带老爸食肥妹Cake！谢嘉怡玩Cosplay网友心心眼

前港姐冠军谢嘉怡（Lisa）份人一向够“西”，依家爱玩拍片嘅佢差不多次次都带埋Daddy出镜，做佢定心丸，今次佢哋就做Foodie试朱古力蛋糕，当中Lisa就真系诚意十足，专登换上复古女侍应Look见人，查实佢系Cosplay紧当红美剧《2 BROKE GIRLS》嘅侍应造型，真系睇到网友眼都唔眨，即使佢锡身扣足胸前嘅恤衫钮，网友都照收货，狂赞佢交足货！

点解咁讲，系因为今次佢终于都大晒苦练多时嘅中文Oral，好流利咁同老窦你一句我一句交流，唔再系佢讲完英文，要爸爸用中文帮佢“补镬”，佢仲要老窦陪佢一啖蛋糕一啖雪糕食“肥妹餐”，真系睇见都戥二人腰围担心呀！

许廷铿幻想有平行时空　想演多啲电影

歌手许廷铿（Alfred）为网上煲剧平台拍摄宣传片，透露自己爱煲剧：“因为要做牙医同歌手，冇时间吸收咁多嘢，就会煲剧，通常都系朋友介绍畀我就会睇，最多试过一日煲三、四粒钟。”

他又透露爱睇讲平行时空的美剧《Counterpart》，笑言：“有个病人同我讲话原来我喺诊所咁认真，同幕前好唔同，都有谂如果平行时空我系剩系整牙，郑欣宜就系我嘅病人都几好笑，都可以拍套电影。”他又透露之前为电影客串，有机会都希望可以多些演戏。

音乐方面，他亦透露将推出成为独立音乐人后的首支作品《佛系人生》：“做完《AH佛真．惜玩》之后有灵感。”但讲到他这么迟才出歌，今年很难追得上攞奖？他表示：“依家颁奖礼玩法多元化，唔一定因应音乐事业而做，好似上年林二汶攞咗我最喜爱女歌手，可能因为佢有做唔同部分，我冇限制今年要攞奖，剩系想出到音乐作品。”

另外，讲到他担任《全民造星IV》导师，他笑言拍到爆肝：“因为情绪波动好大，好嬲、劳气但又感动到喊，好似精神分裂咁样，有次喊紧时，花姐就话‘你都终于大个啦’，嗰下想煎巴佢，哈哈。其实真系好好玩，我同梁祖尧系相亲相爱嘅组合。”

#许廷铿# 幻想有平行時空　想演多啲電影

歌手許廷鏗（Alfred）為網上煲劇平台拍攝宣傳片，透露自己愛煲劇：「因為要做牙醫同歌手，冇時間吸收咁多嘢，就會煲劇，通常都係朋友介紹畀我就會睇，最多試過一日煲三、四粒鐘。」他又透露愛睇講平行時空的美劇《Counterpart》，笑言：「有個病人同我講話原來我喺診所咁認真，同幕前好唔同，都有諗如果平行時空我係剩係整牙，鄭欣宜就係我嘅病人都幾好笑，都可以拍套電影。」他又透露之前為電影客串，有機會都希望可以多些演戲。
音樂方面，他亦透露將推出成為獨立音樂人後的首支作品《佛系人生》：「做完《AH佛真．惜玩》之後有靈感。」但講到他這麼遲才出歌，今年很難追得上攞獎？他表示：「依家頒獎禮玩法多元化，唔一定因應音樂事業而做，好似上年林二汶攞咗我最喜愛女歌手，可能因為佢有做唔同部分，我冇限制今年要攞獎，剩係想出到音樂作品。」
另外，講到他擔任《全民造星IV》導師，他笑言拍到爆肝：「因為情緒波動好大，好嬲、勞氣但又感動到喊，好似精神分裂咁樣，有次喊緊時，花姐就話『你都終於大個啦』，嗰下想煎巴佢，哈哈。其實真係好好玩，我同梁祖堯係相親相愛嘅組合。」