相戀21年 哭爆同高志森分手 焦媛：需要個明白理解我嘅人

43歲的焦媛將於情人節演出全新自編音樂劇《約定香奈兒》，紀念逝世20年的父親，她笑言到時跟前世情人共舞慶祝。不過，講到跟今世情人高志森關係，焦媛忍不住喊住承認兩人已於年多前正式分手，結束21年關係，但不涉及第三者，只是她有心結不能解開，對另一半的要求亦已改變，她現在需要個明白同理解她的人，但她強調兩人工作伙伴關係不變，更表示對方一直對她好好，是她一世的老師。採訪：杜淑霞
焦媛10年前曾創作《容易受傷的女人》紀念逝世父親，今年再親自編寫音樂劇《約定香奈兒》送給爸爸，她更形容這是個自虐自療過程，每日寫劇本回憶起爸爸就喊幾次。這日她在排練室先講到跟父親關係，「我3歲前都冇同父母生活，係婆婆湊我，我細個係缺乏父母嘅愛，直到一家四口嚟到香港，爸爸亦都被迫轉行由京劇演員變成工廠雜工，雖然佢冇埋怨過，但係佢一得閒就攞啲京劇錄影帶睇，我見到就放咗自己情感落去，認為佢一定係好唔開心啦！覺得要為爸爸出番啖氣，希望佢為我驕傲，所以我之後唔係唔鍾意舞台同藝術，但係有八成係孭咗爸爸壓力上身，但呢啲係我一廂情願嘅諗法，我冇同爸爸好好對話，冇溝通過去了解佢真正感受，但爸爸係我精神價值，所以話我戀父狂我認。」

正因為多年來帶着這份壓力工作，焦媛年幾前終於爆煲，要向心理醫生求助，「佢話我永遠唔滿足，永遠覺得自己做唔好，去到有小小扭曲，自困情緒，因為我做呢行嘅初心，八成係為咗爸爸，好唔好彩啱啱畢業有機會演戲嘅時候，佢就離開咗，我永遠冇得到佢一個回應，永遠搵唔到呢個答案，但我放唔低爸爸做唔番呢行係佢自己嘅命運，我要學識放低，不過唔係一朝一夕，我呢個性格都40年，點會咁快放得低，但起碼知個問題喺邊。同埋我亦都要重新審視同舞台藝術關係，以前努力係為爸爸，依家要諗自己想要啲咩，唔係再為其他人，用另一種心情去享受個舞台。」
揀對象唔一定要叻
這次情緒問題，令焦媛重新審視還有跟高志森長達21年的戀愛關係，「我承認我對佢係有戀父嘅關係影響，但我真正愛佢幾多係純粹愛情。不過我由細到大都睇唔起同班啲男仔，因為我覺得佢哋唔叻囉！一定要夠叻，可以Lead到我行嘅，我係咁樣去睇愛情，唔係觸電嗰種，因為爸爸嗰時對我嘅教育係咁㗎嘛！永遠都係嗰個高標準囉！但依家未必咁樣去睇愛情，唔一定係要叻，反而明白你了解你，同你一齊去行，而唔係Lead住你行，Lead住你永遠都係一樣好辛苦嘅嘢，永遠跟住後面，反而同步一齊成長仲好。」

追問這樣想係咪代表跟高志森已分手，焦媛忍不住喊着承認，「真係分咗手，我哋工作關係係好好嘅，佢係一世嘅老師，但感情就唞一唞。」她又話：「佢好好，係我自己唔同階段都有變化，以前細個20幾歲好叻嘅人已經滿足到我情感上嘅要求，過一段時間我又成立自己個團，佢變成工作上伙伴好夾，以為呢個都係愛情，到我40歲開始，需要一個明白理解我嘅人，女人都係咁，點解女人最終要結婚生仔，某個階段需要陪伴，精神上嘅陪伴，咁就開始有問題啦！（係咪想搵對象結婚生仔？）我要搵到自己先，再搵個啱自己嘅伴侶，不過我仲係相信愛情。」至於兩人有否復合可能，「呢個唔可以一廂情願，唔係又變咗好似我同爸爸嘅關係，好似一個人單戀咁，感情係要雙方，唔可以不停咁付出，人哋唔係咁諗呢！我成都話，你愛我，你要做畀我睇，所以溝通好緊要。」

曾傳婚訊
焦媛跟高志森年齡相差18歲，2000年剛在演藝畢業、24歲的她承認跟男方拍拖，更一度背上第三者之名，最終高志森公開98年已跟太太離婚，不過兩人關係初時仍未被看好，後來隨着工作上合作關係，感情亦愈來愈穩定，其間亦傳出過婚訊，轉眼已相戀21年。

同阿咩食完宵夜行返屋企
其实心里面已经冇你了，但系始终那四年同后尾毕业果两年最爱始终系你，冇咁容易忘记你，邱小姐。
去佛山揾你之后，你第二日同我讲嘅嘢我一直都记得，我默默接受冇反驳你，因为我变咗，你知道我好中意驳嘴，但系后来同你分开我都叫做成长咗，所以一直觉得你再应承我返我身边我哋就会一辈子，因为系按照你嘅性格成长，但系边个估到生活点样发展。
你讲嘅嘢好多同实际情况有出入咖，我知道后尾分手一段时间内，你肯定从佢哋口中去了解我，因为你冇其他渠道，但系你知道嘛，我同佢哋反面好耐，你都曾经讲过佢哋系损友，事实系。
我唔觉得嬲，你哋每个人对我嘅评价我都觉得冇所谓，你同我讲至少要人哋睇得起我。
点解呢？我自己过得开心，唔拖唔欠已经足够，我已经唔在意人哋点睇我，我最痛心系你要从人哋口中了解我，而且选择相信，其实哩一点我已经潜意识觉得你唔再值得我苦心追返。
听过一句话，人际关系经营得最差就系，你要相信人哋嘅话去评价我，而唔系你认为。
我肯定希望我仲有一个好印象系你心目中，但系生活一直系度持续，唔需要为咗d无谓嘅嘢辛苦过日子，好好生活，无愧自己，够了。
加油吧。 https://t.cn/RitOdb5

東方日報C1：食住個勢！李施嬅開條件拍《金宵2》

被喻為無綫「神劇」的《金宵大廈》獲觀眾激讚，無綫乘勢再添食，拍板開續集！據知已簽約美國公司進軍荷里活的施嬅未應承接拍，亦揚言接拍首要的不是酬勞，而是要求原本班底合作！事業得意的她，愛情亦有着落，日前工作後匆匆離開，似乎佳人有約，惟怕男友曝光，即找好友趙希洛作掩護。
由陳山聰與李施嬅擔演的無綫劇集《金宵大廈》掀起久違的追劇熱潮，此劇題材貼地，奇幻懸疑，口碑、收視俱佳，更被喻為「神劇」，據知無綫高層有見及此，即落實拍板開拍續集，而之前被指大有機會今年奪視帝、視后的主角山聰及施嬅更添勝算。
施嬅已不是無綫「親生女」，並簽美國經理人公司向荷里活發展，工作排到明年，如今對於無綫開拍續集，能否有期拍攝都是未知之數，她昨日受訪時說：「續集呢樣嘢真係十劃未有一撇，但佢哋有呢個想法，我都好開心，證明佢哋好重視，但係我未應承會拍㗎！我簽咗其他公司，有其他嘢要做，下年個期都要度度，因為有好多嘢傾咗、落實咗，如果真係拍要再傾吓先，亦要傾吓個合作模式，不過我好欣賞、鍾意《金宵大廈》整個團隊，無論任何一個演員、編審、監製、導演個個都係好用心，如果原班人嘅話，我會有興趣，但真係要睇吓，喺呢一刻我未應承到住，要再傾。」
最想原班底合作
她又謂如果開續集，一定要給這個劇有更好的資源配合，而她對編審、監製很有信心，問若接拍續集會否「加價」？她說：「人工呢樣我冇諗呀！我哋藝術家嚟㗎嘛！唔係講錢㗎啦！好似《法證先鋒IV》咁要重拍我冇收啲乜嘢錢，唔收錢都會拍㗎啦！錢唔係我重點，重點係個期，同埋我最想最想係台前幕後嘅原班人馬，呢樣係我覺得最緊要嘅一樣嘢，同埋要多啲資源，令個劇更加好先開心。」踏出無綫後，她多了不少機會，她笑說：「好多嘢係要儲番嚟，演藝生涯係冇得諗，同《金宵大廈》一樣咁懸疑。」
而此劇監製葉鎮輝昨日受訪時坦言現時開拍續集事宜一切要等公司決定，若然要開拍，最重要是劇本故事：「公司係有講過開《金宵2》，但點行、成個故事係點依家係零嘅，編審亦搞緊其他劇集，都要等大家砌吓個故事先可以有下一步，而且仲要睇吓演員嘅期係咪可以配合到。」說到施嬅檔期可能有問題，更揚言要原班人馬才有興趣，葉鎮輝說：「我都好明白，的確我哋整個團隊係好用心，台前幕後大家都好開心接呢個劇，站喺大家立場，當然希望可以原班人馬。」
搵趙希洛救駕
此外，單身多時的施嬅早前自爆「破Dry」有圈外男友，日前她工作後先與女友人往醫肚，及後匆匆驅車離開，似乎佳人有約，但當發現有記者追訪即煞有介事，極速向好友趙希洛求救，於是驅車前往對方位於中環半山寓所。未幾見趙希洛拖住愛犬落樓救駕，兩女一狗於附近公園逛一圈閃上樓，期間避追訪的施嬅逗留至深夜未見離開。

#李施嬅[超话]#