冼靖峰为处男作录音　历尽负面情绪

TVB《声梦传奇》学员冼靖峰（Archie）今年以个人身份加入乐坛，早前推出处男作《一个人的幸运》，希望带出愈努力愈幸运的正面讯息。不过，新歌歌词虽然是为他度身订造，但最初数到歌词却令他相当困扰，他说：“最初唔系好明白歌词，录音初期更加唱嚟唱去都冇feel，自己唱得唔好，于是烦咗好多唔同人，监制、填词人亦逐句同我解释，录呢首歌经历咗好多负面情绪，一路录有好多唔同感受。”

他又指对歌曲最深感受是开始的两句，所讲的命运与幸运的分别，他说：“讲起命运好似唔系好开心，开心时候系讲幸运，但其实系取决于心态，自己就唔信命运，歌曲希望带出愈努力愈幸运讯息。”

【On.cc】冼靖峰為處男作錄音　歷盡負面情緒

無綫《聲夢傳奇》學員冼靖峰（Archie）今年以個人身份加入樂壇，早前推出處男作《一個人的幸運》，希望帶出愈努力愈幸運的正面訊息。不過，新歌歌詞雖然是為他度身訂造，但最初數到歌詞卻令他相當困擾，他說：「最初唔係好明白歌詞，錄音初期更加唱嚟唱去都冇feel，自己唱得唔好，於是煩咗好多唔同人，監製、填詞人亦逐句同我解釋，
錄呢首歌經歷咗好多負面情緒，一路錄有好多唔同感受。」

他又指對歌曲最深感受是開始的兩句，所講的命運與幸運的分別，他說：「講起命運好似唔係好開心，開心時候係講幸運，但其實係取決於心態，自己就唔信命運，歌曲希望帶出愈努力愈幸運訊息。」

Archie近期變番「黑髮寶寶」喇。

Archie希望新歌能帶出正面訊息。

Archie錄新歌飽歷負面情緒。

命運與幸運取決於心態。

#冼靖峰[超话]#

【晴報】梁競徽被網民開名斥酒店扮大牌 一言不合叫經理見洋人即口啞啞

明星之所以叫星，就係因為佢哋有一種遙不可及嘅神秘感，唔少人喺街遇到明星都會非常興奮，如果見到發哥周潤發呢類巨星更加會開心幾日都有。不過其實星都唔係人人恨見，今日就有一位網民分享佢遇星嘅不愉快經歷。

今日有位網民開Post同大家分享佢嘅「遇星記」，之後就引嚟一位朋友分享自己做酒店接待時被不禮貌對待，佢留言：「是咁的，件事大概係4年前左右，由於我冇睇三色台嘅關係，事前真喺我唔識香港嘅三色台明星。小弟是做酒店reception嘅，有一日，唯萎（網民對梁競徽戲稱）出現喺大堂，而我就係唯一一個企緊counter，佢就行埋嚟問我嘢，我重申一次，我嗰刻真的不知道梁烈唯（現名梁競徽）是誰。」

呢位網民打出佢同梁競徽當時嘅對話：

網民: 有咩可以幫到你？

梁競徽 : 有冇得睇下你哋個ball房

心諗乜x嘢ball房呀，冇受過教育？Ballroom就Ballroom啦，我記得嗰時係夜晚8點幾同個ballroom有event做緊，佢個樣仲要好寸。再加上睇ballroom喺要搵event sales預約時間先可以睇，唔係話睇就睇。

網民 : 唔好意思先生，我哋而家個ballroom有event進行緊，如果要睇嘅話(畀咗張酒店卡片佢)，可以同我哋event sales預約番個時間呀。

梁競徽 : 下？你哋而家冇sell屎咩？

網民：呢個時間都多數已經收晒工喇。

梁競徽 : 哈，咁準時呀，咁你叫你經理出來，你幫唔到我。

嗰一刻已經好想打佢。

網民 : 好呀，請問先生貴姓呢？

梁競徽 : 我喎！(佢指著自己個樣) 我再問

網民: 先生貴姓？

梁競徽: 你 ，你經理會識得我。

網民 : 請你等等。

不過呢位網民話佢嘅經理係外籍人士，唔識講廣東話，亦都冇睇過TVB。

經理 : Good evening sir, may I help you?
梁競徽 : Er... I want see ballroom.
經理 : I am very sorry that there’s an event on going in the ballroom which is quite impossible to show you. But you may contact our event sales associate for any further questions. (又畀張酒店卡片佢 )
梁競徽 : Thank you
佢望一望經理，望一望張卡片，再望一望我，之後就走咗
事後經理問我佢邊位，我話我都唔識佢，之後我都係問同事先知道佢原來喺唯萎。

唔少網民都話如果真有其事嘅話，梁競徽都幾冇禮貌；不過都有人話唔知係咪真，可能係同當年「關家姐」嘅翻版，只係純屬虛構。

圖片來源：微博

#梁竞徽[超话]#