#沈卓盈#、#倪晨曦#和#邝芷凡# 为香港开电视全新节目《#五星级丝打#》担任主持，今日在将军澳举行记者会，她们为节目走匀港九、新界热门打卡餐厅和潮流蒲点，沉卓盈说：「日前揸车入大棠拍摄，好大压力，因为女神倪晨曦坐在我身旁，又有crew沿途拍摄，紧张过当年考车牌。」倪晨曦庆幸不是由她驾驶，因为她是新牌仔，又没在港驾驶经验，对香港路面情况完全不熟识，说：「要我揸车，我会喊。」
问下月结婚的倪晨曦，拍摄时吃多了有否增磅？她指自己一向有运动，所以食极都不会肥。虽然快将结婚，但她心情未紧张：「距离婚期仍有一段时间，现在心情好放鬆，很享受工作。」她有向人妻沈卓盈取经，沈卓盈告诫对方当日一定要吃饱一点。
——转自(明报)
https://t.cn/Aisubfzn

#陳瀅#、#滕麗名#（阿滕）及#黃智賢#（Ben）等4月10日午到葵芳出席無綫新劇《#廉政行動2019#》宣傳活動。飾演廉署調查員的陳瀅繼落海戲後，再有飆車演出。談到緋聞男友#陳家樂#曾讚她「揸車辣」，她說：「我揸車一定好過佢，16歲開始o架喎！同我比，佢只係新牌仔，尤其佢泊車好唔掂，我試過話幫佢泊。（佢話開工以為揸車戲由佢操刀。）梗係唔得，因為睇位要好準，唔係又NG。」她又自爆揸車曾被「屈錢」：「有個人自己跑出嚟，話我撞到佢，好彩我有車Cam，呢個係好偉大嘅發明。」Ben於劇內與阿滕一展舞技，他笑指自己是「冇王」：「乜都冇吖嘛！不過由《#名門望族#》跳到《#福爾摩師奶#》，總有幾隻華爾茲舞步傍身嘅。」阿滕笑說：「我一定最叻無敵十字步。」至於首集要到漁市場拍追逐戲，Ben笑說：「我自己論論盡盡撞到個頭，真係鴻運當頭！」阿滕則說：「嗰日係黑雨過後，嗰度又路面濕滑，我都唔小心跣腳，結果拉傷咗大腿內側，位置相當尷尬。」

曾與#余文樂#傳緋聞的#朱韻韻#擁有高挑身材，16歲入行做模特兒，原來也是辣妹一名，鍾意刺激，特別是揸車的速度感，雖然她否認是受余文樂感染，但直認鍾意車更容易吸引男士。身高1米75的朱韻韻（Angel），高人一等反而討厭生得高，她說：「細個影班相成日要企喺男仔隔籬，同埋細個高得太快，身體筋骨好痛，成日要爹哋媽咪幫我按摩，因為咁亦有睇醫生，醫生話可能高得太快，啲筋跟唔切啲骨嘅生長。以前覺得細粒嘅同學得意啲、受歡迎啲，我太高成人畀人覺得好大個。」Angel外表溫柔，但性格男仔頭，她說：「我好鍾意刺激，鍾意揸車，手車都好辣，由細到大對車都好有興趣。（會唔會飛車？）記得初初攞到個車牌，幾個女仔喺唔超速之下鬥快，嗰段路冇咩車，揸上嚟超爽，而最終我呢個新牌仔最快到，啲朋友都眼凸。但我未試過賽車，如果有機會，絕對樂意去做，我好享受嗰種速度感，比起個樣，我（其實）好大膽。（同余文樂傳緋聞，係咪因為大家鍾意車？）大家係識咗多年嘅好朋友，有相同嗜好會好傾啲。（同佢好投契？）好多男仔都鍾意車，會覺得女仔識車係特別啲嘅，我識得深層啲，會多啲男性朋友。」除了做模特兒，Angel亦向網上發展，與Followers互動，她說：「發現香港人有好多感情問題，想搵人傾訴，我個人好樂觀，可以帶正能量畀人，同人解決感情問題，所以喺IG有Q&A或開live盡量解答佢哋問題，佢哋啱聽，我都開心同好有滿足感。（係咪因為有豐富感情經驗，所以開解到別人？）又唔係，但身邊有好多朋友鍾意搵我傾訴。」現時單身的她提到過往的感情，她表示就算分手亦可做回朋友：「冇一個做唔到，兩個一齊去到一個階段如果唔開心，咁不如分開，做唔到情侶做番朋友會仲好，大家會更珍惜關係、更長久，好過勉強一齊。」