རྒྱ་གར་པཎ་ཆེན་བོད་ལ་བཀའ་དྲིན་ཆེ།། པདྨ་ལས་འཁྲུངས་སྐུ་ལ་འདས་གྲོངས་མེད།།ད་ལྟ་ལྷོ་ནུབ་སྲིན་པོའི་ཁ་གནོན་མཛད།།ཨོ་རྒྱན་རིན་པོ་ཆེ་ལ་གསོལ་བ་འདེབས།

སྤྱི་ཚོགས་དང་ཁོར་ཡུག་གིས་རང་ཉིད་མི་སྒེར་གྱི་ལྟ་ཚུལ་དང་མཐོང་སྣང་ལ་ཤུགས་རྐྱེན་ཅི་ཙམ་སྤྲོད་མིན་སྐོར་ཀྱི་བརྟགས་དཔྱད།

———///—དྲེད་པོ་ཧོར།
སྤྱི་ལོ། ༡༩༥༠ ནང་། སོལ་མོན་ཨེ་སག(Solomon Asch)མཆོག་གིས་མཐོ་སློབ་ཀྱི་སློབ་ཕྲུག་མང་པོ་ཞིག་བསྡུས་ནས་མཐོང་སྣང་བརྟགས་དཔྱད་བྱས། བརྟགས་དཔྱད་བྱེད་ཐབས་དེ་ནི། ཚོད་ལྟའི་མི་སྣ་འམ་འཁྲབ་སྟོན་མི་སྣ་བཅུ་གྲངས་ཙམ་གྱིས་གྲུབ་པའི་སྡེ་ཚན་རེ་བཟོས་ཏེ། སྡེ་ཚན་རེ་རེའི་ནང་སློབ་ཕྲུག་གསར་བ་གཅིག་རེ་མཉམ་ཞུགས་བྱེད་དུ་བཅུགས་ཏེ་བརྟགས་དཔྱད་བྱས།

དང་པོ་སོལ་མོན་སྡེ་ཚན་རེའི་འཛིན་ཁང་ལ་སོང་ནས་ནག་པང་ཐོག་ཤོག་ལྡེབ་གཉིས་རེ་སྦྱར། ཤོག་ལྡེབ་དང་པོ་དེའི་དཀྱིལ་ལ་གྱེན་ཐུག་གཅིག་འཐེན་ཡོད། ཤོག་ལྡེབ་གཉིས་པའི་སྟེང་གྱེན་ཐིག་རིང་ཐུང་མི་འདྲ་བ་གསུམ་འཐེན་ཡོད། གསུམ་གྱི་ནང་གི་གྱེན་ཐིག་གཅིག་ཤོག་ལྡེབ་དང་པོའི་ནང་གི་ཐིག་རིས་དེ་དང་རིང་ཐུང་དང་ཁ་ཞེང་མཉམ་པ་ཡིན།

དེ་ནས་ཁོང་སྡེ་ཚན་རེ་རེ་ལ་སོང་ནས། ཤོག་ལྡེབ་དང་པོའི་གྱེན་ཐིག་དེ་ཤོག་ལྡེབ་གཉིས་པའི་གྱེན་ཐིག་གསུམ་གྱི་ནང་གི གང་དང་རིང་ཐུང་དང་ཁ་ཞེང་མཉམ་མིན། མི་རེ་རེ་ལ་དྲིས་དུས། འཁྲབ་སྟོན་མི་སྣ་ཚོས་དང་པོ་ནས་ཤེས་ཀྱི་ཡོད་སྟབས། ཁོ་ཚོ་འགའ་རེས་ལན་དྲང་པོ་འདེབས་པ་དང་། ཡང་འགའ་རེས་ཆེད་དུ་ལན་དྲང་པོ་རྒྱག་གི་མེད། དེ་ལྟར་མི་རེ་རེ་དྲིས་ནས་དྲི་བ་མཐའ་མ་དེ་སྡེ་ཚན་ནང་གི་སློབ་ཕྲུག་གསར་བ་དེ་ལ་འདྲི་གི་ཡོད།

སྤྱིར་སྟངས་དྲི་ལན་ངོ་མ་ཧ་ཅང་ཁ་གསལ་སྟབས་བདེ་ཡིན་ཡང་། སྡེ་ཚན་སོ་སོའི་འཁྲབ་སྟོན་མི་སྣ་ཚོའི་ཤུགས་རྐྱེན་གྱི་དབང་གིས། ཚོད་ལྟ་བྱེད་སའི་སློབ་ཕྲུག་བརྒྱ་ཆ་༧༥ མང་ཕྱོགས་ཀྱི་རྗེས་སུ་འབྲངས་ནས་ལན་དྲང་པོ་རྒྱག་མ་ཐུབ་པ་རེད། བརྟགས་དཔྱད་གྲུབ་དོན་འདི་ལ་བརྟེན་ནས་ང་ཚོ་ལ་སྤྱི་ཚོགས་དང་ཁོར་ཡུག གྲོགས་པོ། ནང་མི་སོགས་མི་གཞན་གྱིས་རང་གི་ལྟ་ཚུལ་མཐོང་སྣང་ལ་ཤུགས་རྐྱེན་ཅི་ཙམ་སྤྲོད་ཀྱི་ཡོད་པ་དེ་རྟོགས་ཐུབ། ༢༦/༢/༢༠༢༢


#噶举祖庭一洛卓沃龙寺[超话]#
མ་གཅིག་ལབ་ཀྱི་སྒྲོལ་མས།

དུས་ཀྱི་ཐ་མ་རྩོད་ལྡན་དུས། །དུག་ལྔ་ཚང་བའི་ཁ་ཟས་ཤིག །བྱུང་ནི་ནག་པོ་རྒྱ་ནས་འབྱུང་། །དར་ནི་ཧོར་གྱི་ཡུལ་དུ་དར། །ཟས་ནི་བོད་ཁམས་འགྲོ་བའི་ཟས། །དེ་ཡི་དབང་གིས་འཛམ་གླིང་འདིར། །ཆར་ཆུ་མི་སྙོམ་སད་སེར་ལྡང་། །སྒོམ་སྒྲུབ་བྱེད་པས་འདི་འཐེན་ན། །བསྐལ་བ་བརྒྱར་ཡང་ལྷ་མི་འགྲུབ། །ཕྱི་མ་ངན་འགྲོ་གཏན་འཁྱམ་བྱེད། །མཆོག་གསུམ་ཐུགས་རྗེས་སྐྱོབ་མི་ནུས། །ཞེས་གསུངས།