藝人#陳嘉寶#、#蔡思貝#、#陳瀅#、Cheronna、#賴慰玲#及#何雁詩#感情要好，12月25日趁聖誕節在社交網宣布組成閨蜜團「S(I)XTERS」，大玩食字以代表「Sisters」，力證姊妹情。陳嘉寶在社交網表示很開心認識到大家：「好多人話喺呢行識到真心朋友唔容易，就算識到，最難係維繫。感恩我哋其實分別都識咗好多年，依然都可以維繫到呢份感情。雖然天父爸爸造我哋真係好唔一樣，不論性格特質同人生經歷好唔同，但慶幸我哋依然可以一齊陪對方行過高山低谷……大家係好想大家好，好想一齊幸福，甚至乎完全唔理自己利益。」

王灏儿剧接剧　开心拍《痞子殿下》赚咗几段友谊

歌手JW（王灏儿）现身会展欣赏时装汇演，以Deep V加露腰白色裙现身，大骚减肥成果，受访时她兴奋指今次是自拍完古装剧《痞子殿下》后的首个公开活动，终于可以不用向剧组度期请假之下赚外快：“不停咁嚟都冇所谓㗎！《痞》都拍咗4个月，拍到最后真系有少少中暑嘅感觉，但系一个好开心嘅体验。”

她表示拍剧亦赚了几段友谊，除了同陈滢、周嘉洛及朱敏瀚熟落之外，还有张頴康、小宝等，问到有否关心张頴康太太麦雅致的爸爸突然离世一事？她说：“有，我哋一知道个心都好唔舒服，因为系件不幸同埋遗憾嘅事，有即刻Send Message慰问佢哋。”

JW透露月尾又会再投入剧组“怀抱”，参演由“声梦”学员主演的青春新剧《青春本我》，将会饰演训导主任，而角色会偏向辅导一面，不会太恶，对于再度同学员合作，她指好开心，同时因为今次是时装剧，可以扮靓靓不用着古装挨热。问到刚向男友交人，转头又要拍剧，男友可有诈型？她冧爆话不会：“我好享受拍剧嘅过程，而佢好支持我！有时佢知我拍完未食嘢，会煮嘢畀我食，非常支持我！”

婷婷B女生父好富貴　汪明荃：開心就就得啦

藝人汪明荃以Pink Lady閃燈造型錄影節目《娛樂大家》，對於契女謝婷婷最近突然宣布懷孕，早已得知消息的汪明荃表示自從較早前通電後，兩人已再沒有聯絡。對於有傳BB父親是其溫哥華的朋友，汪明荃說：「我唔清楚，佢冇講我就冇問。（有冇見過佢拍拖？）佢不嬲有，拍拖好正常，但冇見過佢男友。」她更反問記者有否其他消息，再指BB父親是有錢人，她說：「佢開心就得啦！錢唔係大問題，最緊要個人。（有冇向婷婷爸爸謝賢八卦吓？）冇，我邊有咁八卦，人哋仔女我點管到。（你依家升級咗，有個契孫喇！）係呀！我又升級咗喇！多謝婷婷。」