༼

བཞི་པ། ༽

བོད་ན་འགྲོ་དོན་མཛད་པའི་དུས་སོགས་བཤད་པ།

   པཎ་ཆེན་སྨྲྀ་ཏིས་བོད་མདོ་དབུས་ཁམས་གསུམ་ལ་ཞབས་ཟུང་གསེར་གྱི་འཁོར་ལོས་བསྒྱུར་ནས་གངས་ཅན་གྱི་ལྗོངས་སུ་བསྟན་པ་ཉིན་མོ་ལྟར་གསལ་བར་མཛད་ལ། གདུལ་བྱར་གྱུར་པའི་འགྲོ་བ་རྣམས་སྨིན་པར་མཛད་དེ་མཐར་དྲན་ཐང་དུ་དགོངས་པ་ཆོས་དབྱིངས་སུ་ཐིམས། འོ་ན་དུས་ནམ་ཞིག་ལ་བོད་དུ་ཕེབས་པ་ཡིན་ཟེར་ན། ལོ་རྒྱུས་དང་ཆོས་འབྱུང་སོགས་ལས་དུས་རབས་བཅུ་པའི་སྨད་ཙམ་ལ་བོད་དུ་ཕེབས་པར་གསུངས་ཀྱང་དེ་ལ་ཅུང་མི་འགྲིགས་པར་སྣང་བས། འདིར་འབྲེལ་ཡོད་མཁས་དབང་དང་ལོ་ཙཱ་བ་འགའི་འཚོ་བཞེས་ཀྱི་དུས་དང་ལོ་ཚིགས་གུང་བསྒྲིགས་ནས་རང་བློས་ལྕོག་ཚད་ཙམ་དཔྱད་པར་བྱ་སྟེ། དེ་ཡང་《བཀའ་གདམས་ཆོས་འབྱུང་》ལྟར་ན་འབྲོམ་སྟོན་པ་རྒྱལ་བའི་འབྱུང་གནས་དགུང་ལོ་བཅུ་དགུ་ལ་ཁམས་ནས་བླ་མ་སེ་བཙུན་དབང་ཕྱུག་གཞོན་ནུ་དང་མཇལ་བར་འདོད་ལ། 《ཆོས་བྱུང་མཁས་པའི་དགའ་སྟོན་》ལྟར་ན། “འབྲོམ་དགུང་ལོ་བཅུ་བདུན་ལ་ཁམས་སུ་བྱོན་ཏེ་གྲུམ་གྱི་མཁན་བུ་སེ་བཙུན་བྱང་ཆུབ་གཞོན་ནུ་བསྟེན་”པར་འདོད། 《བསྟན་རྩིས་ཀུན་བཏུས་》ལས།“ལྕགས་སྤྲེལ་ལོར་འབྲོམ་ཁམས་སུ་བླ་མ་སེ་བཙུན་བསྟེན་”གསུངས་ལ། 《དུང་དཀར་ཚིག་མཛོད་》ལས་ཀྱང་། “ལྕགས་སྤྲེལ་ལོར་འབྲོམ་སྟོན་པས་ཁམས་སུ་བྱོན་ནས་བླ་མ་སེ་བཙུན་བསྟེན་པར་”གསུངས་སོ།། དེ་བས་དགུང་ལོ་བཅུ་བདུན་ལ་ཁམས་ནས་བླ་མ་སེ་བཙུན་བསྟེན་གསུང་པ་ཅུང་ཡོངས་གྲགས་སུ་སྣང་སྟེ་རབ་བྱུང་མ་ཚུགས་སྔོན་གྱི་ལྕགས་སྤྲེལ་ལོ་སྟེ་སྤྱི་ལོ་༡༠༢༠ལོ་ཡིན་ལ། 《བཀའ་གདམས་ཆོས་འབྱུང་》ལས།“ཁམས་སུ་ལོ་ཧྲིལ་བོ་བཅུ་དགུ་སེ་བཙུན་ལ་བསྟེན”ཟེར་བ་ལྟར་ན། སྤྱི་ལོ་༡༠༢༠ལོ་ནས་སྤྱི་ལོ་༡༠༣༩་ལོ་དབར་འབྲོམ་སྟོན་ཁམས་སུ་བཞུགས་པའི་དུས་ཡིན་དགོས་ཤིང་། སྐབས་འདི་ལ་པཎ་ཆེན་སྨྲྀ་ཏི་ཡང་བོད་ན་བཞུགས་པ་མ་ཟད་ཁམས་སུ་བཞུགས་ཡོད་དེ། ལོ་རྒྱུས་ཀུན་ལས་ཁམས་སུ་འབྲོམ་གྱིས་པཎྜི་ཏ་སྒྲའི་ཚེར་ལས་ལེགས་སྦྱར་དང་སྒྲ་སྦྱང་བར་གསུངས་པས་སོ།། 《རྒྱ་བོད་ཆོས་འབྱུང་རིན་པོ་ཆེ་》ལས། “པཎྜི་ཏ་སྒྲའི་ཚེར་མ་ལས་སྒྲ་བསླབས། དེ་ནས་ལོ་གཅིག་བཞུགས་ཕས། སེ་བཙུན་གྱི་གསུང་ནས་ཕ་དང་མཇལ་བར་སོང་གསུང་ནས་དགུང་ལོ་སོ་བརྒྱད་འགྲོ་བ་ཡར་བྱོན།”གསུངས་པར་གཞིགས་ན་འབྲོམ་དགུང་ལོ་སོ་དྲུག་ནས་སོ་བདུན་བར་ཏེ་སྤྱི་ལོ་༡༠༤༠ནས་སྤྱི་ལོ༡༠༤༡བར་གྱི་ལོ་གཅིག་ལ་པཎ་ཆེན་སྨྲྀ་ཏིའི་མདུན་སྒྲ་སྦྱང་པ་ཤེས་ཐུབ་པ་དང་། 《ནང་ཆེན་རྒྱལ་རབས་》སུ། “རབས་ལོ་༥༠༣༥། ཕྱི་ལོ་༡༠༣༠། རབ་གཟུགས་ལྕགས་འབྲུག༡༤། འབྲོམ་སྟོན་པ་༣༧སྟེང་བླ་མ་སེ་བཙུན་དང་སྨྲྀ་ཏི་མདུན་དུ་སྒྲ་རིག་པ་དང་ལེགས་སྦྱར་གྱི་སྐད་བསླབས།”ཞེས་བཀོད་ཡོད་པ་ལས་ཀྱང་སྐབས་དེར་སྨྲྀ་ཏི་ཁམས་སུ་བཞུགས་པ་ཤེས་ཐུབ། ལྷག་པར་དུ་ཇོ་བོ་རྗེ་བོད་དུ་ཕེབས་ནས་པཎ་ཆེན་སྨྀ་ཏི་གར་བཞུགས་དྲིས་ཚེ་རྫི་བོ་བྱས་ཚུལ་ཞུས་པས། ཇོ་བོ་རྗེས་ཞལ་ནས་ཨ་ཙ་མ། བོད་བསོད་ནམས་ཆུང་། དེང་རྒྱ་གར་ཤར་ནུབ་གཉིས་ན་པཎྜི་ཏ་ཛྙཱ་ན་ལས་ལྷག་པ་མེད། བོད་བསོད་ནམས་ཆུང་། གསུངས་བཞིན་སྤྱན་ཆབ་བསིལ་བའི་ལོ་རྒྱུས་ཡོད་པ་དང་། 《དེབ་སྔོན་》ལས།“ངེད་རྒྱ་གར་ན་ཡོད་དུས་ནཱ་རོ་པ་ཆེ་བ་ཡིན། རྒྱལ་རིགས་ལས་རབ་ཏུ་བྱུང་པའི་དགེ་སློང་དཱི་བཾ་ར་ཤྲཱི་ཛྙཱ་ན་བྱ་བ་ཡོད་པས། དེ་ད་ལྟ་བཞུགས་ན་ཁོང་ཆེ་བར་འོང་གསུངས།”ཞེས་པའི་དཱི་བཾ་ར་ཤྲཱི་ཛྙཱ་ན་བྱ་བ་ནི་ཇོ་བོ་རྗེ་དགུང་ལོ་ཉེར་དགུ་ལ་རྡོ་རྗེ་གདན་མ་ཏི་བི་ཧ་རི་གཙུག་ལག་ཁང་དུ་ཕལ་ཆེན་སྡེ་པའི་བྱེ་བྲག་འཇིག་རྟེན་ལས་འདས་པར་སྨྲ་བའི་སྡེ་པ་སངས་རྒྱས་ཡེ་ཤེས་ཀྱི་བཀའ་རྒྱུད་སྦྱོར་ལམ་པ་ཤཱི་ལ་རཀྟི་ཏས་མཁན་པོ་མཛད་དེ་རབ་ཏུ་བྱུང་པའི་མཚན་ཏེ་དཱི་བཾ་ར་ཤྲཱི་ཛྙཱ་ན་དཔལ་ལྡན་མར་མེ་མཛད་ཡེ་ཤེས་ཟེར་རོ། ། ཡང་《དད་པའི་མེ་ཏོག་》ལས།“མར་མེ་མཛད་དང་དཱ་ན་ཤཱི་ལས་ཀྱང་།། འཕགས་ཡུལ་ན་ཡང་མཉམ་པར་དཀའ་བོ་ཞེས།། ཁྱོད་ལ་དྭངས་པའི་དབྱངས་ཀྱིས་བསྟོད་ཅིང་བསྔགས།། ཡིད་ཆེས་ལྷག་པར་བསྐྱེད་ལ་གསོལ་བ་འདེབས།།”ཞེས་པ་སོགས་གོང་གི་ལུང་ཚིག་འདི་དག་ལས་དམ་པ་ཁོང་གཉིས་པོ་རྒྱ་གར་ན་ཡོད་དུས་ཕན་ཚུན་ཐུགས་རྒྱུས་ཡོད་པ་ངང་ངམ་ཤུགས་ཀྱིས་ཤེས་ཐུབ་པ་དང་། ལོ་རྒྱུས་ཡིག་ཚངས་ལྟར་ན་ཁོང་གཉིས་ཀས་དཔལ་ལྡན་ནཱ་རོ་པ་བསྟེན་མྱོང་པས་ཏག་ཏག་སྐབས་འདི་ལ་དམ་པ་ཁོང་གཉིས་དཔལ་ལྡན་ནཱ་རོ་པའི་སློབ་མ་ཡིན་དགོས་ཏེ། ཇོ་བོ་རྗེས་གསེར་གླིང་པ་དང་ནཱ་རོ་པ་སོགས་བླ་མ་སོ་བཞི་བསྟེན་པ་ལས་དགུང་ལོ་ཉེར་དགུ་བར་རྡོ་རྗེ་གདན་ནས་དཔལ་ལྡན་ནཱ་རོ་པ་བསྟེན་པ་དང་། དགུང་ལོ་ཉེར་དགུ་ལ་རྡོ་རྗེ་གདན་ནས་རབ་ཏུ་བྱུང་ནས་མཚན་ལ་དཱི་བཾ་ཀ་ར་ཤྲཱི་ཛྙཱ་ན་དཔལ་ལྡན་མར་མེ་མཛད་ཡེ་ཤེས་ཞེས་སུ་བཏགས། དེའི་སྔོན་ཏེ་དགུང་ལོ་བཅུའི་སྔོན་ལ་མཚན་ལ་ཟླ་བ་སྙིང་པོ་ཟེར་བ་དང་། དགུང་ལོ་བཅུ་པ་ནས་གསང་མཚན་ཡེ་ཤེས་གསང་བའི་རྡོ་རྗེར་གསོལ། རབ་ཏུ་མ་བྱུང་པའི་སྔོན་ལ་མཚན་དེ་གཉིས་ལས་མེད་པ་དང་། དཱི་བཾ་ཀ་ར་ཤྲཱི་ཛྙཱ་ན་དཔལ་ལྡན་མར་མེ་མཛད་ཡེ་ཤེས་ཞེས་པ་ནི་དགུང་ལོ་ཉེར་དགུའི་དུས་སུ་གསོལ་པ་ཡིན་ལ་སྤྱི་ལོ་༡༠༡༠ཡིན་དགོས། དེ་བས་པཎ་ཆེན་སྨྲྀ་ཏིས་“རྒྱལ་རིགས་ལས་རབ་ཏུ་བྱུང་པའི་དགེ་སློང་དཱི་བཾ་ར་ཤྲཱི་ཛྙཱ་ན་བྱ་བ་ཡོད་”ཅེས་པ་དེས་ཇོ་བོ་རྗེ་རབ་ཏུ་བྱུང་དུས་ཁོང་རྒྱ་གར་ན་ཡོད་པ་ཤེས་ཐུབ་ལ་སྐབས་དེར་དམ་པ་དེ་གཉིས་ཀྱིས་དཔལ་ལྡན་ནཱ་རོ་པ་བསྟེན་པ་ཡོད་པ་ངང་གིས་དཔག་ཐུབ། གསལ་བོར་བཤད་ན་སྤྱི་ལོ་༡༠༡༠ལོར་སྨྲྀ་ཏི་རྒྱ་གར་རྡོ་རྗེ་གདན་ན་བཞུགས་ཡོད་པས། བོད་གྱི་ཡིག་ཚངས་མང་པོར་དུས་རབས་བཅུ་པའི་མཇུག་ཙམ་ལ་བོད་དུ་བྱོན་གསུངས་པ་མ་དག་པའི་སྐྱོན་ནོ།། དེ་བས་ན་པཎ་ཆེན་སྨྲྀ་ཏ་ནི་སྤྱི་ལོ་༡༠༡༠ལོའི་རྗེས་ཏེ་དུས་རབས་བཅུ་གཅིག་པའི་དུས་མགོར་བོད་དུ་ཕེབས་པ་རིགས་འདེད་བྱེད་ཐུབ་ལ། དེ་ཡང་སྤྱི་ལོ་༡༠༣༧ལོའི་མདུན་ལ་བོད་དུ་གདན་དྲངས་པ་ཡིན་དེ། ལྷ་བླ་མ་ཡེ་ཤེས་འོད་ཀྱིས་སྤྱི་ལོ་༡༠༣༧ལོར་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ་རྒྱ་གར་ནས་ཚུར་ཕེབས་པ་ཕྱིར་རྒྱ་གར་ལ་ཇོ་བོ་རྗེ་གདན་འདྲེན་པར་བཏང་བ་ཡིན་ལ། ཇོ་བོ་རྗེ་བོད་དུ་མ་ཕེབས་སྔོན་ནས་པཎ་ཆེན་སྨྲྀ་ཏི་བོད་དུ་ཕེབས་ཡོད་པ་དང་། པཎ་ཆེན་སྨྲྀ་ཏི་ཁམས་ན་བཞུགས་པའི་ལོ་འགའ་ཤས་ལ་ཇོ་བོ་རྗེ་ད་དུང་རྒྱ་གར་འཕགས་པའི་ཡུལ་ན་བཞུགས་པ་གོང་གི་རིགས་འདེད་དེ་མ་ཟད་ལོ་རྒྱུས་དག་ལས་ཀྱང་ཤེས་ཐུབ་བོ།། ད་དུང་ཚུར་དེད་ན་སྤྱི་ལོ་༡༠༣༠ལོའི་ཡས་མས་སུ་པཎ་ཆེན་འདི་ཁམས་ལ་བཞུགས་ཡོད་དེ། ལོ་དེའི་ཡས་མས་སུ་འཛོམ་ཉག་མཆོད་རྟེན་ཁོང་གིས་ཕྱག་བཏབ་པ་མཆོད་སྡོང་འདིའི་དཀར་ཆག་ཏུ་གསལ་བནང་ཆེན་རྒྱལ་རབས་སུ་ཡང་གསལ་ལོ། །དེ་ལས་ཀྱང་ཞིབ་པར་བྱས་ན། སྤྱི་ལོ༡༠༡༠ལོ་སྟེ། ཇོ་བོ་རྗེ་རབ་ཏུ་བྱུང་བའི་རྗེས་དང་། སྤྱི་ལོ་༡༠༢༠ལོའི་སྔོན་ཏེ། འབྲོམ་སྟོན་པ་རྒྱལ་བའ་འབྱུང་གནས་ཁམས་སུ་མ་ཕེབས་པའི་སྔོན་ལ་བོད་དུ་བྱོན་པ་ཡིན་པར་སྙམ་པས་ཀུན་གྱིས་དཔྱད་པར་འཚལ།

པཎྜི་ཏ་སྨྲྀ་ཏི་ཛྙཱ་ན་ཀིརྟིའི་ལོ་རྒྱུས་མདོར་བསྡུས།

རྩོམ་པ་པོ། རྒྱལ་མོ་ལྕགས་ཐར་འབུམ།

 

 ནང་དོན་གནད་བསྡུས།

དཔྱད་རྩོམ་འདིའི་ནང་དུ་པཎ་ཆེན་སྨྲྀ་ཏི་ཡུལ་གང་ནས་ཡབ་སུའི་སྲས་སུ་དུས་ནམ་ཞིག་ལ་ཁྲུངས་པ་དང་། མཚན་གྱི་རྣམ་གྲངས་གང་དག་ཡོད་པ། བླ་མར་བསྟེན་ཚུལ་དང་སློབ་མ་བསྐྱང་ཚུལ། བོད་དུ་ཕེབས་པའི་དུས་དང་ཕེབས་དོན། གདན་འདྲེན་མཁན། བོད་ཀྱི་ཡུལ་གང་དག་ལ་ཕེབས་པ། འགྲོ་དོན་གང་དག་མཛད་ཚུལ། དུས་ནམ་ཞིག་ལ་ཡུལ་གང་ཞིག་ནས་སྐུ་གཤེགས་པ་སོགས་ལ་སྔར་ཡོད་ཀྱི་ལ་ཁ་གསབ་ཀྱི་ཚུལ་གྱིས་ཟུར་ཙམ་བརྗོད་ཡོད།

【བརྡ་ཆད་གཙོ་བོ།】 སྨྲྀ་ཏི། ལོ་རྒྱུས།

   པཎྜི་ཏ་འདིའི་སྐོར་ནི་དེབ་ཐེར་དང་ཆོས་འབྱུང་། ལོ་རྒྱུས་སོགས་སུ་ཐིག་ཕྲེང་རེ་གཉིས་ལས་བཀོད་མེད་ལ། དེ་ཡང་ཁ་གསལ་བོ་མེད་པ་མ་ཟད་མཁས་དབང་རེ་རེའི་དགོངས་པ་མི་མཐུན་པ་ཡོད་མོད། བསྟན་པ་ཕྱི་དར་སྟོད་ནས་དར་བའི་དབུ་ཁོང་ནས་ཚུགས་པ་མཁས་དབང་དུ་མས་བཞེད་ལ་གསང་སྔགས་གསར་རྙིང་གི་མཚམས་ཁོང་གི་དུས་ནས་དབྱེ་བ་གཅིག་མཐུན་དུ་གསུངས། བསྟན་པ་ཕྱི་དར་སྐབས་རྒྱ་གར་གྱི་པཎྜི་ཏ་བོད་དུ་བྱོན་པ་ཆེས་སྔ་བ་ཡིན་ལ། བསྟན་པ་ཕྱི་དར་སྐབས་ཀྱི་ལོ་ཙཱ་བ་སྔ་ཤོས་ཤིག་ཀྱང་ཡིན་པར་རྩོད་པ་མེད། དེ་བཞིན་བསྟན་པ་ཕྱི་དར་སྐབས་པཎ་ཆེན་འདིས་བོད་མདོ་དབུས་ཁམས་གསུམ་དང་ལྷག་པར་ཏུ་མདོ་སྟོད་སྨད་ཀྱི་ཕྱོགས་སུ་མཛད་འཕྲིན་མཁའ་ལས་མཐོ་བ་བཞག་མྱོང་བ་དང་། སྒོས་སུ་གཞུང་ལུགས་རྩོམ་འཆད་བསྒྱུར་གསུམ་ཐད་ལ་མཛད་རྗེས་བླ་ན་མེད་པ་བཞག་ཡོད་པ་ནི་བཀའ་བསྟན་གྱི་གཞུང་ན་གསལ་བ་བཞིན་ནོ། ། དེ་མ་ཟད་རྟེན་བཞེངས་དང་བཟོ་རིག་ཐད་ལ་ཡང་དེང་སྐབས་མིག་གིས་མཐོང་རྒྱུ་ཡོད་ལ་རྣ་བས་གོ་རྒྱུ་ཡོད་པ་ཤིན་ཏུ་མང་ལ། བོད་ཀྱི་བརྡ་སྤྲོད་རིག་པའི་ཐད་ལ་ཡང་སྒོ་སྨྲ་མཚོན་ཆ་མཛད་ནས་སྔ་ན་མེད་པའི་བྱས་རྗེས་བཞག་ཡོད་པ་ནི་ཀུན་གྱིས་ཤེས་གསལ་ལྟར་རོ། ། ཡིན་ཡང་འདི་འདྲའི་པཎྜི་ཏ་ཆེན་པོ་ཞིག་ལ་ཁ་གསལ་ཁུངས་དག་གི་ལོ་རྒྱུས་དང་རྣམ་ཐར་ཞིག་མེད་པ་ནི་བློ་ཡུལ་ལས་འགོངས་པའི་གནད་དོན་ཞིག་ལགས་ལ། ལྷག་པར་ཏུ་ང་ཚོ་བོད་ཀྱི་ཡུལ་ལ་མཛད་རྗེས་བླ་མེད་འཇོག་མྱོང་པས་པཎྜི་ཏ་འདི་ལྟ་བུ་ཞིག་ལ་ཚེ་སྟོད་ཀྱི་ལོ་རྒྱུས་གསལ་བོ་མེད་ཀྱང་ཚེ་སྨད་ལ་བོད་ཀྱི་ཡུལ་ནས་འཚོ་བཞེས་གནང་ཞིང་བོད་ཀྱི་བསྟན་པ་དང་འགྲོ་བའི་དོན་ཀུན་ལྷུར་བླངས་ནས་གཟུགས་སྐུའི་བཀོད་པ་རྫོགས་པ་ཞིག་ལ་བོད་ན་ལོ་རྒྱུས་དང་རྣམ་ཐར་མེད་པ་ནི་ངོ་གནོང་དགོས་པའི་དོན་དག་ཞིག་ལགས་པས་ན། འདིར་ཕྲན་གྱིས་མིག་སྔར་ལག་སོན་བྱུང་པའི་རྒྱལ་ཁབ་ཕྱི་ནང་གི་རྒྱུ་ཆ་དག་དང་ལོ་ངོ་མང་པོར་བརྒྱུད་ཡོང་པའི་ངག་རྒྱུན་ལ་ཁུངས་གཏུགས་ཤིང་དུས་རབས་བཅུ་པ་དང་བཅུ་གཅིག་པའི་འབྲེལ་ཡོད་མཁས་གྲུབ་དག་གི་ལོ་རྒྱུས་དང་རྣམ་ཐར། དེ་བཞིན་ཁོང་ཚོ་འཚོ་བཞེས་ཀྱི་ལོ་ཚིགས་སོགས་གུང་བསྒྲིགས་ནས་རང་བློས་ལྕོག་ཚད་ཀྱིས་པཎྜི་ཏ་འདི་ཡུལ་གང་ལས་འཁྲུངས་ཤིང་། དུས་ནམ་ཞིག་ལ་བོད་ཀྱི་ཡུལ་གང་དག་ཏུ་ཕེབས་ནས་འགྲོ་དོན་མཛད་པ་དང་། ཁོང་གི་ཆེ་བ་མཚོན་པ་དང་ཀུན་གྱིས་དམ་པ་འདི་ལ་རྗེས་སུ་ཡི་རངས་བྱེད་སླད་ཁོང་གིས་རྩོམ་འཆད་བསྒྱུར་གསུམ་གནང་པའི་གཞུང་ལུགས་དག་གི་མཚན་བྱང་བཀའ་བསྟན་ལས་བཏུས་ཏེ་ཀུན་གྱི་སྤྱན་ལམ་ལ་འབུལ་བ། མཐར་ཡུལ་གང་ཞིག་ནས་དགོངས་པ་ཆོས་དབྱིངས་སུ་འཐིམ་པ་སོགས་སྔར་ཡོད་ཀྱི་ལོ་རྒྱུས་རགས་པ་ལ་ཁ་གསབ་ཀྱི་ཚུལ་དུ་བཀོད་ན་འདི་ལྟ་སྟེ།

གྱེ་དི་རིང་ནི་སང་ལྟ་ན།།
དོག་སྲིན་ནྀ་སྦུར་བུ་འྀས།།
བྱ་ལྟར་ནྀ་བཅོས་བཅོས་སྟེ།།
གནམ་དུ་ནྀ་འཕུར་འདོད་ཀྱང་།།
འཕུར་དུ་ནི་འདབ་མ་མཆྀས།།
འཕུར་དུ་ནྀ་འདབ་མཆིས་ཀྱང་།།
དགོང་སྔོ་ནི་ཕང་མཐོས་སྟེ།།
སྤྲིན་ཀྱྀ་ནི་གོ་མྱི་འདའས།།
ཡ་རུ་ནྀ་དགུང་མ་སླེབས།།
མ་རུ་ནྀ་དོག་མ་སླེབས།།
མ་མཐོ་ནི་མ་དམའ་སྟེ།།
ཁྲ་འྀ་ནི་གཟན་དུ་གྱུརད།།
ཁྲི་འདུས་སྲོང་ནས།