༄༅། །བོད་རབ་རྒྱན་ཆུ་ཕོ་སྟག་ལོའི་གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུ།

藏历新年快乐，扎西德勒

[烟花][烟花][烟花] https://t.cn/R2WxDXj

༄༅།།བོད་རབ་རྒྱན་ཆུ་ཕོ་སྟག་ལོའི་གནམ་ལོ་གསར་དུ་ཚེས་བའི་ཉིན་བཟང་འདིར། ཁྱེད་དང་ཁྱེད་ཀྱི་ནང་མི་ལྷན་རྒྱས་ལ། སྐུ་བདེ་མོ་བདེ་མོ་ཞིག་དང་། གསུང་སྙན་མོ་སྙན་མོ་ཞིག་དང་། ཐུགས་སྤྲོ་པོ་སྤྲོ་པོ་ཞིག་ཡོང་བའི་སྨོན་འདུན་ཞུ་བ་དང་ལྷན་དུ། ང་ཚོ་ཐུན་མོང་གི་ཁྱིམ་གཞིས་ཏེ་གོ་ལ་ཟླུམ་པོ་འདིའི་སྟེང་གི་ནད་ཡམས་དང་མུ་གེ་དམག་འཁྲུག་སོགས་མི་མཐུན་རྐྱེན་ངན་ཐམས་ཅད་མྱུར་དུ་ཞི་ཞིང་། རང་ཅག་བོད་ཀྱི་སྐད་ཡིག་རིག་གནས་དར་བའི་འགལ་རྐྱེན་བར་ཆད་ཀུན་འབད་མེད་དུ་ཞི་བར་ཤོག་ཅིག །

ཅེས་ཕྲན་དཔའ་བུ་བསོད་ནམས་སྟོབས་རྒྱལ་ནས།

ཕྱི་ལོ་༢༠༢༢་ཟླ་༣་ཚེས་༣་ཉིན་ལ།

སྒོ་གསུམ་གུས་པ་དང་བཅས་སོ།།
སླར་སྨྲས་པ།
བོད་རབ་རྒྱན་ཆུ་སྟག་ལོ་ཚེས་ལ་ཁད་འདིར།
ངས་རེ་སྨོན་རུམ་གང་ཁྱེར་ནས་ལམ་དུ་ཆས།
ལོ་འདིར་ཇོ་མོ་གླང་མའི་དབུ་འཕང་སྔར་ལས་མཐོ་དགོས།
ཡར་ཀླུང་གཙང་པོའི་འབབ་རྒྱུན་སྔར་ལས་རིང་དགོས།
བྱང་ཐང་ཡངས་པོའི་རྩྭ་ཆུ་སྔར་ལས་འབེལ་དགོས།
ཕོ་བྲང་དམར་པོའི་གཟི་དཔལ་སྔར་ལས་བཀྲ་དགོས།
དབྱངས་གསལ་སོ་བཞིའི་སྐྱེས་སྟོབས་སྔར་ལས་རྒྱས་དགོས།
ད་དུང་།
ཕྱི་སྣོད་ཀྱི་འཇིག་རྟེན་བརླིང་དགོས།
ནང་བཅུད་ཀྱི་སེམས་ཅན་བདེ་དགོས།
ཕྱི་སྐྱེ་ཁམས་ཁོར་ཡུག་བསྙོམ་དགོས།
ནང་སྐྱེ་འགྲོའི་བསམ་པ་མཐུན་དགོས།
ཕྱི་གངས་རིའི་ར་བ་མཛེས་དགོས།
ནང་མགོ་ནག་བོད་མི་སྐྱིད་དགོས།
མདོར་ན།
སྐྱེ་འགྲོ་ཡོད་ཚད།
ཕྱི་ལུས་པོ་བདེ་ཞིང་།
ནང་སེམས་པ་སྐྱིད་པར་ཤོག་ཅིག།[鲜花][鲜花][鲜花]

༄༅།། བོད་རབ་རྒྱན་ཆུ་ཕོ་སྟག་ལོའི་གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུ།

罗 萨 扎 西 德 勒[烟花][烟花][烟花][爆竹][爆竹][爆竹] https://t.cn/R2WxDMf