ཚེ་སྨོན་གླིང་དགོན་པ།

དགོན་པ་འདི་ནི་ར་མོ་ཆེ་གཙུག་ལག་ཁང་གི་ནུབ་ངོས་སུ་ཆགས་ཡོད་པ་དང་། བཞི་སྡེ་གྲྭ་ཚང་གི་འདབས་འབྲེལ་ཡིན། ཚེ་སྨོན་གླིང་ཟེར་བའི་མིང་དེ་ནི་དགོན་པ་འདི་བཏབ་རྗེས་མན་ཆིང་གོང་མ་ཏཱ་ཀོང་གིས་བཏགས་པ་ཞིག་ཡིན། དགོན་པ་འདི་ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་ཀྱིས་བོད་ས་གནས་ཀྱི་སྲིད་སྐྱོང་གནང་ནས་ལོ་ངོ་དྲུག་སོང་བའི་རབ་བྱུང་བཅུ་གསུམ་པའི་ཤིང་བྱ(༡༨༢༥)ལོར་ཐོག་མར་བཏབ་ཅིང། སེ་ར་སྨད་གྲྭ་ཚང་གི་ཁོངས་གཏོགས་ཡིན། དགོན་པ་འདིའི་ཆགས་དབྱིབས་ནི་བྱང་ནས་ལྷོར་གཏད་ཡོད་ཅིང་། འཛུགས་སྐྲུན་གྱི་རྒྱ་ཁྱོན་ནི་སྤྱི་ཁྲེ་གྲུ་བཞི་མ(༦༢༤༠)ཙམ་ཡོད་ལ་ཤར་ནུབ་ལྷོ་གསུམ་གྱི་ཕྱོགས་རྣམས་ཤག་སྐོར་དང་། བྱང་ངོས་ཐོག་བརྩེགས་བཞི་ཡོད་པའི་གཙུག་ལག་ཁང་ཤར་ནུབ་གཉིས་ཡོད། ཤག་སྐོར་གྱི་ཕྱོགས་གསུམ་ནི་ཐོག་སོ་གཉིས་ལྡན་ཡིན། གྲྭ་ཤག་དང། དེའི་ཕྱིར་བར་ཁྱམས་སྟེང་ཤོད་གཉིས་ཡོད། གཙུག་ལག་ཁང་ལྟེ་བའི་འཛུགས་སྐྲུན་ཐད་ཤར་ནུབ་གཉིས་སུ་བཅད་ནས་ཡོད་པ་དེ་ལ་བལྟས་ན་དུས་སྐབས་སྔ་རྗེས་གཉིས་སུ་རིམ་བཞིན་འཛུགས་སྐྲུན་བྱས་པ་ཞིག་ཡིན་པ་གསལ་པོ་མཐོང་ཐུབ། ཤར་ངོས་ཀྱི་གཙུག་ལག་ཁང་དེའི་འཛུགས་སྐྲུན་དང་། བཟོ་བཀོད་ལ་བལྟས་ན་དགོན་པ་འདི་ཐོག་མ་བཏབ་པའི་སྐབས་ཀྱི་བཟོ་དབྱིབས་ཡིན་པ་དང་། ནུབ་ངོས་ཀྱི་གཙུག་ལག་ཁང་སྟེང་ཤོད་བཟོ་བཀོད་ཤར་ངོས་ལས་ལེགས་པ་ཡོད་པས་རྗེས་སུ་རྒྱ་བསྐྱེད་བྱས་པ་ཞིག་ཡིན་པ་མཐོང་ཐུབ། ཤར་ངོས་ཀྱི་གཙུག་ལག་ཁང་ལ་ཕོ་བྲང་དཀར་པོ་དང་། ནུབ་ངོས་ཀྱི་གཙུག་ལག་ཁང་ལ་ཕོ་བྲང་དམར་པོ་ཟེར། ཤར་ངོས་ཀྱི་ཕོ་བྲང་དང་གཙུག་ལག་ཁང་གི་རྒྱ་ཁྱོན་ལ་སྤྱི་ཁྲེ་གྲུ་བཞི་མ༨༠༠༠ཡོད་པ་དེའི་ནང་སྦུག་ཐག་རིང་ཚད་སྤྱི་ཁྲེ༡༣.༤ལོན་པའི་འདུ་ཁང་ཡིན་ཅིང་། དེའི་ཞེང་ཚད་ལ་སྤྱི་ཁྲེ༡༠༠དང་ཀ་བ་ཉི་ཤུ། གསེང་གཡབ་མཐོངས་སྐོར་ལ་རིང་ཚད་སྤྱི་ཁྲེ༦.༦དང་ཞེང་ཚད་ལ་སྤྱི་ཁྲེ༤ལོན་པའི་རབ་གསལ་མཐོ་པོ་ཡོད། འདུ་ཁང་གི་མདུན་དུ་སྦུག་ཐག་སྤྱི་ཁྲེ༣.༤ལོན་པའི་སྒོ་འཕྱོར་ཡོད་པ་དང་། དེའི་གཡས་གཡོན་གཉིས་སུ་རུང་ཁང་དང་། མཛོད་ཁང་ཡོད་ཅིང་། དེ་ཚོའི་བཟོ་སྐྲུན་གྱི་སྤུས་ཚད་ཞན་ཙམ་ཡོད། འདུ་ཁང་གི་སྦུག་ངོས་ནི་མཆོད་ཁང་ཡིན་ཅིང་། དེའི་ནང་འཇིམ་བཟོའི་ཡི་དམ་ཆོས་སྲུང་གི་སྐུ་འདྲ་ཁ་ཤས་དང་། ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་ཀྱི་དངུལ་གདུང་དང་སྐུ་ཕྲེང་གསུམ་པ་བསྟན་པའི་རྒྱལ་མཚན་གྱི་དངུལ་གདུང་གཉིས་ཀྱི་མཐོ་ཚད་ལ་ཐོག་སོ་གཅིག་ལོངས་པ་ཡོད། བར་ཐོག་གི་བྱང་ངོས་མགོན་ཁང་ནང་འཇིམ་བཟོས་རྟ་མགྲིན་དང་། གཞན་ཡང་དགེ་ལུགས་ཆོས་སྐྱོང་སྲུང་མ་ཁག་དྲུག་གི་སྐུ་བརྙན། བརྩིགས་ལྡེབས་སུ་རས་བྲིས་དང་ཚེམ་གྲུབ་མའི་ཐང་ཀ་སྣ་ཚོགས་སུམ་ཅུ་ལྷག་ཙམ་ཡོད། སྟེང་ཐོག་ཐོག་སོ་གཉིས་པ་དཔེ་མཛོད་ཁང་ནང་བཀའ་འགྱུར་དང་། བསྟན་འགྱུར། གསུང་འབུམ། ལོ་རྒྱུས། རིག་གནས་ལ་སོགས་པའི་དཔེ་ཆ་བྲིས་མ་དང་། དཔར་མ་ཁྱོན་བསྡོམས་པོད་ཁྲི་གཉིས་ལྷག་ཙམ་ཡོད། (དཔེ་མཛོད་ཁང་འདིའི་ནང་གི་དཔེ་ཆ་གལ་ཆེ་བ་ཁག་གཅིག་པོ་ཏ་ལ་དང་ཞོལ་དཔེ་མཛོད་ཁང་དུ་དབོར་ཟིན)རྩེ་ཐོག་ཐོག་སོ་བཞི་པའི་དཀྱིལ་ནི་ཚོམས་ཆེན་དང་། དེའི་གཡས་གཡོན་གཉིས་སུ་གཟིམ་ཆུང་ཤར་ནུབ་གཉིས། དཔེ་གཟིགས་ཁང་། ཉི་འོད། བར་ཁྱམས་བཅས་ཡིན། ནུབ་ངོས་ཀྱི་གཙུག་ལག་ཁང་དང་། ཕོ་བྲང་དམར་པོ་ནི་ཤར་ངོས་ཀྱི་ཕོ་བྲང་ལས་སྤུས་ཚད་ལེགས་ཤིང་། བཀོད་པ་ཐོན་པོ་ཡོད་པ་དེར་བལྟས་ན་ཤར་ངོས་གཙུག་ལག་ཁང་རྙིང་པ་ལས་ལོ་བཅུ་ཕྲག་ཁ་ཤས་ཀྱི་ཕྱི་བ་ཡོད། དེའི་ཁྱད་ཆོས་ནི་ཀ་གདུང་སོགས་ལ་བརྐོས་དཀྲོལ་གྱི་རྒྱན་རིས་མང་ལ་ཞིབ་ཚགས་ཆེ་བ། བརྩིག་ལྡེབས་ཚང་མ་ལྡེབས་བྲིས་ཡོད་པ། ཚོས་མདོག་རྣམས་ལ་རི་མོ་ཧ་ཅང་ཕྲ་ཞིབ་ཡིན་པ་བཅས་རེད། https://t.cn/A6twxCh4

༸ཡབ་རྗེ་བླ་མ་ཙོང་ཁ་པ་ཆེན་པོའི་ཞལ་ནས། མ་འོངས་པའི་དུས་ཀྱི་སློབ་མ་ང་དང་མ་འཕྲད་སྙམ་དུ་ཡིད་གདུང་བ་རྣམས་ཀྱིས། ངས་བརྩམས་པའི་མདོ་སྔགས་ཀྱི་ལམ་རིམ་གཉིས་ལ་ལྟོས་ཤིག་དང་། ང་ཕྲད་པ་དང་ཁྱད་པར་མེད། ཆོས་ཕུང་བརྒྱད་ཁྲི་བཞི་སྟོང་གི་བཅུད་བསྡུས་ཏེ་གཅིག་ཏུ་དྲིལ་ནས་བཤད་པ་ཡིན། ང་དང་ཕྲད་ཀྱང་དེ་ལས་ལྷག་པ་བཤད་རྒྱུ་མི་འོང་། ཞེས་ཐུགས་བརྩེ་བ་ཆེན་པོས་བཀའ་བསྩལ། 
至尊宗喀巴大师说： 与我未曾谋面的弟子，不用伤心，不用遗憾。看我所著的两部道次第论，与我见面无二。 因为一万四干法义皆汇集其中，即使亲贝我面也不能越此论。

གལ་དེ་ཁྱོད་འཕུར་མ་ཐུབ་ན་རྒྱུགས།

རྒྱུགས་མ་ཐུབ་ན་ལངས་ནས་སོང་།

ལངས་ནས་ཀྱང་འགྲོ་མ་ཐུབ་ན་གོག་ནས་སོང་། གང་ལྟར་ཁྱོད་ཀྱིས་བྱ་བ་ཅི་ཞིག་སྒྲུབ་ཀྱང་སྔར་བཞིན་མདུན་དུ་བསྐྱོད་དགོས།
如果您不能飞您就跑，
如果您不能跑您就走，
如果不能走您就爬，
无论您做什么，
您都必须继续前进。