#即時娛樂新聞# 【三點式上陣冇難度 43歲 @楊思琦szeki 弗爆拍廣告..】
01年港姐冠軍#楊思琦#，本來係#無綫#( @TVB官方微博 )力捧女星之一，演出機會不斷，可惜喺12年瞞住拍拖九年嘅李泳豪，與被稱為空心老倌嘅吳帥撻著兼未婚懷孕，其後誕下大女穎穎（#楊卓穎#），乖乖女形象瞬間破滅，14年離開無綫向外闖。喺19年楊思琦突然宣佈下嫁圈外人兼再度懷孕，不過老公身份一直都係一個謎，更被指係「虛擬老公」。多年來佢都咬實牙關，多角度搏命搵錢，努力撫養一對仔女，好似最近佢不惜以三點式上陣，為代言嘅美容公司拍廣告。

現年43歲嘅楊思琦天生童顏，身材仍然弗爆，真係一啲都睇唔出係兩孩之母。早前佢再為代言多年嘅美容公司拍廣告，狀態大勇嘅佢着上三套性感造型，自信十足咁擺出誘人甫士。之後，佢將相片上載到社交網站，並問網民最鍾意邊一款，唔少網民都紛紛留言大讚佢身材好好，例如「好完美的身材」、「Still fit and gorgeous」、「好靚啊喂～」、「怎樣看你都是這樣美」及「太好看了」等等。

(yahoo娛樂圈)

【雅虎关闭其在印度的新闻网站】据印度经济时报网站8月26日报道，由于印度对在线新闻的外国直接投资规定，雅虎新闻网站的关闭不会影响印度用户的雅虎账户、雅虎邮件和雅虎搜索体验。

鉴于雅虎有一个“新闻”部分，它受到了新的外国直接投资条例的影响，该条例限制了在“新闻和时事”领域在印度运营和发布数字内容的媒体公司的外国所有权。

“截至2021年8月26日，雅虎印度将不再发布内容。您的雅虎帐户、邮件和搜索体验将不会受到任何影响，并将照常运行。我们感谢您的支持和读者。”雅虎网站上的一则公告写道，“如果您是Yahoo Mail用户，此更改不会以任何方式影响您。这一发展不会影响我们的产品Yahoo Mail和Yahoo Search，我们将一如既往地为印度的用户提供服务，不会有任何变化。”

（编译：安妮）

#即時娛樂新聞# 【AH佛真．惜玩｜謝安琪上許廷鏗節目 網民質疑樣貌有變：好有衝動想『蚊』下佢下巴..】
#許廷鏗#（Alfred）首次為ViuTV綜藝節目《#AH佛真．惜玩#》擔任主持，佢就碌爆人情卡邀請#林二汶#、#林欣彤#、#陳健安#、#黃夏蕙#等多位圈中好友作嘉賓，為佢哋度身訂造旅程體驗生活；前晚（24日）播出一集，就請到#謝安琪#（Kay）擔任嘉賓，以「隨心隨性」的生活為題，二人一邊寫書法、學茶藝一邊互訴心聲。

久未喺綜藝節目露面嘅謝安琪就喺《AH佛真．惜玩》中表示同許廷鏗嘅關係有種聯繫，會互相喺對方失意時自動出現。謝安琪亦補充，過往有一段時間不斷向前衝，但原來衝得太趕，連畀自己喊嘅時間都冇，所以佢就選擇慢落嚟，重新搵返一啲自己樂在其中嘅事，隨心而行。不過部份網民就將焦點放喺謝安琪嘅樣貌上，仲留言：「一個整容整到好唔自然嘅人，講咩真心真念，係唔會有說服力。」

謝安琪當年以曲髮、濃眼妝，以及箍牙造型出道，力Sell實力派，仲推出歌曲《#姿色份子#》控訴現今社會審美標準；不過隨年資愈耐，謝安琪拆掉牙箍同埋妝容作出改變後，由內雙眼皮、矇豬眼變成深邃大眼，屢次傳出整容傳聞，涉及割雙眼皮、開眼頭、提升蘋果肌以及整瘦下巴等，不過謝安琪矢口否認，話係因為箍牙同埋化妝師嘅神乎其技而變靚。

而今次亦有大量網民喺ViuTV社交平台專頁留言直指謝安琪每次出現個樣都唔同，呢次個下巴仲怪怪地：「好有衝動想『蚊』下佢下巴，睇下會吾會甩出嚟」、「個下巴好似就嚟跌咁」、「謝安琪個樣好假尤其下巴，做咩整到咁」、「依家仲敢唔敢唱姿色份子？」等等。就謝安琪疑似整容事件，#張繼聰#早喺2017年忍唔住為老婆發聲，更加開埋名鬧該名「攻擊」謝安琪又肥又整容嘅網民，指：「香港有言論自由，不過就未必每位朋友都有尊重別人嘅修養」，仲話喺佢心目中太太謝安琪好靚；唔知呢次張繼聰見到老婆又再面對咁多抨擊，又會唔會挺身而出？

(yahoo娛樂圈)