གཉེན་མཛའ་བཤེས་མང་ཡང་ཟ་གྲོགས་ཡིན། གུང་ཐང་བསྟན་པའི་སྒྲོན་མེ།

༄༅།།དུས་གསུམ་གྱི་རྒྱལ་བ་ཀུན་ལས་ཀྱང་།།དྲིན་འཁོར་མཐའ་མེད་པའི་ཐུགས་རྗེ་ཅན།།ཐ་མལ་གྱི་ཚུལ་འཛིན་དང་པོའི་མགོན།།ཕ་བླ་མ་སྙིང་གི་ཟེའུ་འབྲུར་བཞུགས།།གནས་འཁོར་བར་འཁྱམས་པའི་ཐོག་མ་མེད།།སྒོས་ངན་སོང་གསུམ་གྱི་བཙོན་དོང་དུ།།བཟོད་མེད་ཀྱི་སྡུག་བསྔལ་མྱོང་མྱོང་ནས།།དུས་ད་ལན་དལ་བའི་རྟེན་ཅིག་རྙེད།།ཚེ་མི་རྟག་གཉིད་ཀྱི་ཐུན་ཆུང་ལ།།དོན་མེད་ཀྱི་དགའ་སྡུག་རྨི་ལམ་འཁྲུག།གློ་བུར་དུ་སད་དུས་ངན་སོང་གི།ཚེར་དོང་དེར་ཡོད་ན་ཅི་རང་བྱེད།།དུས་ད་ལྟ་རང་དབང་རང་ལ་ཡོད།།མགོན་སྐྱབས་དང་དཔུང་གཉེན་བཙལ་ན་ལེགས།།འཇིགས་ཡེར་རེ་གཤིན་རྗེས་ཁྲིད་པའི་ཚེ།།སྐྱབས་མེད་ཀྱི་སྡུག་སྨྲས་སུ་ལ་འདོན།།དྲོ་འཇམ་གྱི་གོས་དར་འཛོམ་ན་ཡང།།དེ་ཡུན་རིང་གྱོན་གྱི་རང་དབང་མེད།།རབ་འབར་གྱི་ལྕགས་སྲེག་ལེབ་མོ་དེ།།གྱོན་མ་དགོས་ཙམ་ཞིག་མཛད་ན་ལེགས།།ཟས་ཞིམ་མངར་འཛོམ་པའི་དཀོར་ནག་ལ།།འཛེམ་མེད་དུ་སྤྱོད་པའི་དྲེད་པོ་ཁྱོད།།ལོ་བྱེ་བ་འབུམ་ཕྲག་སྟོང་གི་བར།།ཟངས་ཞུན་གྱི་ཁུ་བ་འཐུང་ནུས་སམ།།གཉེན་མཛའ་བཤེས་མང་ཡང་ཟ་གྲོགས་ཡིན།།ལམ་རྒྱུས་མེད་ཀྱི་འཕྲང་དུ་གཅིག་པུར་འགྲོ།། ལས་བསགས་པའི་རྣམ་སྨིན་རང་གིས་མྱོང་།།འདི་སོམས་ལ་མཐུན་འཇུག་གཡེང་བ་སྤོངས།།ཕྱོགས་ཐག་རིང་མགྲོན་པོའི་ལམ་ཞག་འདྲ།།འདི་སྣང་ཀུན་དོན་མེད་བསླུ་བྲིད་ཡིན།།ཚེ་ཕྱི་མར་ཕན་པ་གཞན་མེད་པས།།རང་ནུས་པ་གང་ཡོད་དགེ་ལ་སྦྱོར།།ཆོས་ཟབ་མོར་གྲགས་པ་མང་ན་ཡང་།།དམ་ཚིག་དང་སྡོམ་པ་བསྲུང་བ་འདི།།དུས་གསུམ་གྱི་རྒྱལ་བ་དགྱེས་བྱེད་དང་།།གཏན་འདུན་གྱི་སྒྲུབ་པའི་ཡང་རྩེ་ཡིན།།བསྟེན་ན་ནི་དགེ་བའི་བཤེས་གཉེན་བསྟེན།།བསམ་ན་ནི་དཀར་ནག་ལས་འབྲས་སོམས།།བྱེད་ན་ནི་དམ་པའི་ལྷ་ཆོས་ཀྱིས།།དུས་ནམ་ཡང་བསླུ་བ་མེད་དོ་ཀྱེ།།ཆོས་ཟབ་མོ་གླུ་རུ་བླངས་པ་ཡི།།གཏམ་ཚིག་གསུམ་སྨྲས་པའི་དགེ་བ་འདིས།།བློ་དམ་པའི་ཆོས་ལ་ཕྱོགས་པ་ཡི།།ལམ་གེགས་མེད་བགྲོད་པ་མཐར་ཕྱིན་ཤོག།
ཅེས་པ་འདི་ནི་དགེ་སྦྱོར་ལ་བརྩོན་པ་འཇིགས་མེད་མཁས་མཆོག་གིས་བསྐུལ་ངོར་༧བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། https://t.cn/RpZP4i4

གཉེན་མཛའ་བཤེས་མང་ཡང་ཟ་གྲོགས་ཡིན། གུང་ཐང་བསྟན་པའི་སྒྲོན་མེ།

༄༅།།དུས་གསུམ་གྱི་རྒྱལ་བ་ཀུན་ལས་ཀྱང་།།དྲིན་འཁོར་མཐའ་མེད་པའི་ཐུགས་རྗེ་ཅན།།ཐ་མལ་གྱི་ཚུལ་འཛིན་དང་པོའི་མགོན།།ཕ་བླ་མ་སྙིང་གི་ཟེའུ་འབྲུར་བཞུགས།།གནས་འཁོར་བར་འཁྱམས་པའི་ཐོག་མ་མེད།།སྒོས་ངན་སོང་གསུམ་གྱི་བཙོན་དོང་དུ།།བཟོད་མེད་ཀྱི་སྡུག་བསྔལ་མྱོང་མྱོང་ནས།།དུས་ད་ལན་དལ་བའི་རྟེན་ཅིག་རྙེད།།ཚེ་མི་རྟག་གཉིད་ཀྱི་ཐུན་ཆུང་ལ།།དོན་མེད་ཀྱི་དགའ་སྡུག་རྨི་ལམ་འཁྲུག།གློ་བུར་དུ་སད་དུས་ངན་སོང་གི།ཚེར་དོང་དེར་ཡོད་ན་ཅི་རང་བྱེད།།དུས་ད་ལྟ་རང་དབང་རང་ལ་ཡོད།།མགོན་སྐྱབས་དང་དཔུང་གཉེན་བཙལ་ན་ལེགས།།འཇིགས་ཡེར་རེ་གཤིན་རྗེས་ཁྲིད་པའི་ཚེ།།སྐྱབས་མེད་ཀྱི་སྡུག་སྨྲས་སུ་ལ་འདོན།།དྲོ་འཇམ་གྱི་གོས་དར་འཛོམ་ན་ཡང།།དེ་ཡུན་རིང་གྱོན་གྱི་རང་དབང་མེད།།རབ་འབར་གྱི་ལྕགས་སྲེག་ལེབ་མོ་དེ།།གྱོན་མ་དགོས་ཙམ་ཞིག་མཛད་ན་ལེགས།།ཟས་ཞིམ་མངར་འཛོམ་པའི་དཀོར་ནག་ལ།།འཛེམ་མེད་དུ་སྤྱོད་པའི་དྲེད་པོ་ཁྱོད།།ལོ་བྱེ་བ་འབུམ་ཕྲག་སྟོང་གི་བར།།ཟངས་ཞུན་གྱི་ཁུ་བ་འཐུང་ནུས་སམ།།གཉེན་མཛའ་བཤེས་མང་ཡང་ཟ་གྲོགས་ཡིན།།ལམ་རྒྱུས་མེད་ཀྱི་འཕྲང་དུ་གཅིག་པུར་འགྲོ།། ལས་བསགས་པའི་རྣམ་སྨིན་རང་གིས་མྱོང་།།འདི་སོམས་ལ་མཐུན་འཇུག་གཡེང་བ་སྤོངས།།ཕྱོགས་ཐག་རིང་མགྲོན་པོའི་ལམ་ཞག་འདྲ།།འདི་སྣང་ཀུན་དོན་མེད་བསླུ་བྲིད་ཡིན།།ཚེ་ཕྱི་མར་ཕན་པ་གཞན་མེད་པས།།རང་ནུས་པ་གང་ཡོད་དགེ་ལ་སྦྱོར།།ཆོས་ཟབ་མོར་གྲགས་པ་མང་ན་ཡང་།།དམ་ཚིག་དང་སྡོམ་པ་བསྲུང་བ་འདི།།དུས་གསུམ་གྱི་རྒྱལ་བ་དགྱེས་བྱེད་དང་།།གཏན་འདུན་གྱི་སྒྲུབ་པའི་ཡང་རྩེ་ཡིན།།བསྟེན་ན་ནི་དགེ་བའི་བཤེས་གཉེན་བསྟེན།།བསམ་ན་ནི་དཀར་ནག་ལས་འབྲས་སོམས།།བྱེད་ན་ནི་དམ་པའི་ལྷ་ཆོས་ཀྱིས།།དུས་ནམ་ཡང་བསླུ་བ་མེད་དོ་ཀྱེ།།ཆོས་ཟབ་མོ་གླུ་རུ་བླངས་པ་ཡི།།གཏམ་ཚིག་གསུམ་སྨྲས་པའི་དགེ་བ་འདིས།།བློ་དམ་པའི་ཆོས་ལ་ཕྱོགས་པ་ཡི།།ལམ་གེགས་མེད་བགྲོད་པ་མཐར་ཕྱིན་ཤོག།
ཅེས་པ་འདི་ནི་དགེ་སྦྱོར་ལ་བརྩོན་པ་འཇིགས་མེད་མཁས་མཆོག་གིས་བསྐུལ་ངོར་༧བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།།

༄༅།།ལྕགས་གླང་ལོའི་གནམ་ལོ་གསར་ཚེས་དང་དཔྱིད་གསར་ལ་བཀྲ་ཤིས་རྟེན་འབྲེལ་ཞུ།
慈悲的心念是福德的大海、包容的心量是智慧的源泉、感恩的情怀是和谐的甘露、欢乐的微笑是幸福的阳光、祝你全家新年快乐，六时吉祥、扎西德勒！[合十][合十][合十]