• འབྲོག་ཕྲུག • ང་དེང་མ་འབྲོག་ཕྲུག་ཡིན་དུས

首页发布

• འབྲོག་ཕྲུག •

ང་དེང་མ་འབྲོག་ཕྲུག་ཡིན་དུས་སུ།།
ངས་ཕ་མ་ངལ་བ་མ་ཤེས་ཟིག།
དུས་དེང་སང་ཕྱིར་འདང་རྒྱབ་པ་ན།།
དྲིན་ཕ་མའི་སེམས་པ་སེམས་ཀྱིས་ཚོར།།

དུས་དོ་ནུབ་ཟླ་འོད་གསལ་རེ་གསལ།།
དྲིན་ཕ་མ་སེམས་ཀྱིས་དྲན་སེ་དྲན།།
བུ་སྒེའུ་ཁུང་འགྲམ་ནས་ཟླ་བར་ལྟས།།
ལྟས་ལྟས་པས་བྱིས་དུས་ཡང་ཡང་དྲན།།
___________________༢༠༢༡_༧_༢༢

འཛམ་གླིང་གི་ཕྱུག་བདག་དང་པོ་བར་སྣང་ལ་སྤྲོ་འཁྱམ་དུ་ཕྱིན་འདུག

——ཨ་ནུ་ཐང་བསོད་ནམས། ༢༡ ༧ ༢༠༢༡

འཛམ་གླིང་གི་ཕྱུག་བདག་དང་པོ་རྗབ་བྷི་བྷེལ་བཟོ་བར་སྣང་ཁམས་སུ་ཁོའི་སྤུན་མཆེད་དང་གྲོགས་པོ་གཉིས་མཉམ་དུ་འཕུར་འདུག་ལ། འཕུར་དགོས་དོན་ནི་མ་འོངས་བར་འཛམ་གླིང་གི་མི་རྣམས་བར་སྣང་དུ་སྤྲོ་འཁྱམ་དུ་ཁྲིད་རྒྱུའི་ཆེད་དུ་ལས་གཞིའི་འགོ་བཙུགས་པ་རེད། འདི་ནི་བར་སྣང་ཙམ་འགྲོ་རྒྱུ་མིན་པ་མ་འོངས་བར་ཟླ་བའི་སྟེང་དུ་ཡང་སྤྲོ་འཁྱམ་དུ་ཁྲིད་རྒྱུའི་དམིགས་ཡུལ་བཟུང་ཡོད། ལས་དོན་དེ་ལེགས་འགྲུབ་བྱུང་བ་ཡིན་ན། ཁོས་སྣང་དུ་མི་རྣམས་སྤྲོ་འཁྱམ་དུ་ཁྲིད་ཐེངས་གཅིག་གིས་ཨ་སྒོར་ས་ཡ་དུ་མ་བཟོ་ཐུབ་ངེས་རེད། ཨེ་ལོན་མཱ་སི་ཁི་ཡིས་མི་རྣམས Mars སྟེང་དུ་ཁྲིད་རྒྱུ་བྱེད་ཀྱི་ཡོད་ལ། དབྱིན་ཇིའི་ཐེར་འབུམ་བདག་པོ་རིས་ཆའ་སྒྲི་ཡིས་ཀྱང་མི་རྣམས་བར་སྣང་དུ་ཁྲིད་རྒྱུའི་ལས་གཞི་བརྩམ་གྱི་འདུག ཐེར་འབུམ་བདག་པོ་འདི་ཚོས་གསར་བཏོད་དང་གཉིས་ཕན་གྱི་བར་དུ་སྒོར་མོ་བཟོ་བྱེད་དུ་མི་བྱེད་རྒྱུ་ཞིག་མི་འདུག ཡིན་ཡང་། བར་སྣང་དུ་ཕྱིན་ནས་ཕྱིར་འཇིག་རྟེན་དུ་སླེབས་རྗེས་སུ་མི་ནག་གི་ཞེན་ཁོག་གང་མཚམས་ཡོད་མཁན་ཞིག་ལ་ཨ་སྒོར་ས་ཡ ༡༠༠ སྤྲད་འདུག སྤྲད་དགོས་དོན་ནི་ཁོ་ནི་མཐུན་སྒྲིལ་ལ་ཤུགས་གནོན་རྒྱག་མཁན་གྱི་མི་ཡག་པོ་ཞིག་ཡིན་པས་ཡིན་ཚུལ་བརྗོད་འདུག དེར་བརྟེན། མི་མང་པོས་དེ་ནི་བྷེལ་གཟོ་ལ་གཡོན་ཕྱོགས་ཀྱི་བསམ་བློ་ཡོད་པ་མང་དྲགས་པས་རེད་ཟེར་གྱི་འདུག་ཀྱང་། དོན་དངོས་དེ་ནི་མི་ནག་ཚོ་དང་། མི་རིགས་གཞན་དགའ་བྱེེད་ལ་དམིགས་པའི་ལས་འགུལ་ཞིག་ཡིན་པ་གསལ་བོ་རེད། རྒྱུ་མཚན་ནི། ཁོའི་ཨ་མ་ཟོན་གྱི་ཁེ་གཉེར་ཁང་གིས་འཛམ་གླིང་གི་ནང་དུ་ཚོང་བྱེད་ཀྱི་ཡོད་པས་དེ་ལ་བར་ཆད་མི་ཡོང་རྒྱུའི་ཆེད་ཀྱི་དྲིལ་བསྒྲགས་ཤིག་ཡིན་པ་གསལ་བོ་རེད།

སྤང་མེ་ཏོག་ཡག་རུང་མི་རྟག་པ།།
སང་ནངས་མོ་སྟོན་ཁའི་བ་མོས་འཁྱེར།།

འབུ་སྦྲང་མའི་རྩེད་འཇོ་མི་རྟག་པ།།
སྟོན་འགོ་མ་སླེབས་ན་གཤོག་རྩལ་རྫོགས།།

འབྲུ་སྙེ་མ་ལྡེམ་རུང་མི་རྟག་མ།།
སྟོན་བུ་ཡུག་འཚུབ་ན་སྡུད་རན་ཡིན།།

ཚེ་མི་རྟག་ལྷ་ཆོས་ཨེ་དྲན་གི།
ལུས་མི་རྟག་སྒྱུ་མ་ཨེ་མཐོང་གི།

༢༠༢༡/༧/༢༢