རེ་བ་མེད་པའི་རེ་སྒུག་བྱེད་པ་ལས། །
སེམས་ཀྱི་ཁོ་ཐག་ཆོད་ནས་ཁེར་རྐྱང་དགའ། །
མདུན་ལམ་མེད་པའི་ཕུགས་བསམ་བཅང་བ་ལས། །
རང་གི་ནུས་པའི་ལས་ཞིག་བྱེད་ན་བཟང་། །

མི་ཕམ་རིན་པོ་ཆེས།རྩ་བརྒྱུད་བླ་མའི་བྱིན་རླབས་སྙིང་ལ་ཞུགས། །ཡི་དམ་ལྷ་ཡིས་རྗེས་བཟུང་དངོས་གྲུབ་ཐོབ། །མཁའ་འགྲོ་དམ་ཅན་ལུས་དང་གྲིབ་བཞིན་འགྲོགས། །གང་བསམ་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་གསུངས།
麦彭仁波切：
愿本传师加持入心中，本尊摄受获得诸悉地，空行护法如影随行身，所想任运自成普吉祥！

སྡུག་པོ་ཡེ་ནས་མེད་ཀྱང་། །
སྡུག་པོ་དུས་ལ་བྱུང་ན། །
འཇིག་རྟེན་དཀར་ངོགས་འདི་ནས། །
མི་རྟག་གཏམ་རྒྱུད་བརྗོད་འདོད། །

འཕྲད་པའི་ལོ་རྒྱུས་གླེང་ན། །
སྐྱིད་པའི་སྣང་བ་སྟེར་གི། །
ལས་ཀྱིས་སོ་སོར་གྱེས་ལ། །
བསམ་ན་སྐྱོ་གདུང་འདྲེས་མ། །

ཀྱཻ་མ་ལས་འདིའི་མཐའ་མའི། །
དབང་མེད་སྣང་ཡུལ་བཙན་པོ། །
སྡུག་སྡུག་ང་ལ་སྤྲད་རུང་། །
བྱམས་པའི་སེམས་ཁྲེལ་ཅི་བྱ། །

ཀྱེ་ཧུད་མི་རྟག་སྒྱུ་མ། །
གློ་བུར་བདག་ལ་འཁོར་ན། །
གདུང་བའི་སེམས་ཀྱི་སྐྱོ་ཚིག །
བྲིས་པ་ང་ཡི་མཐའ་ཚིག །