陈家乐被点中死穴！方中信咬住唔放

艺人方中信、陈家乐、鲍起静、张建声、黄定谦及张松枝等今晚（21日）出席宣传活动，讲到方中信早前替老婆莫可欣提前庆祝生日时，手戴价值200万元的手表骚Quali，他闻言即场拉高衫袖展示手表，他搞笑的说：“依家呢只2,000几蚊咋！嗰只我当投资玩吓啫！（有收藏手表？）有，少少咁啦，但最近入不敷支，冇再买。（送表畀老婆做生日礼物？）梗系送近排最Hit、新鲜出炉嘅电话，咁啱每年都系呢个时候有新款，而佢每年都啱！”

同场的陈家乐闻言，即笑说“学到嘢”，即被方中信“乘虚而入”反寸：“乜你结咗婚咩？拍咗拖几耐？”被点中“死穴”的陈家乐不停求饶：“唔好讲呢啲啦！拍戏就拍咗几年。”方中信咬住唔放，笑指对方有好多女Fans，又称呼他做“Lok哥”，陈家乐即高呼受不起：“你先系信哥！第一次合作，觉得佢唔讲嘢个样好恶，眼神又利，唔敢望佢对眼，好似做错事咁，好怯。”方中信抵死的再“进攻”：“你答我问题，讲真话，咪唔使避我眼神啰！”最后陈家乐没有轻易就范，转话题大赞对方为人搞笑又幽默，成功自救脱险。

歌手#連詩雅#被爆多次霸用屋苑訪客車位，被住客多次投訴，1月23日晚她出席無綫活動受訪時不停「耍冧」，自爆一早被公司「照肺」，亦自知有錯︰「係自己大頭蝦，因為架車冇油，急住要做啲嘢趕返屋企，唔記得打電話去管理處講聲，不過依家已經處理咗件事，畀番時租泊車錢，今次係我自己處理得唔好，令其他住客不便，下次會小心啲。」

吕慧仪做身体检查　囝囝以为去咗Staycation

艺人吕慧仪今日（19日）到将军澳电视城出席《爱．回家之开心速递》宣传，席间监制宣布剧集将迈向1,500集。吕慧仪接受访问时，讲到之前在街上晕倒，她透露现已冇事，做了身体检查：“嗰日凑紧仔，谂住去攞嘢，但突然眼前一黑就晕咗，跟住第二日就照返工，但之后都去咗做body check，check完之后心脏同个脑冇事，医生话系胃发炎，有啲胃出血，都系啲都市人常见嘅毛病，食无定时。”

她又透露是首次在街上晕倒：“好彩隔篱有两个妈妈朋友扶番我起身，我都担心唔知系咩事，医生话可能啲神经因子send错signal畀个脑，所以突然血压低，咁我之后都会均衡饮食同埋多啲休息同运动。”

问到为何不停工休息？她表示：“趁嗰两日冇厂就去咗做body check，唔想麻烦到其他人。”她又透露现时会与囝囝一齐做运动，问到囝囝可有担心她？她笑言：“冇，我去做body check，佢仲以为去staycation，我仲叫佢攞埋啲功课去医院畀我检查同签手册。”

另外，再有网民企图在网上煽动他人参与抵制TVB广告客户及艺人，构成滋扰、骚扰丶缠扰、威胁或恐吓等网络欺凌问题，TVB就此事报警，吕慧仪对此表示：“香港大家想讲咩就喺网上发表，无论讲咩，待人处事最紧要过到自己过到人，有时讲得重啲，有啲人就会好唔开心，希望大家和谐啲，唔好咁多负能量，正面啲就好。”