࿑ འགྲོགས་ཤིང་འདྲེས་པའི་མཐར་གཞན་ཡང་སུན་འདུག །རང་ཡང་སྐྱོ་འདུག །སྐད་ཆའི་ཉམས་འགྱུར་རེ་རེས་ཀྱང་སེམས་པ་བདེ་སྡུག་གི་གླང་པོ་སྐྱོ་བའི་ཀློང་དུ་ཚུད་པར་བྱེད་ལ། དགའ་སྐྱིད་དགུང་གི་སྤྲིན་པ་དང་མཉམ་དུ་སྤུར་བར་བྱེད་པས། གླང་པོས་ཁྲུས་བྱེད་པ་དང་འདྲ་བའི་འཁོར་བའི་གཞིས་ཀ་ཆུང་ཆུང་འདིའི་ནང་ན་དོན་དམ་པའི་རང་དང་མཉམ་འགྲོ་མཉམ་འདུག་བྱེད་ཅིང་སྐྱིད་སྡུག་གང་གི་སྐབས་སུ་འང་གྲོགས་ཀྱི་མཆོག །མི་བསླུ་བ། ཕར་ལ་སུན་སྣང་དང་སྐྱོ་ཉམས་བསྟན་ཡང་ཚུར་ལ་ཤེས་རབ་དང་བདེ་སྐྱིད་སྩོལ་བའི་སེམས་ཀྱི་ཁེན་ས་ཞིག་ཡོད་པ་ནི། གླེགས་བམ་འདི་ཉིད་ཡིན་འདུག །
༢༠༢༠/༩/༢༠ https://t.cn/EXOyRUv

࿑ རང་སྐྱོན་ཤེས་ན་སངས་རྒྱས་ཞེས་པ་བཞིན། མི་སོ་སོས་རང་སྐྱོན་ཤེས་རྒྱུ་གལ་ཆེན་ཡིན་ནའང་དེ་ལ་བཅོས་བསྒྱུར་གཏོང་མ་ནུས་ན་རང་སྐྱོན་ཤེས་པ་ཙམ་ལ་ངོ་མཚར་བ་ཅི་ཡང་མི་འདུག་སྙམ། https://t.cn/R2WxXFO

࿑ངག་འདར་ནས་སྐད་ཆ་བཤད་པ་དང་། །
ཞེ་ངུས་ནས་ལོ་ཟླ་བརླན་པ་སོགས། །
ལག་འཇུ་རེས་ལྷོད་རེས་བྱས་པ་དང་། །
ཚིག་རྩུབ་རེས་འཇམ་རེས་རོལ་བ་དག །
ཞལ་དྲོ་འཁྱག་འཚོ་བ་མྱངས་པ་ཀུན། །
ཚེ་ཐུང་ཐུང་གི་ཞིག་གི་དྲན་ཤིང་དང་། །
འདང་ཞེ་རྩིས་ཆེ་བའི་གཞི་མ་རེད། ། https://t.cn/R2WxDx2