意甲周日(22日)凌晨開鑼，上季冠軍國際米蘭雖然因為財困，導致換帥兼出售主力，但無損爭勝決心，主場以4比0大勝熱拿亞，兩位新兵迪斯高、查漢奴古同樣各入1球及各有1次助攻，表現神勇，國米球迷可以忘記離隊嘅盧卡古。

國際米蘭喺新帥施蒙尼恩沙基帶領之下，大踢進攻足球，開波6分鐘，查漢奴古開出角球，由中堅史堅尼亞頂入，佢成為國米近10年以來第1位取得球季首個入球嘅後衞。8分鐘後，國米兩位新兵合作，迪斯高傳畀查漢奴古勁射入網。

換邊之後，後備上陣嘅維達爾做主角，佢先係近門射成3比0，跟住再長傳畀迪斯高頂入，送夠4隻蛋畀熱拿亞。

國際米蘭同前主帥干地不歡而散，加上早前出售首席射手盧卡古及側擊王阿舒拉夫，當全世界以為球隊會走向衰落嘅時候，迪斯高、查漢奴古用行動證明，國米仍然係爭標熱門。#意甲#

近日任何媒體報道都看到泰國兵荒馬亂的場面， 似曾相識，對，正正就是去年香港嘅翻版，成日話香港點解變成這樣？如果坐在鏡頭前，大家問吓自己，如今，點解世界會變成這樣？？同樣好心痛，疫情未完，全世界大亂，就只因為讓了一個冇良心，霸道，霸權的人來當上總統，為咗自己嘅利益，不理任何國民死活，更用喪盡天良嘅手法去攪鄰國，只要不配合他便攪，比他優勢又攪……香港年輕人，泰國不是你們經常去嘅旅遊點嗎？唔好坐在鏡頭前看便算，行遠D看清楚，換位恩考，易地而處，畫面中有似曾相識的行為，曾是自己嗎？我們要居安思危，年青人要醒啦，問一問？？你們要一個怎樣嘅香港，我們的確是不折不扣的中國人。誰在背後煽動所有？？？？唔係仲未睇到嗎？？？

稱延任先「幫到手」 黃碧雲圖食「人血饅頭」

「鴿黨」（民主黨）立法會議員涂謹申日前同「抗爭派」立法會議員朱隊友（朱凱廸）搞咗一個記者會講 12人蛇事件兼想為自己加返分，但已成為「鴿黨」負資產嘅一嚿雲（黃碧雲）就偏偏出嚟「助攻」破壞成件事，佢質問：「朱議員如果撤退，就不能再用議員身份幫『手足』家屬。『民主派』議員若總辭，難道叫家屬去搵『保皇黨』議員？」。言論一出「抗爭派」當然繼續追住打，而前「香港大專學界國際事務代表團」成員邵嵐就鬧一嚿雲「無恥至極」，話當全世界都諗緊辦法幫12人蛇，「你黃碧雲喺度大大啖食人血饅頭、推銷你民主黨留守議會嘅主張。」

一嚿雲立刻知衰刪貼文兼道歉，稱「本人明白將兩件事扣連或混為一談並不恰當，可能會令被扣押港人及其家屬感到冒犯及不安。因此，本人決定收回有關言論，希望他們接受我至誠的道歉」。除此之外，仲搞到「鴿黨」都要出嚟向被扣押者及家屬認錯致歉，真係多得一嚿雲唔少。

#黃碧雲# #人血饅頭# #延任#