༄༅།།སློབ་མའི་མལ་ཆས་དང་གོན་པ་ལྟེབ་ཆགས་རྒྱག་སྟངས་བསྡུར་བའི་བྱེད་སྒོ།

བྱེད་སྒོ་འདིར་ཐོག་མར་དུས་ཡུན་ཟླ་ཕྱེད་ལྷག་གི་སྔོན་དུ། སློབ་མ་རྣམས་ལ་སྡོད་ཤག་ཏུ་རང་རང་གི་མལ་ཆས་སོགས་ལྟེབ་སྟངས་དང་སྒྲིག་ལུགས་སྐོར་གཅིག་གྱུར་དགོས་པའི་མཛུབ་སྟོན་བྱས་པ་དང་། དེ་རིང་ཕྱི་དྲོའི་དངོས་གཞིའི་བྱེད་སྒོ་རུ་སློབ་མ་ཡོངས་བྱ་འགུལ་ལྟེ་གནས་སུ་བསྡུས་རྗེས། རྒྱན་ཐོབ་ལྟར་འཛིན་གྲྭ་སོ་སོ་ནས་འགྲན་ཞུགས་པ་བུ་བུ་མོ་རེ་རེ་བདམས་ཤིང་། དེ་དག་སློབ་ཚོགས་ལས་བྱེད་པའི་རོགས་བཅས་རང་རང་གི་སྡོད་ཤག་ཏུ་ཕྱིན་ནས། རང་རང་གི་མལ་ཁེབས་དང་སློབ་གོས། རྩལ་སྟོད་བཅས་གོས་སྣེ་གསུམ་འགྲན་ར་རུ་ཁྱེར་རྗེས། འགྲན་ཞུགས་པ་ཚོས་དེ་དག་དུས་ཚོད་སྐར་མ་གཉིས་ཀྱི་ནང་ཚུན་དུ། བཟོ་ལྟ་ལེགས་ཤིང་སྟབས་བདེ་ལ། གཉེར་མ་མི་ཆགས་ཐབས་ཤིག་ཏུ་ལྟེབ་ཆགས་ལེགས་པར་བརྒྱབ་ཐུབ་མིན་བསྡུར་བ་མ་ཟད། སློབ་མ་དེ་དག་གི་གོན་པ་གཙང་མིན་བཅས་པ་ལའང་དཔྱད་འདེམས་པ་ཚོས་ཞིབ་ཏུ་བརྟགས་ཏེ་དཔྱད་འབྲས་སྐར་མ་བརྒྱབ་པའོ།།
ཕྲུ་གུའི་རྩེད་མོ་ལྟ་བུའི་བྱེད་སྒོ་འདི་ཡང་། དོན་དུ་མིའི་བྱང་ཚད་སློབ་གསོའི་ནང་དོན་ཞིག་དང་། སློབ་མའི་རྒྱུན་ལྡན་འཚོ་བའི་ནང་གི་བྱ་བ་གལ་ཆེན་ཞིག་ཏུ་བསམས་ནས། སློབ་མ་ཁང་གིས་གོ་སྒྲིག་དང་ལག་བསྟར་བྱས་སོ། །[鲜花][鲜花][鲜花]

༄༅།།འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་གི་དགེ་བཤེས་ཆེན་མོ་ངག་དབང་ཆོས་འཕགས་ལགས་ཀྱི་ཐུགས་བཀོད་ལྟར་བཞེངས་བའི་གསུང་རབ་དེ་རིང་ཉིན་བཟང་སྐར་བཟང་དང་བསྡོངས་ནས་དགེ་བཤེས་དྲུག་གིས་དཔྱད་གླེང་མཛད་པ་མ་ཟད།གདེང་འཇོག་ཚད་མཐོ་གནང་བས་མ་འོངས་བསྐལ་བ་ཀུན་ཏུ་སངས་རྒྱས་ཀྱི་གསུང་རབ་ཐམས་ཅད་རི་བོའི་གཏོས་དང་མཉམ་པར་ཚད་ལྡན་གྱི་ཡིག་གཟུགས་ལམ་ནས་བྲི་བའི་སྨོན་ལམ་ཡང་ཡང་འདེབས། https://t.cn/RpZP4i4

༄༅། །ཨ་མདོ་སེང་ཁྲི་དགོན་ཐུབ་བསྟན་བཤད་སྒྲུབ་དར་རྒྱས་འཁོར་གླིང་གི་མཁན་སྤྲུལ་དགེེེ་འདུན་པ་ཡོངས་ཀྱིས་ཡབ་རྗེ་བླ་མ་རིན་པོ་ཆེའི་རྗེས་དྲན་དུས་མཆོད་གསུང་བཞིན་ཐུགས་ཡིད་གཅིག་འདྲེས་སུ་གསོལ་བ་ཕུར་ཚུགས་སུ་འདེབས་པ།