#微博[超话]# ࿐རྒྱལ་ཚབ་དར་མ་རིན་ཆེན་མཆོག་གི་གསུང་འབུམ་པོ་ཏི་དྲུག་པར་ཁྱོན་བསྡོམས་ཤོག་གྲངས་༧༡༧ ཀློག་པའི་ཉིན་གྲངས་༡༨ ཉིན་རེར་ཤོག་གྲངས་༤༠གཞིར་བཟུང་བཀླགས་ཟིན་པས་འདི་ཡང་སྐལ་བ་བཟང་སོང་སྙམ།

འཇིག་རྟེན་ཉི་མའི་ཕ་ཡུལ་འོད་ཀྱི་ཁྲུས་ལ་ཞུགས་ཡོད།།
བུ་ང་སྡིག་པའི་གཅེས་ཕྲུག་གྲིབ་མའི་གསེང་ན་ལུས་བཞག།
རིག་པའི་མེ་ཐུར་བསྣམས་ཏེ་མུན་པའི་གྲོང་ལ་ཕེབས་ཀྱང་།།
ང་རང་བྱིས་པ་ལངས་ཤོར་རྐང་ཤུབ་བོར་ནས་ལྷག་སོང་།།

འཁོས་ཀ་ཞན་པའི་ཚོད་ཀྱིས་ནམ་འཇུག་སྦྲང་མ་འདྲ་བས།།
དྲིན་གྱི་བུ་ལོན་ལྕི་མོ་སྒལ་པས་ཐེག་ཐབས་མི་འདུག།
གཉིད་དང་རྨི་ལམ་བར་ནས་སྟོང་འདང་རི་མོར་བྲིས་ཀྱང་།།
འཁོར་བའི་གླ་བ་མཐོང་དུས་གླ་རྩི་ལེན་རྒྱུ་དྲན་འོང་།།

༢༠༢༡ ༨ ༤ https://t.cn/R2Wx150

ཡ་རབས་སློབ་མས་ཡིད་ལ་གཟུང་དགོས་པའི་མན་ངག་བཅུ།

རྩོམ་པ་བོ། རྒྱ་གྲོལ།

སློབ་སྦྱོང་གི་དགོས་པ་ནི་ཀུན་སྤྱོད་དང་བློ་གྲོས་ཀྱི་ཆེད་དུ་ཡིན་པ་ལས་སྐར་གྲངས་ཀྱི་ཆེད་དུ་མིན།

༡

ཁྱོད་ཀྱིས་མི་ཤེས་པ་ཞིག་ཡོད་ཚེ། དེ་ནི་ཁྱེད་ཀྱིས་ངེས་པར་ཤེས་དགོས་པ་ཞིག་སྟེ། ཤེས་ཐུབ་མིན་དེ་ཁྱོད་ཀྱི་བརྩོན་པ་ལ་ཐུག་ཡོད། ཁྱོད་ལ་བརྩོན་པ་ཡོད་ཚེ་འཇིག་རྟེན་འདིར་ཁྱོད་ཀྱིས་ཤེས་མི་ཐུབ་པའི་ཤེས་བྱ་ཅི་ཡང་མེད།

༢
ཕུགས་བསམ་ནི་རང་གི་སེམས་པ་རྒྱ་བསྐྱེད་དེ་འཇིག་རྟེན་ལ་བལྟས་ནས་ཆེས་ལེགས་པའི་དགེ་མཚན་ཞིག་དོན་དུ་གཉེར་བ་དེ་ཡིན་ལ་དེ་ཡོད་ན་ད་གཟོད་ཁྱོད་རང་མི་ཚད་ལྡན་ཞིག་ཡིན་ལ་ཁྱོད་རང་གི་བྱ་བ་གང་མང་ཞིག་འགྲུབ་ཐུབ། གལ་ཏེ་ཕུགས་བསམ་མེད་ཚེ་ཁྱོད་ལ་མཛེས་སྡུག་དང་རྒྱུ་ནོར་ག་འདྲ་ཡོད་རུང་རྨ་བྱ་ལྟར་ཁ་དོག་མཛེས་ཤིང་ཡི་དྭགས་བཞིན་ལོངས་སྤྱོད་མོད་པའི་བླུན་པོ་ཞིག་ལས་མ་འདས།

༣
གཉིད་དང་ཟས། གྱོན་གོས་དང་རྒྱན་ཆ། རྩེད་དགོད་བཅས་ནི་གནས་སྐབས་ཀྱི་མཛེས་ཆོས་སམ་རྨི་ལམ་ཙམ་སྟེ་དེས་བསླུས་པའི་མི་ནི་རང་ཉིད་ཀྱི་ཆེད་དུ་རང་ཉིད་བརླགས་པ་ཞིག་གོ། རང་ཉིད་ཀྱི་ཆེད་དུ་རང་ཉིད་བསྐྱབ་དགོས་ན་ཁྱོད་ཀྱིས་བསམ་བློའི་བསྟེན་སའི་ཟས་དང་གྱོན་གོས། རྒྱན་ཆ་དག་ལ་བསྟེན་དགོས་ཏེ། དེ་ནི་ཁྱོད་ཀྱི་ནམ་ཡང་འགྱུར་བ་མེད་པའི་རྒྱན་ཆ་སྟེ་ད་ལྟའི་སྦྱོང་བཞིན་པའི་ཡོན་ཏན་འདི་ཡིན་ནོ།།

༤
དེ་རིང་གི་བྱ་བ་དེ་རིང་བསྒྲུབ་དགོས་ཏེ་དེ་རིང་གི་བྱ་བ་སང་ཉིན་ལ་བཅོལ་བ་ནི་བྱ་བ་དེ་མི་འགྲུབ་པའི་སྔ་ལྟས་ཡིན་ཞིང་ཁྱོད་རང་སྒྱིད་ལུག་ཏུ་གྱུར་པའི་རྟགས་མཚན་ཞིག་ཡིན། ཉིན་མོ་རེ་རེ་སྒྱིད་ལུག་གིས་བསྐྱེལ་ན་ཁྱོད་ནི་མི་ཕལ་བ་ཞིག་ལས་མི་བཟང་བོ་ཞིག་གཏན་ནས་མིན་ཞིང་ཁྱོད་རང་འཇིག་རྟེན་འདིར་འཚོ་བའི་དོན་སྙིང་དེ་བས་ཀྱང་མེད་དོ།།

༥
མི་ཤེས་པ་གཞན་ལ་འདྲི་དགོས་ཏེ་གཞན་ལ་འདྲི་བ་ནི་རང་ཉིད་ཀྱིས་མི་ཤེས་པ་ཤེས་པའི་ཆེད་དུ་ཡིན་ལ་སློབ་མའི་ཆེས་ཆེ་བའི་སྐྱོན་ཆ་ནི་རང་ཉིད་ཀྱིས་མི་ཤེས་པ་ཤེས་ཁུལ་བྱེད་པ་དང་མི་ཤེས་པ་མི་འདྲི་བ་དེ་ཡིན་ནོ།། གཞན་ལ་འདྲི་བ་ནི་སློབ་མའི་རྒྱན་ཆ་སྟེ་རང་ཉིད་ལ་ཡོན་ཏན་འབྱུང་བའི་སྒོ་མོ་ཡིན་ནོ།།

༦
སྡིག་གྲོགས་ནི་ཁྱོད་ལ་བར་ཆད་བྱེད་པའི་བདུད་དེ་དེ་ཡིས་འཛུམ་དཀར་དང་བརྩེ་དུང་། རྣམ་གཡེང་དང་བག་མེད་བཅས་སུ་ཁྲིད་དེ་ཁྱོད་རང་ཕམ་ཁ་དང་མ་རབས་ཀྱི་གཡང་དུ་འཕེན་ངེས་རེད། དེ་ནི་ཕྱི་ཚུལ་ནས་བལྟས་ན་རང་གི་མཛའ་གྲོགས་དང་འདྲ་མོད་དེ་སྡིག་གྲོགས་ཡིན་མིན་གྱི་ཚད་གཞི་ནི་ཁྱོད་རང་བག་མེད་ལ་ཁྲིད་མིན་གྱིས་འཇོག་སྟེ། ཁྱོད་ཀྱི་སློབ་སྦྱོང་དང་ཀུན་སྤྱོད། ཕུགས་བསམ་བཅས་ལ་བར་ཆད་གཏོང་ཞིང་བག་མེད་རྣམ་གཡེང་དུ་ཁྲིད་མཁན་ཞིག་ཡིན་ཚེ་ཁྱོད་ཀྱི་མཛའ་གྲོགས་སམ་ཡང་ན་གཉེན་ཉེ། དགེ་རྒན་བཅས་གང་འདྲ་ཞིག་ཡིན་རུང་ཁྱོད་དེ་དང་གྱེས་པར་གྱིས་ཤིག

༧

ཁྱོད་ལ་དཀའ་ངལ་མང་བོ་འབྱུང་སྲིད་དེ། དཀའ་ངལ་དེ་དག་གིས་ཁྱོད་ཀྱི་སྤོབས་པ་ལ་ཚོད་བགམ་བྱེད་ཀྱིན་ཡོད་ལ། ཁྱོད་ཀྱི་མི་ཚེ་ལའང་ཚོད་བགམ་བྱེད་ཀྱིན་ཡོད། གལ་ཏེ་ཁྱོད་ལ་ཞུམ་མེད་ཀྱི་སྤོབས་པ་ཞིག་ཡོད་ཚེ་འཇིག་རྟེན་འདིར་དཀའ་ངལ་ཟེར་བ་ཞིག་མེད་ལ། སྤོབས་པ་དང་བརྩོན་འགྲུས་ཡོད་ན་ཁྱོད་ཀྱིས་བསམ་དོན་ལ་མི་འགྲུབ་པ་གང་ཡང་མེད་དེ། གང་ལ་ལེ་ལོ་གཅིག་ཡོད་ན་དེ་ལ་འབྲས་བཟང་ཐམས་ཅད་མེད་པས་སོ།།

༨
བསམ་པ་ནི་ལ་ཁའི་དར་ལྕོག་ཅིག་དང་འདྲ་ལ་སྐད་ཅིག་མ་གཅིག་ལའང་སེམས་ལ་བཟང་ངན་སྣ་ཚོགས་ཤིག་འཆར་འོང་སྟེ་སྐད་ཅིག་མའི་འཆར་སྒོའི་རྗེས་སུ་འབྲངས་ན་ཁྱོད་ལ་བཟོད་དཀའ་བའི་སྡུག་བསྔལ་སྣ་ཚོགས་འབྱུང་ངེས་ལ་ཉི་ཚེ་བའི་བདེ་བ་མང་བོ་ཞིག་ཀྱང་ཐོབ་སྲིད། ཡིན་ན་ཡང་། ཁྱོད་ཀྱི་རིན་ཐང་ནི་དེ་དང་བསྟུན་ནས་འཛད་མེད་བཞིན་ཡོད་དེ། སེམས་པ་རྒྱ་ཡན་དུ་བཏང་བ་ལག་ཏུ་བསྟར་བ་ནི་མི་རང་དབང་ཅན་ཞིག་ཡིན་མོད། མི་ཁ་ཕྱོགས་ཅན་ཞིག་གཏན་ནས་མིན་ནོ།།

༩
ཡ་རབས་ཀྱི་སྤྱོད་པ་ནི་མི་བཟང་བོ་ཞིག་གི་ཚད་གཞི་སྟེ་ངག་གི་སྨྲ་བརྗོད་དང་ལུས་ཀྱི་ཉམས་འགྱུར། གྲོགས་ཀྱི་འགྲོགས་འདྲིས། སེམས་ཀྱི་འཁྱེར་སོ་བཅས་ཡོད་ཚད་འདུས་ཡོད། གལ་ཏེ་ཁྱོད་ཡ་རབས་ཀྱི་སྤྱོད་པ་ལྡན་ཚེ། ཁྱོད་ལ་ངོ་ཚ་དང་ཁྲེལ་གཞུང་ཡོད་ལ། གཞུང་རྒྱུད་དྲང་ཞིང་ངང་རྒྱུད་འཇམ་པས་སྐྱེས་བུ་དམ་པར་འགྱུར་ལ་དེ་ལས་ལྡོག་ཚེ་ཁྱོད་རང་མི་ཐ་ཤལ་ཞིག་ཏུ་གྱུར་བ་ཡིན་ནོ།།

༡༠
བྱ་བ་གང་ཞིག་སྒྲུབ་དུས་ཀྱང་བསམ་གཞིག་གཏོང་དགོས། བསམ་གཞིག་གཏོང་བ་ནི་བླང་དོར་གྱི་ཆེད་དུ་ཡིན། བླང་དོར་ཞེས་པ་ནི་མི་དགེ་བའི་ཕྱོགས་འདོར་བ་དང་དགེ་བའི་ཕྱོགས་བླང་བར་བྱ་བ་ལ་ཟེར་ཏེ་འདི་ལྟར་བླང་དོར་བྱས་ན་མ་འོངས་པར་ཁྱོད་ནི་མི་ཆེས་བཟང་བོ་ཞིག་དང་ཆེས་གྲུབ་འབྲས་ཅན་ཆེས་ཡོན་ཏན་ཞིག་འབྱུང་ངོ་།། དེས་ན། ཁྱོད་རང་མི་བཟང་བོ་ཞིག་བྱེད་དམ། ཐ་ཤལ་ཞིག་བྱེད། ཡང་ན་བཟང་ངན་ཅི་ཡང་མི་ཤེས་པའི་མི་བར་མ་ཞིག་བྱེད https://t.cn/R2Wx1wq