#古天乐[超话]#

193@ERROR與古天樂搭膊頭合照：知我咩料啦

組合ERROR成員郭嘉駿（193）不時語出驚人，不過今次佢真係威威豬，喺社交網上載與影帝古天樂嘅合照。見古天樂搭佢膊頭仲托埋手㬹，真係好多圈中人都恨唔到。193好得戚咁話：「知我咩料啦」，再加上一個戴住黑超嘅emoji公仔添。

根據古天樂相中嘅衣着，同佢早前去睇男團MIRROR演唱會嗰晚嘅造型相若，估計合照應該係當晚影嘅。但至於點解佢可以成功埋身、又得到古天樂答允同佢影合照呢？都仲係一個謎。連藝人黃奕晨都好奇咁問：「點解你影到㗎？」其他網友都留言表示：「根據呢幅圖古天樂有兩米高」、「有冇同古生講開拍《ERROR流忍者》大電影呀？」

鄭錦滿擺街站唔戴罩 遭途人狙擊報警

第四波疫情來勢洶洶，攬炒派依然罔顧市民健康安危。熱血公民鄭錦滿日前在荃灣擺設街站派工作報告時，竟公然違反「口罩令」，仲話係「公民抗命」！

鄭錦滿喺fb發帖自爆，擺街站期間無戴口罩，有個戴著黃色口罩的男途人舉起電話影佢相，同埋問佢做乜唔戴口罩，旁邊一名女途人見到亦加入質問他。鄭錦滿他反問女途人：「妳係咪『黃絲』嚟㗎？」女途人回應：「黃咩絲？我中立㗎！你知法犯法，報警拉你！」鄭錦滿隨即好得戚咁擺晒Pose畀人影相，話自己係「以身犯險，公民抗命」。最後，女途人報警處理，但當警員抵達現場時，鄭錦滿稱剛好派晒傳單收緊站，用不到限聚令或口罩令檢控佢喎。鄭錦滿更上載一張沒戴口罩派傳單的配圖，話是葵芳街站，並非當日的荃灣街站，證明佢根本是一個慣犯！

「搣時潘」專玩無自理能力人士

成日露肉、鍾意在社交平台賣弄性感博上位嘅「搣時潘」潘書韻，被爆專挑缺乏自理能力嘅男網友下手，當有男網友被佢嘅慾照吸引，私下聯絡她時，她便會以大膽露骨嘅言詞逗弄對方，仲好得戚咁話「當我天使，可惜我是魔鬼」，又嘲笑對方「弱智真係唔死都冇用」！

所謂「上得山多終遇虎」，她日前以「開房」為名，設局「報復」男網友，直播在酒店房內大玩「SM」遊戲，不斷「鞭皮帶」及要求男方「舐鞋底」，有網友不齒報警。家吓佢被控「破壞公眾體統」罪，分分鐘要坐7年監，加上佢早前已因涉嫌傷人罪名被捕，都咪話唔閉翳！