བདག་ལ་བརྡེག་འཚོག་མཚང་འབྲུའི་སེམས་ཅན་རྣམས།།

首页发布

བདག་ལ་བརྡེག་འཚོག་མཚང་འབྲུའི་སེམས་ཅན་རྣམས།།
མཐོང་ངམ་ཐོས་སམ་ཡིད་ལ་དྲན་པའི་ཚེ།།
ཁོང་ཁྲོ་བྲལ་ཞིང་སླར་ཡང་དེ་དག་གི།
ཡོན་ཏན་བརྗོད་ཅིང་བཟོད་པ་སྒོམ་པར་ཤོག།

࿐སྨར་སྟོད་སྟག་ར་ཡུལ་པའི་རྡོ་ལྷ་རི་ཁྲོད་སྐོར་གྱི་ཡིག་ཆ་འཚོལ་བསྡུ་རེ་བྱས་པ་ན། སྟག་ཤམ་ནུས་ལྡན་རྡོ་རྗེའི་གསུང་འདི་རྙེད་པས། དོན་གཉེར་ཅན་ཀུན་ལ་གཟིགས་གསོལ་དུ་ཕུལ་བར་བྱ།
དེ་ཡང་སྟག་ཤམ་ནུས་ལྡན་རྡོ་རྗེ་གསེར་ལྡིང་དགོན་ནས་ཡར་ལམ་རྡོ་ལྷ་རི་ཁྲོད་དུ་འབྱོར་རྟིང་གི་མཐོང་ཐོས་སུ་བཀོད་པ་གཤམ་གསལ།
ཆུ་མདོ་ཐང་ལ་ཞག་དགུའི་བར། །སྒར་བསྡད་ཉིན་གསུམ་དབང་ཡང་བྱས། །
བར་མ་རི་ལ་མཇལ་དུ་སོང་། །གསེར་ལྡིང་ཀུན་བཟང་སྙིང་པོ་གཉིས། །
དགོངས་བཞེད་དབང་ཕུལ་རི་སྟོད་བྲག །གཡའ་ཁང་རྩ་རལ་ཕྱིན་པའི་ཚེ། །
ང་རང་སྡོད་ཡུལ་ཡིན་སྙམ་པའི། །སྣང་བ་བདེ་ཕྱམ་ཡུག་གཅིག་སོང་། །
དེ་ནས་རྡོ་ལྷའི་རྩར་ཕྱིན་ནས། །ཐུབ་པའི་དབང་པོ་མཇལ་མ་ཐག །
དེས་ཤེས་བཅོས་སུ་མེད་པ་ཞིག །སྙིང་ཁུངས་རུས་པའི་གདེང་ནས་ཕྱིན། །
མཎྜལ་ནས་དེ་དེར་མ་ཕྱིན། །ཡུལ་ཙམ་སྒུག་དགོས་བྱུང་བ་དེ། །
འཕྲལ་གྱི་རྟེན་འབྲེལ་བརྡ་རྟཊ་གོ །ཕྱག་རྡོར་འབིར་བ་འོད་དཔག་མེད། །
མཇལ་ཅིང་མཐོང་སྣང་ཅི་མ་བྱུང་། །འབི་རབ་ལ་སོགས་ས་སྐྱ་རྣམས། །
ཕྱིས་སུ་བཞེངས་པ་ཡིན་པར་གོ །དེ་རུ་ཕ་ཝོང་གཅིག་དེ་ལ། །
རྒྱ་བཟས་སེང་གེ་བཟོ་བསམ་ཚེ། །རྟེན་འབྲེལ་འཆུག་པས་མགོ་མཇུག་ཆད། །
དེ་ཡིས་རྟེན་འབྲེལ་ངན་པ་ཡིན། །སྐུ་ཚབ་འགྲོ་དོན་སྒང་གཤོང་ཆེ། །
འོད་དཔག་མེད་ལ་མཎྜལ་ཕུལ། །རབ་སྙན་ནས་འབྲས་སྙན་དང་ནི། །
ཐུགས་ཀ་ཞལ་རས་གསུམ་དུ་ཆགས། །འདི་ནི་རྟེན་འབྲེལ་ཡིན་པར་གོ །
གྲུབ་བརྒྱ་གནས་བཅུའི་ཁ་ཡིག་རྣམས། །ཕྱིས་སུ་བཅོས་པར་སེམས་ཀྱིས་རིཊ །
ཞེས་སུ་གསལ་བར་བལྟ་ན། རྡོ་ལྷ་རི་ཁྲོད་དུ་རྒྱ་བཟའ་ཕེབས་པའི་ངག་རྒྱུན་ཡོད་ཀྱང་། དམངས་ཀྱི་ངག་ཏུ་བཤད་པ་ལྟར་ལྷ་སྐུ་ཡོད་ཚད་རྒྱ་བཟས་མཚན་གཅིག་ལ་འཕྲུལ་གྱིས་བཞེངས་ཞེས་པར་བདེན་ཁ་བྱིན་དཀའ་བ་འདུག་སྟེ། གོང་གི་ཚན་པ་ལས་རྟོགས་ཐུབ་པའི་ཕྱིར་རོ། ། https://t.cn/EXac8km

༼རྗེའི་བསམ་པ་ལྷུན་འགྲུབ་མ་བཞུགས་སོ།།༽
རྒྱལ་ཀུན་མཁྱེན་པའི་རང་གཟུགས་འཇམ་དཔལ་དབྱངས།།
རིགས་དྲུག་འགྲོ་ལ་སྙིང་རྗེ་པད་དཀར་ཅན།།
མཐུ་སྟོབས་མངའ་བདག་རྡོ་རྗེ་འཛིན་པའི་ལྷ།།
རིགས་གསུམ་སྒྱུ་འཕྲུལ་རྒྱལ་བ་ཙོང་ཁ་བ།།
རྗེ་བཙུན་བློ་བཟང་གྲགས་པར་གསོལ་བ་འདེབས།།
བསམ་པ་ལྷུན་གྱིས་འགྲུབ་པར་བྱིན་གྱིས་རློབས།།
ཅེས་པ་འདི་ནི་རྒྱལ་དབང་བསྐལ་བཟང་རྒྱ་མཚོས་མཛད་པའོ།།