࿑ ངས་དང་ཐོག་གངས་སྨྱོན་ལགས་ཁོའི་བརྩམས་ཆོས<<དྲེད་ལུང་།>>བརྒྱུད་དེ་ངོ་ཤེས་པ་ཡིན། ད་ལྟ་འཛིན་གྲྭ་གཅིག་ནས་ཆ་ཡོད་ནས་རྒྱུས་ཡོད་དུ་གྱུར་བའི་གྲོགས་ཤིག་ཡིན། དེ་རིང་ཁོས་ང་ལ་བསྩལ་བའི་དཔེ་ཆ་འདི་སྐྱེས་ཀུན་ཀྱི་ནང་ནས་ཀྱང་མཆོག་ཏུ་བཟུང་ཡོད། ཐུགས་རྗེ་ཆེ། [玫瑰][啤酒] https://t.cn/8FLrCar

࿑ ནང་སེམས་ཀྱི་ཞེ་སྡང་ཞི་བའི་ཉིན་ཞག་འདི་དག་བརྩེ་དུང་ཞིག་གི་ཚད་དུ་བཞག་སྟེ། ངས་ཁྱོད་ལ་རྩ་བ་ནས་སྤྲད་ཐབས་བྲལ་ཨང་། ནང་སེམས་ཀྱི་རི་དྭགས་ལགས། https://t.cn/ELTfket

࿑ ལོ་ངོ༣༠༠ སྔོན་གྱི་མ་འོངས་ལུང་བསྟན།

རྩོམ་པ་པོ། ཀཿཐོག་རིག་འཛིན་ཆེན་མོ།

འདི་ནས་སུམ་བརྒྱ་འདས་པའི་མཚམས།།
ལྕགས་ཀྱི་བྱ་ཁྱུང་མཁའ་ལ་ལྡིང་།།
མེ་ལོང་ནང་ནས་འཛམ་གླིང་མཐོང་།།
ཤིང་སྒམ་ནང་ནས་གཏམ་འཆར་སྨྲ།།
ར་ལྷམ་གྱོན་པས་ས་སྟེང་གང་།།
མི་ལུས་སྤྲེལ་གདོང་ཀུན་དུ་རྒྱུ།།
ལག་པའི་ནང་ནས་མེ་ཆེན་འབར།།
ཁ་སྣ་གཉིས་ནས་དུ་བ་འཐུལ།།
རྐང་པའི་འོག་ནས་འཁོར་ལོ་རྒྱུགས།།
ལག་ལ་རྩིས་ཀྱི་ཤོག་ཁྲ་ཉལ།།
བུ་ཡིས་མ་ཡང་ཆུང་མར་བྱེད།།
རྒྱབ་ལ་རེ་བའི་ཐུལ་བ་གྱོན།།
ཕར་ཆེར་གཅེར་བུར་རྒྱུགས་པར་བྱེད།།
ཟས་རིགས་མི་འདྲ་སྣ་ཚོགས་ཟ།།
སྐད་རིགས་མི་གཅིག་སྣ་ཚོགས་བཤད།།
ཁང་བརྩེགས་རྩེ་མོ་དགུང་ལ་མཉམ།།
ཕྱུགས་ཟོག་ཨ་བྲའི་རིལ་མ་འདྲ།།
བསྟན་པ་བྱིས་པའི་རྩེད་མོ་འདྲ།།
མི་ནག་སྐྱེ་བོས་བཙུན་ཆས་བྱེད།།
སྔགས་པའི་མགོ་ལ་རལ་བ་མེད།།
བཙུན་པའི་འོག་ལ་སྡོམ་པ་མེད།།
བུད་མེད་ལུས་ལ་ཁྱེའུ་མེད།།
ལྷ་ཁང་ནང་དུ་དགེ་སྦྱོང་མེད།།
བདག་གིས་འཁྲུལ་སྣང་མ་ཡིན་ན།།
སྒྱུ་མ་མཁན་གྱིས་སྤྲུལ་པ་བཞིན།།
གླིང་འདིའི་འཕོར་འགྱུར་བཤད་ཐབས་དཀའ།།