ཇོ་བོས།བོད་དུ་དཔེ་ཆ་མང་བོ་བལྟ་རྒྱུ་མེད་པས་ངའི་དད་པ་ཉམས་སོང་།ཞེས་གསུངས།རྒན་གཞོན་མཐའ་དག་གིས་དཔེ་ཆ་བལྟ་དགོས།
阿底峡尊者言，在西藏没有太多的书籍可读，因而减弱了我的信仰；故老幼皆要阅读书籍。

ཁྱོད་ཤེས་མེད་ཁ་སྟབས་ཆེ་བོ་ཅན།།
དོན་དཀའ་མོ་ཞིག་ལ་མ་འཕྲད་པར།།
ལམ་བདེ་མོ་ཞིག་གི་བང་རིམ་ནས།།
ཁ་མཁས་པོ་ཅན་དེ་སུ་ཡང་ཡིན།།

ཁྱོད་སྙིང་མེད་ཞི་ལི་སྡར་མ་དེ།།
དགྲ་བཙན་པོ་ཞིག་ལ་མ་འཕྲད་པར།།
ཁྱིམ་གོ་ར་གྲུ་བཞིའི་གཡས་གཡོན་ནས།།
ངོ་ནག་རོག་གེ་ཞིག་སུ་ཡང་ཡིན།།

ཁྱོད་ཆོས་མེད་ལྟ་བ་ཁ་འབྱམས་ཅན།།
རྐྱེན་ངན་པ་ཞིག་དང་མ་འཕྲད་ན།།
ལྟོ་ཟས་ཀྱིས་རྒྱགས་པའི་ཉི་འོག་ན།།
ཕྱི་ཆོས་པའི་གཟུགས་དེ་སུ་ཡང་ཡིན།།
———སྤྱང་གུ་རུ་འཇིགས་མེད།

2021.11.21

བདག་ནི་ཡོངས་འཛིན་བཟང་པོས་ཟིན་པའི་མཐུས། །
དམ་ཆོས་འདུལ་བ་ནས་བཟུང་བླ་མེད་ཀྱི། །
དཔལ་ལྡན་གསང་བ་འདུས་པ་མན་ཆད་དུ། །
རང་གིས་ཉམས་སུ་བསྟར་ན་བསྟར་ཤེས་ཤིང༌། །
གཞན་ལ་སྟོན་ན་འཁྲུལ་མེད་སྟོན་ནུས་ཀྱང༌། །
དིང་སང་སྐྱེ་བོས་མི་གོ་ཇི་ལྟར་བྱ། །

༧དཔལ་རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ།