རྒྱལ་ཀུན་མཁྱེན་རབ་ངོ་བོ་འཇམ་པའི་དབྱངས། །
དྲན་པས་འཁྲུལ་སྣང་མུན་པ་ཀུན་སེལ་བ། །
ཡིད་ཀྱི་དཔལ་གྱུར་ལྷག་པའི་ལྷ་མཆོག་ལ། །
དོན་དམ་རང་ངོ་ཤེས་པས་ཕྱག་བགྱིའོ། །
[鲜花][鲜花][鲜花] https://t.cn/RLGzcAO

“ཁྱིམ་ཚང་སློབ་གསོ་དང་སློབ་གྲྭའི་སློབ་གསོ་གང་ཡིན་ཡང་ངོ་བོའི་སྟེང་ནས་ཤེས་བྱ་བརྒྱུད་སྤེལ་བྱེད་པ་དང་ཀུན་སྤྱོད་གསོ་སྐྱོང་བྱེད་པ་ཕུད། བྱིས་པའི་དབང་ཆར་བརྩི་སྲུང་བྱེད་པ་ཞིག་ཡིན་དགོས་པར་འདོད། དོན་འདི་མ་རྟོགས་ཕྱིན་ལུས་སེམས་ཅི་འདྲ་ངལ་བའི་སློབ་གསོའི་ལས་ཤིག་ཡིན་ཡང་ཕམ་ཁར་ངེས་སོང།”ཞེས་པའི་ལྟ་དགོངས་ལྟར་གཞིགས་ན། དེང་གི་ཁྱིམ་ཚང་སློབ་གསོར་མཚོན་ན། ཕ་མ་རེ་རེའི་ཉིན་མོའི་ཟས་བཅག མཚན་མོའི་གཉིད་བཅག་གིས་བྱིས་པར་སེམས་ཁུར་དང་དཀའ་ལས་རྒྱག་བཞིན་ཡོད་མོད། མཇུག་འབྲས་ནི་དེ་ལས་ལྡོག་པ་ཞིག་ཅིའི་ཕྱིར་ཡིན་སོང་བ་རེད་ཅེ་ན། ཐབས་མ་འགྲིག་པ་རེད། གང་ཞིག་གཙོ་བོར་འཛིན་དགོས་མ་ཤེས་པ་རེད། གང་ཞིག་ཕལ་བར་འཇོག་དགོས་མ་ཤེས་པ་རེད། གཙོ་ཕལ་གྱི་ཁྱད་པར་འབྱེད་མ་ཤེས་པས་ལས་ཆོད་ཀྱང་དེ་འདྲ་ཡིད་ཚིམས་པ་ཞིག་འབྱུང་དཀའ། ཁྱིམ་ཚང་སློབ་གསོ་ནི་སློབ་གྲྭའི་སློབ་གསོས་དབང་སྒྱུར་འོག མགོ་སྒུར ཉྭ་ཞུམ་འདུག་དྲགས་དུས་སློབ་གསོ་དེ་ནད་པ་ཞིག་ཡིན་ངེས། སློབ་གསོ་དེ་སྐྱོན་ཅན་ཞིག་ཡིན་ངེས། སློབ་གསོ་དེ་འཐུས་མ་ཚང་བ་ཞིག་ཡིན་ངེས།

སློབ་གྲྭའི་སློབ་གསོར་མཚོན་ན། དགེ་སློབ་གཉིས་ཀྱི་སེམས་ཀྱིས་ལྕོགས་ཀྱང་ལུས་ཀྱིས་མི་ལྕོགས་པའི་སྡུག་རུས། འབད་འབུངས། ཧུར་ཐག་བྱེད་ཀྱིན་ཡོད་པ་མཐོང་ཆོས་མངོན་གྱུར་རེད། འོན་ཀྱང་དེ་ལས་ལྡོག་སྟེ་བྱིས་པ་མང་ཤོས་སློབ་གྲྭ་ལ་མི་དགའ་བ་དང་། སློབ་སྦྱོང་ལ་མི་དགའ་བ། དགེ་རྒན་ལ་མི་དགའ་བའི་སྣང་ཚུལ་ཞིག་གིས་ཁྱབ་འདུག་པ་དེའི་གནད་དོན་ལ་ཕྱིར་རྟོག་དང་ཞིབ་དཔྱོད་མཐིལ་ཕྱིན་བྱ་དགོས་པ་ལས། སྔར་བཞིན་སློབ་གྲྭ་ནི་བཙོན་ཁང་ལྟ་བུ། དགེ་རྒན་ནི་བཙོན་སྲུང་ལྟ་བུ། སློབ་མ་ནི་བཙོན་མ་ལྟ་བུའི་འདུ་ཤེས་ལས་མེད་དུས། དེ་འདྲའི་སློབ་གསོ་དེ་ད་ལྟ་དང་མ་འོངས་པ་གང་ལའང་ཕམ་ཞིག་ལས་རྒྱལ་ཁ་འཐོབ་མི་སྲིད་པ་ཐག་གིས་བཅད་ནས་བཤད་ཆོག

ཕ་མ་ཡིན་ན་ཆོག དགེ་རྒན་ཡིན་ན་ཆོག རང་གིས་གང་ཞིག་འགྲིག་གི་མེད་དུས། ཕྱིར་རྟོག་དང་བརྟག་དཔྱད། མཉམ་ཞིབ་བགྱིས་ཏེ་གནད་དོན་འཚོལ་དགོས་པ་ལས་མུ་རུ་རང་གནས་སུ་སྡོད། རང་གནས་སུ་སྤོ་ལྟ་བུ་རྒྱུན་བསྐྱང་པ་ཡིན་ན། ཁྱིམ་ཚང་སློབ་གསོ་རང་གནས་སུ་སྡོད་རྒྱུ་ལས་མེད་ལ། ས་གནས་སློབ་གསོ་རང་གནས་སུ་འཁུམ་རྒྱུ་ལས་མེད་པ་རྟོགས་འོས།
ཕྱི་ལོ༢༠༢༢ལོའི་ཟླ༣པའི་ཚེས༣༠ཉིན་གསོན་པས་སྦྱར་བ་ཕན་པའི་རྒྱུ་རུ་གྱུར་ཅིག་གུ

༅། །རྗེ་བཙུན་འཇིགས་མེད་དཔལ་ལྡན་རྒྱ་མཚོའི་ཞལ་གདམས་

རྒྱ་མཚོའི་ཐིགས་པ་ཞེས་བྱ་བ་བཞུགས་སོ།

སྐྱིད་སྡུག་གི་སྐོར། 

  

   དེ་རིང་ནངས་ཀ་སྐྱིད་པོ་ཡིན།  སྐྱིད་པོ་ཡིན་དུས་མགོ་འཕང་མཐོ་མི་ཉན། སྐྱིད་དུས་མགོ་འཕང་མ་མཐོ། སྡུག་དུས་མགོ་འཕང་མ་དམའ་ཞེས་པ་འཇིག་རྟེན་པའི་ལམ་རིམ་རེད། 

    མི་ཉལ་འགོང་བོ།  ཁྱི་ཉལ་དབྱུག་པ།  དེང་སང་སྒྲིབ་སྦྱོང་མི་བྱེད་མོད། སྒྲིབ་སྦྱོང་བྱེད་པ་གལ་ཆེ། འཛིན་གྲྭ་འཛིན་གྲྭ་རྒན་པ་རེད།  སེམས་པ་ཁ་དོག་དཀར་དམར་རེད། སྐྱིད་པའི་མཐའ་ན་སྡུག་རེ་ཡོད་པས་མིག་གིས་མཐོང་། 

    ཆོས་ཀྱི་ངོ་བོ་དག་མ་དག་ཡོང་བའི་རྩ་བ་སེམས་ལ་ཐུགས་ཡོད། རྩ་བ་དུག་ཡིན་ན་ཡལ་ག་དང་ལོ་མ་སོགས་ཀྱང་དུག་ཡིན་པ་ལྟར་རོ། །

 

     མིག་གིས་མཐོང་རྒྱུ་མང་ན་ཡིད་ལ་དྲན་རྒྱུ་མང་བས་རང་གི་ཚོད་རང་གིས་ཟིན་དཀའ།  དུས་རྒྱུན་དུ་དྲན་པ་དང་ཤེས་པ་རང་ཀྱིས་སེམས་ལ་ཞ་ར་མ་བྱས་ན་སེམས་གླང་ཆེན་སྨྱོན་པར་ཐུལ་དཀའ།  རང་དེ་འདྲ་འགྲོ་གིན་ཡོད་མེད་ལ་རྟོག་དཔྱོད་བྱ་དགོས། 

    འདོད་ཆུང་ཆོག་ཤེས་བདེ་སྐྱིད་ཀྱི་རྩ་བ་ཡིན།  འདོད་ཆུང་ཆོག་ཤེས་མེད་པ་སྡུག་བསྔལ་གྱི་རྩ་བ་ཡིན། འཁོར་བ་བཟང་བར་བསམ་པའི་བློ་འདི་དག་མི་བཟང་བས་བསྒྱུར་དགོས།  ནམ་ཡིན་ཡང་རང་གིས་སེམས་ལ་འདང་བརྒྱག་རྒྱུ་གལ་ཆེ་སྟེ།  རང་གི་བཤད་པ་དང་སེམས་གཉིས་ཐོ་ཐུག་གིན་ཡོད་པ་འདང་བརྒྱག་རྒྱུ་གལ་ཆེ།