【On.cc】馬國明唐詩詠床戰激過頭　玩到撞爛床！

馬國明與唐詩詠在將軍澳電視城為劇集《隱形戰隊》拜神，期間監製文偉鴻爆馬國明、唐詩詠戲中床戲激烈得撞爛床，詩詠笑言：「一星期去做5日gym，體能提升咗，但係估唔到動作戲係喺床上發生。」被司儀追問到床戲可有提升？她尷尬笑說：「床戲睇升咗馬明少少。」
馬國明與唐詩詠受訪講到激烈床戲，他笑說：「好激，唔只拆床仲拆埋窗，不過都係搞笑床戲嚟嘅。」唐詩詠笑說：「連置景同事都叫我哋唔好咁大力得唔得，啲床戲真係好難拍，由門口去到廳又去返房，好大挑戰，又要唔好整爛嘢，又要好激情，好有戰略㗎，哈哈。」
馬國明稱已經多年沒拍動作戲，新劇體能付出很大，雖然戲中不用騷肌，但也有抽時間操練。唐詩詠則請了健身教練每日做Gym，更練出「老鼠仔」，她說：「因為上套《超能使者》自己都係捱住嚟拍，所以想體能、健康都好啲，依家慢慢感受到成果。」講到有指她因多套劇成了「倉底貨」，令曝光大減，令她心灰意冷有意離巢，她則說：「唔係，呢啲時間邊有人搵，不過，可以搵我啦 !」

激到撞爛床，玩啲咩先？

仲要拆埋窗！

唐詩詠否認心淡離巢。

馬國明新劇唔使晒肌！

#隱形戰隊##kennethma马国明[超话]##唐诗咏[超话]#

歌手#何雁詩#日前受訪宣傳新歌《基本戀愛套路》，自爆與丈夫#鄭俊弘#的新婚生活：「我哋嘅日常生活同MV有50%相似，我有時會用口氣叫醒佢，唔介意喺佢面前放屁，但佢嘅反應就冇MV咁Sweet，好似啲腳趾喺度撩嚟撩去、放屁，真實嘅佢會嫌煩囉！但我哋嘅日常生活好圓滿，佢義務幫手拍MV，我已經好感動！」她又重提入行時在後台的瘀事：「當年拍《巨聲》，我好心幫其他歌手攞外套，點知唔小心跌咗落舞台同評判台中間，嚇到成間廠啲人好緊張，我為免尷尬，好似體操選手咁跳番上嚟，被封為『一廠PK王』！」

近日盛傳有粉絲留下1億巨額遺產給藝人馬浚偉，但條件是要將這筆款項用於公益及文化事業上。傳聞愈炒愈熱，今日（15日）馬浚偉接受東網訪問，他甫聽到傳聞即連聲否認，更說：「冇件咁嘅事！有咩證據？我唔想呢啲傳聞扼殺我多年嘅努力。」之後他在社交網發文，更誤將傳聞中的1億寫成10億：「又有傳聞！仲要搞到我新聞界啲朋友！話有我的粉絲離世，留了10億畀我……唉！真係乜都有！」並加了個笑到流眼淚的Emoji，言語間帶點無奈。有網民留言問他是甚麼貨幣單位，他回應：「不是貨幣問題，問題是『斗零』都冇！」又有網民開玩笑，指留了10個老婆給他才對，他即笑問：「當我韋小寶？」

雖然馬浚偉否認以上傳聞，但無疑他近年拍了不少深度的電影及舞台劇，最近更成為本年度無綫藝員訓練班的校長，親自落場指導26位學員，當中不少學員都身懷絕技，跳舞、功夫樣樣皆能。他大讚學生乖巧又高班，視他們為弟妹，不時苦口婆心跟他們研究前途問題：「好多學生有家庭負擔，我叫佢哋唔好放棄學業，要考埋學位先，呢邊就兼職，如果公司唔准，我同公司講，佢哋好生性，好聽我話。」
他自言相當嚴格，上堂似足軍訓，只望學生能成為德藝雙馨的藝人。講到新動向，他透露其新開的藝術學校將擴充至內地及新加坡，而他任職創作總監的電台會全力推動殘奧，望增加大家關注度。拍劇方面，他說因拍劇時間太長難兼顧，如無意外，《宮心計2深宮計》或會是他最後的劇作。