མེད་ཁེར་རྐྱང་བདེ་སྐྱིད་འཚོ་བ་ལ་གནས་ཡོད།།
སེམས་ཁུར་གང་ཡང་མེད་པས་ཟས་གོས་ཙམ་ཡོད་ན།།
གཞན་དག་གང་ཡང་མི་དགོས་ལུས་སེམས་འདི་སྐྱིད་ཁུ།།

བློ་བདེ་བག་ཕེབས་ངང་ནས་དཔེ་ཆ་ལ་བལྟས་ནས། །
གུ་ཡང་བློ་བདེའི་ངང་ནས་མི་ཚེ་དེ་རྫོགས་སོང་། །
ཅི་ཡང་སེམས་ཁུར་མེད་པར་རང་ངོ་དེ་སྐྱོང་ནས། །
སྙིང་རྗེ་བདག་མེད་ལྟ་བའི་ངལ་གསོ་ལ་གནས་འདུག །

མཁས་བླུན་གང་ཡིན་ཆོག་པའི་གྲྭ་རྐྱང་ནི་ངེད་ཚོ། །
འདོན་སྒོམ་སྒྲུབ་གསུམ་རང་གིས་གང་ནུས་དང་ཅི་ཅོག །
རང་གི་ནུས་པའི་དཔག་ཚོད་དེ་ག་རང་བྱས་ནས། །
མི་ཚེ་བདེ་སྐྱིད་ངང་ནས་ཤི་ཐུབ་ན་འགྲིགས་འདུག །
[挤眼]

༈ སྤྱིར་ལོ་སར་བའི་ཚེས་གྲངས་དང་གཏོང་སྲོལ་མི་འདྲ་བ་ཁ་ཤས་སྣང་། ངའི་མཐོང་ཐོས་སུ་གྱུར་བའི་ལོ་སར་རོལ་སྟངས་ཏེ། ལོ་སར་སྐབས་དགའ་ཉེ་རྣམས་རེས་མོས་སྒོ་ནས་ཉིན་རེ་དུད་རེའི་ཁྱིམ་དུ་་མཉམ་དུ་འདུས་ཏེ་ཉིན་སྔ་དྲོའི་ཆ་ནས་མཚན་གུང་གི་བར་ལ་མི་ཆེས་ཆང་རག་གཙོ་བོ་བཏུང་། ཆུང་བྱིས་པ་རྣམས་ནས་རྫས་སྦྱོར་འཐུང་ཆ་སྣ་ཚོགས་བཏུང་། སྣུམ་བརྔོས་ཚལ་རིགས་དང་།

བཙོས་ཤ། ཤ་མོག་བཅས་ནི་རྒྱུ་འབྱོར་བ་ཡོད་མེད་དང་ཐོབ་གོ་ས་ལོན་མེད་ལ་མ་བལྟོས་པར་ཞིང་འབྲོག་ཁུལ་དང་གྲོང་ཁྱེར་སོགས་ཀྱི་བཟའ་བཏུང་འདྲ་མཚུངས་སུ་གྱུར་ཡོད། དེ་ཡང་བདུན་འཁོར་གཅིག་དང་ཡང་ན་ཉིན་བཅུ་གྲངས་དེ་ལྟར་དེ་ལྟར་དུ་རོལ་པས་ལོ་ཡོལ་རྗེས་དགའ་འཛོམས་སྐྱིད་འདུའི་འབྱུང་འབྲས་མངོན་ལྐོག་གང་རུང་ནས་གཟུགས་ཕུང་ལ་ནད་གཞི་སྣ་ཚོགས་སྨིན་པ་དེའོ།

ང་ཚོས་ངེས་པར་དུ་ལོ་སར་དེ་ལྟར་གཏོང་དགོས་དོན་གང་ཡིན་ནམ།

ལོ་སར་རོལ་སྟངས་ལ་འགྱུར་བ་གཏོང་ཐབས་མེད་པ་ཡིནམ།

༈ དེ་རིང་སྟེ་བོད་ཟླ༡༢པའི་ཚེ༡༨་ཉིན་སྡེ་གསུམ་ཀློང་དགུའི་བསྟན་པའི་ཤིང་རྟ་ཆེན་པོ་ཀུན་མཁྱེན་ཀློང་ཆེན་རབ་འབྱམས་དཔལ་བཟང་པོ་མཆོག་དགོངས་པ་ཆོས་དབྱིངས་སུ་གཟིམས་པའི་དུས་ཚེས་ཁྱད་པར་ཡིན་པས་དད་ལྡན་རྣམས་ཀྱིས་དགེ་སྒྲུབ་སྡིག་སྤང་ལ་བརྩོན་པར་ཞུ་ཞུ།
今天是藏历12月18日，大圆满龙钦宁题传承根本祖师全知无垢光尊者的圆寂日，
གངས་རི་ཐོད་དཀར་རིན་ཆེན་སྙིང་པོའི་མགུལ། །
ཡོན་ཏན་ཀུན་འབྱུང་དགའ་བའི་སྐྱེད་ཚལ་དུ། །
སྙིང་པོའི་དོན་གཟིགས་སྦས་པའི་རྣལ་འབྱོར་བ། །
ཀློང༵་ཆེ༵ན་ར༵བ་འབྱམ༵ས་ཞབས་ལ་གསོལ་བ་འདེབས།།

ཞལ་གསུང་མའོ།།