༄༅།།བཀྲ་ཤིས་པའི་སྨོན་ཚིག
གུང་ཐང་ཡོངས་འཛིན་རྗེ་འཇིགས་མེད་དཔལ་ལྡན་རྒྱ་མཚོ། བླ་བྲང་།
༄༅།།རྒྱལ་ཀུན་འཕྲིན་ལས་འཕགས་མ་ཏཱ་རེ་ཡི།།
མཁྱེན་བརྩེ་ཆུ་འཛིན་དཀར་པོ་འཁྲིགས་པ་ལས།།
བྱིན་བརླབས་ཆར་རྒྱུན་གདུལ་བྱའི་འཛིན་མར་བབས།།
སྨོན་དོན་འབྲས་བུ་སྨིན་པའི་དགེ་ལེགས་སྩོལ།།
མ་སྨད་ཚུལ་ཁྲིམས་ཡུ་བ་བརྟན་པོ་ལས།།
མཛེས་བའི་ཚོགས་གཉིས་རྩིབས་སྟོང་རྫོགས་པ་ཡིས།།
འགྲོ་བའི་ཚ་གདུང་སེལ་བའི་ཆོས་ཀྱི་གདུགས།།
འདེགས་མཛད་རྡོ་རྗེ་འཆང་དབང་ཁྱོད་ཕྱགས་འཚལ།།
ཐབས་ཤེས་ཟུང་དུ་འབྲེལ་བའི་གསེར་གྱི་ཉ།།
མདོ་རྒྱུད་ཐ་སྙད་རིགས་གནས་ཀླུང་ཆེན་པོར།།
བཤད་སྒྲུབ་ཟུང་གི་གཏིང་མཐའ་རོལ་བ་ཡིས།།
རྒྱལ་སྲས་དམ་པའི་ཐུགས་སྨོན་འགྲུབ་གྱུར་ཅིག།
ངོ་ཚ་ཁྲེལ་ཡོད་གོས་ཀྱིས་ཉེ་བར་མཛེས།།
བསླབ་གསུམ་བདུད་རྩིའི་བཅུད་ཀྱིས་ཡོངས་སུ་བཀང་།།
སྣོད་ཀྱི་སྐྱོན་བྲལ་རིན་ཆེན་བུམ་བཟང་འདིས།།
རྒྱལ་སྲས་དམ་པའི་ཐུགས་སྨོན་འགྲུབ་གྱུར་ཅིག།
བྱང་ཆུབ་སེམས་ཀྱི་མ་དྲོས་མཚོ་ཆེན་ལས།།
ཟབ་རྒྱས་ཆོས་ཀྱི་སྡོང་བུ་ལེགས་པར་འཁྲུངས།།
སྐུ་གཉིས་ཟེའུ་འབྲས་ལྡན་པའི་པདྨ་དཀར།།
མཆོད་པས་བླ་མའི་ཐུགས་སྨོན་འགྲུབ་གྱུར་ཅིག།
ཆགས་པའི་བདེ་བ་ལས་སྐྱེས་ཆགས་པའི་གཤེད།།
ཟབ་གསལ་རི་མོ་གཡས་འཁྱིལ་ལྔ་བའི་དུང་།།
མ་རིག་གཉིད་ལས་སངས་པའི་དབྱངས་སྙན་པོས།།
གསུམ་ལྡན་བླ་མའི་ཐུགས་སྨོན་འགྲུབ་གྱུར་ཅིག།
ཏིང་འཛིན་གསུམ་གྱིས་བསྐྱེད་རིམ་ཕྲ་རག་ཀུན།།
རྟོགས་པའི་ཐུགས་གསང་དཔལ་བེའུ་མཛེས་པར་བྱེད།།
ཐ་མལ་སྣང་ཞེན་དྲི་མ་བྲལ་བའི་མཐུས།།
རྡོ་རྗེ་འཛིན་པའི་ཐུགས་སྨོན་འགྲུབ་གྱུར་ཅིག།
ཁ་སྦྱོར་བདུན་ལྡན་རིན་ཆེན་ཏོག་གིས་མཛེས།།
སྦྱོར་བ་ཡན་ལག་དྲུག་གིས་ཤམ་བུ་མཛེས།།
མི་མཐུན་ཀུན་ལས་རྒྱལ་བའི་རྒྱལ་མཚན་གྱིས།།
རྡོ་རྗེ་འཆང་གི་ཐུགས་སྨོན་འགྲུབ་གྱིར་ཅིག།
དམ་ཚིག་སྡོམ་པ་སྤྱོད་པ་ལྟེ་བ་ལས།།
མཐའ་གཉིས་དག་པ་ལྟ་བའི་རྩིབས་སྟོང་བཀྲ།།
སྒོམ་པའི་མུ་ཁྱུད་ཟླུམ་པོར་འཁྱིད་བ་ཡི།།
ཆོས་འཁོར་སྲིད་མཐའི་བར་དུ་བསྐོར་གྱུར་ཅིག།
མདོར་ན་སྡེ་འདིའི་ཆོས་སྤྱོད་མི་ཉམས་ཤིང་།།
ཐུགས་མཐུན་ཁྲིམས་གཙང་བཤད་སྒྲུབ་ལས་ལ་བརྩོན།།
མདོ་སྔགས་བསྟན་པ་འཛིན་སྐྱོང་སྤེལ་ནུས་པའི།།
ཁྲིམས་ལྡན་འདུས་པའི་སྡེ་ཆེན་འགྲུབ་གྱར་ཅིག །
ཅེས་པ་འདི་ནི་དམ་པ་གང་གི་སློབ་བུ་སྙོམས་ལས་པ་བཙུན་གཟུགས་འཇིགས་མེད་དཔལ་ལྡན་གྱིས་བྲིས་པའོ།།
སྤྱི་ལོ་༢༠༠༥ ལོའི་རྗེས་དྲན་དེབ་ཕྲེང་དང་བོ་ལས་བཤུས། 图片
གུང་ཐང་ཡོངས་འཛིན་རྗེ་འཇིགས་མེད་དཔལ་ལྡན་རྒྱ་མཚོ། བླ་བྲང་།
༄༅།།རྒྱལ་ཀུན་འཕྲིན་ལས་འཕགས་མ་ཏཱ་རེ་ཡི།།
མཁྱེན་བརྩེ་ཆུ་འཛིན་དཀར་པོ་འཁྲིགས་པ་ལས།།
བྱིན་བརླབས་ཆར་རྒྱུན་གདུལ་བྱའི་འཛིན་མར་བབས།།
སྨོན་དོན་འབྲས་བུ་སྨིན་པའི་དགེ་ལེགས་སྩོལ།།
མ་སྨད་ཚུལ་ཁྲིམས་ཡུ་བ་བརྟན་པོ་ལས།།
མཛེས་བའི་ཚོགས་གཉིས་རྩིབས་སྟོང་རྫོགས་པ་ཡིས།།
འགྲོ་བའི་ཚ་གདུང་སེལ་བའི་ཆོས་ཀྱི་གདུགས།།
འདེགས་མཛད་རྡོ་རྗེ་འཆང་དབང་ཁྱོད་ཕྱགས་འཚལ།།
ཐབས་ཤེས་ཟུང་དུ་འབྲེལ་བའི་གསེར་གྱི་ཉ།།
མདོ་རྒྱུད་ཐ་སྙད་རིགས་གནས་ཀླུང་ཆེན་པོར།།
བཤད་སྒྲུབ་ཟུང་གི་གཏིང་མཐའ་རོལ་བ་ཡིས།།
རྒྱལ་སྲས་དམ་པའི་ཐུགས་སྨོན་འགྲུབ་གྱུར་ཅིག།
ངོ་ཚ་ཁྲེལ་ཡོད་གོས་ཀྱིས་ཉེ་བར་མཛེས།།
བསླབ་གསུམ་བདུད་རྩིའི་བཅུད་ཀྱིས་ཡོངས་སུ་བཀང་།།
སྣོད་ཀྱི་སྐྱོན་བྲལ་རིན་ཆེན་བུམ་བཟང་འདིས།།
རྒྱལ་སྲས་དམ་པའི་ཐུགས་སྨོན་འགྲུབ་གྱུར་ཅིག།
བྱང་ཆུབ་སེམས་ཀྱི་མ་དྲོས་མཚོ་ཆེན་ལས།།
ཟབ་རྒྱས་ཆོས་ཀྱི་སྡོང་བུ་ལེགས་པར་འཁྲུངས།།
སྐུ་གཉིས་ཟེའུ་འབྲས་ལྡན་པའི་པདྨ་དཀར།།
མཆོད་པས་བླ་མའི་ཐུགས་སྨོན་འགྲུབ་གྱུར་ཅིག།
ཆགས་པའི་བདེ་བ་ལས་སྐྱེས་ཆགས་པའི་གཤེད།།
ཟབ་གསལ་རི་མོ་གཡས་འཁྱིལ་ལྔ་བའི་དུང་།།
མ་རིག་གཉིད་ལས་སངས་པའི་དབྱངས་སྙན་པོས།།
གསུམ་ལྡན་བླ་མའི་ཐུགས་སྨོན་འགྲུབ་གྱུར་ཅིག།
ཏིང་འཛིན་གསུམ་གྱིས་བསྐྱེད་རིམ་ཕྲ་རག་ཀུན།།
རྟོགས་པའི་ཐུགས་གསང་དཔལ་བེའུ་མཛེས་པར་བྱེད།།
ཐ་མལ་སྣང་ཞེན་དྲི་མ་བྲལ་བའི་མཐུས།།
རྡོ་རྗེ་འཛིན་པའི་ཐུགས་སྨོན་འགྲུབ་གྱུར་ཅིག།
ཁ་སྦྱོར་བདུན་ལྡན་རིན་ཆེན་ཏོག་གིས་མཛེས།།
སྦྱོར་བ་ཡན་ལག་དྲུག་གིས་ཤམ་བུ་མཛེས།།
མི་མཐུན་ཀུན་ལས་རྒྱལ་བའི་རྒྱལ་མཚན་གྱིས།།
རྡོ་རྗེ་འཆང་གི་ཐུགས་སྨོན་འགྲུབ་གྱིར་ཅིག།
དམ་ཚིག་སྡོམ་པ་སྤྱོད་པ་ལྟེ་བ་ལས།།
མཐའ་གཉིས་དག་པ་ལྟ་བའི་རྩིབས་སྟོང་བཀྲ།།
སྒོམ་པའི་མུ་ཁྱུད་ཟླུམ་པོར་འཁྱིད་བ་ཡི།།
ཆོས་འཁོར་སྲིད་མཐའི་བར་དུ་བསྐོར་གྱུར་ཅིག།
མདོར་ན་སྡེ་འདིའི་ཆོས་སྤྱོད་མི་ཉམས་ཤིང་།།
ཐུགས་མཐུན་ཁྲིམས་གཙང་བཤད་སྒྲུབ་ལས་ལ་བརྩོན།།
མདོ་སྔགས་བསྟན་པ་འཛིན་སྐྱོང་སྤེལ་ནུས་པའི།།
ཁྲིམས་ལྡན་འདུས་པའི་སྡེ་ཆེན་འགྲུབ་གྱར་ཅིག །
ཅེས་པ་འདི་ནི་དམ་པ་གང་གི་སློབ་བུ་སྙོམས་ལས་པ་བཙུན་གཟུགས་འཇིགས་མེད་དཔལ་ལྡན་གྱིས་བྲིས་པའོ།།
སྤྱི་ལོ་༢༠༠༥ ལོའི་རྗེས་དྲན་དེབ་ཕྲེང་དང་བོ་ལས་བཤུས། 图片
བྱེའུ་འཇོལ་མོ་གཉིས་ཀྱི་བརྩེ་དུང་གི་གཏམ་རྒྱུད།
གངས་ཆུ།
༄༅།། ངེད་ཚང་གི་ར་སྐོར་དེ་གནའ་བོའི་ཁང་རྙིང་གི་གྲས་སུ་གཏོགས་པའི་གཞིས་ཁྱིམ་རྙིང་བ་ཞིག་ཡིན་ཞིང་། གདུང་དྲབ་ཀྱི་ཁུང་བུའི་ནང་དུ་བྱ་དང་བྱེའུ་རིགས་ཀྱིས་རྒྱུན་དུ་བྱེའུ་ཚང་འཇོག་བཞིན་ཡོད། ད་ནངས་སྐྱ་རེངས་མ་ཤར་གོང་ཁང་བའི་ཁྱམས་ཀྱི་གདུང་དྲབ་ཀྱི་ངོས་ལ་བྱེའུ་ཆུང་ཆུང་ཞིག་གིས་གཤོག་པས་ཡང་ཡང་རྡེབ་ཅིང་་་་ཀྱེ་འུ་་་ཀྱེ་འུ་་་ཟེར་བའི་སྒྲ་ཞིག་བར་མཚམས་མེད་པར་གྲགས་ནས་ནམ་ལངས་པར་བྱས། སྤྱིར་ཁོ་བོ་ནི་བྱ་དང་བྱེའུ་རིགས་ལ་ཧ་ཅང་དགའ་ཞེན་ཆེ་ཞིང་ལྷག་པར་འཇོལ་མོ་ལ་དེ་བས་དུང་བ་ཟབ་པས་སྣང་དོགས་མ་བྱས་པར་ཅུང་བསྡད་པ་ཡིན།
དཔྱིད་ཀའི་སྐབས་སུ་བསིལ་རླུང་གིས་འཁྱེར་འོང་བའི་འཇོལ་མོའི་གསུང་སྐད་རེ་རྒྱང་ནས་གོ་ན་བདེ་སྡུག་གི་ཚོར་བ་རྨ་མེད་ཅིག་སྟེར་ཐུབ་ལ། འཇོལ་མོའི་གསུང་སྐད་གོ་ན་དཔྱིད་ཀ་ཐོན་སོང་སྙམ་པའི་དགའ་དུང་གི་སེམས་པ་ཞིག་ལྷོད་ཀྱིས་དྲངས་ཡོང་ངོ་།། ལྷག་པར་བརྡ་དག་ཞིག་ལས ( བྱེའུ་འཇོལ་མོ་འཇོ་སྒེག་ཉམས་དང་ལྡན ) ཞེས་པས་ཆུང་དུས་ཀྱི་ཚོར་བ་རྣོན་པོ་ཞིག་བཞག་ཡོད་པས། འཇོལ་མོའི་གསུང་སྐད་ཀྱིས་ཆུང་དུས་དཔེ་ཆ་ཐེད་པོ་རེ་ལག་ཏུ་བཟུང་ནས་ཕན་ཚུན་ལ་འཕྲིན་པ་ཐུང་ངུ་རེ་བྲིས་པའི་རྣམ་པ་དེ་ཡིད་ལ་ཝལ་སེ་དྲན་དུ་འཇུག་ཅིང་། མཚམས་རེར་ཚ་གདུགས་ཀྱིས་གཟིར་བའི་སྐབས་ཆུ་སྙོགས་བཙོག་པོ་ལ་མགོ་བོ་བཏང་ནས་ཧུབ་ཀྱིས་འཐུང་ཞིང་རྐང་ལག་ལ་ཞལ་ཞལ་བྱས་པའི་རྒྱབ་གཟུགས་དེ་དྲན་པའི་མེ་ལོང་ངོས་སུ་ཡང་ཡང་འགོད་ཅིང་ལུས་སེམས་ལ་གདུང་བ་སིམ་པོ་རེ་སྟེར་ཐུབ་བོ།།
ཤར་ཕྱོགས་ན་སྐྱ་རེངས་ཀྱི་བུ་མོ་འཛུམ་གྱིས་སླེབས་ཤིང་ངེད་ཚང་གི་ཁང་བའི་ཁྱམས་ལ་དྲོད་འཇམ་གྱི་འོད་སྣང་ཞིག་ཕངས་མེད་དུ་སྦྱིན་ན་ཡང་། ད་རུང་་་ཀྱེ་འུ་་་ཀྱེ་འུ་་་་ཟེར་བའི་སྒྲ་ཞིག་གིས་རྣ་བར་བཟོད་གླགས་བྲལ་པའི་གདུང་བ་ཞིག་སྐྱེལ་ཡོང་ལ་ཅུང་སུན་པོ་ཡང་བཟོས་སོང་། ངས་དྲ་མིག་ཕྱེས་ནས་ཕྱིར་བལྟས་པ་ན་བྱེའུ་ཞིག་གདུང་དྲབ་ཀྱི་ཁུང་བུ་ལ་འཛུལ་ཏེ་འཕག་འཚག་བྱེད་པ་འདྲ་བས། ངའི་སེམས་སུ་འདོད་སྲེད་ཀྱི་དབང་གིས་བྱེའུ་ཆུང་ཡང་བཟའ་འཁོན་བྱས་ན་རང་སྲོག་བློས་བཏང་བྱས་སོང་སྙམ་པའི་ཚོར་བ་ཞིག་སེམས་ཐག་གོར་མོ་རྡོ་ཐོག་ནས་ངང་གིས་ལྷུང་སོང་། ངས་མདུན་ཅོག་འགྲམ་དུ་དམར་ཇ་ཞིག་འཐུང་ཤོར་དུ་དཔེ་ཆ་འགའ་ཀློག་པས་ཞོགས་པའི་དུས་ཚོད་བཅུ་བར་བསླེབ་ལ་ཉེ་ཞིང་་་ཀྱེ་འུ་་ཀྱེ་འུ་་་ཟེར་བའི་་སྒྲ་དེ་ཡང་ཇེ་ཆུང་ནས་ཇེ་ཆུང་དུ་སོང་བས་ང་ལ་ཚོར་བ་ཅི་ཡང་མ་བྱིན་ནོ།།
རྗེས་སུ་ཕྱི་ལ་འགྲོ་སྐབས་ཞིབ་ལྟ་རེ་བྱས་པས་བྱེའུ་ཆུང་ཆུང་ཞིག་གདུང་དྲབ་ཀྱི་ཁུང་བུའི་ནང་དུ་བཙན་གྱིས་འཛུལ་ནས་ཕྱིར་ཡོང་མ་ཐུབ་པར་མགོ་བསྣར་ཏེ་ལྕེབས་འདུག་ལ། སྒྲོ་སྤུ་འགའ་རེ་རླུང་བུ་ཕྲ་མོ་ཞིག་གིས་ཡར་སྐྱོད་མར་སྐྱོད་བྱེད་བཞིན་པ་མཐོང་བས་འགྱོད་གདུང་གི་དབྱུག་གུ་ཞིག་གིས་སྙིང་གི་རྔ་བོ་ཆེ་དྲག་ཏུ་བརྡུངས་ཤིང་། ཁུང་བུ་དོག་མོ་དེ་ཡང་བཙན་ཚུགས་ཀྱིས་གཏོར་ཏེ་རེག་ཐབས་བྱས་པས་བྱེའུ་གཞན་ཞིག་ཀྱང་ཤི་སྟེ་དྲོད་ཁོལ་མ་ཡལ་བར་ཡོད་པས། དངངས་སྐྲག་ནར་མོ་ཞིག་གིས་རྒྱབ་ནས་དེད་དེ་ཅི་ཞིག་བྱས་སོང་ངམ་སྙམ་པའི་ཐེ་ཚོམ་གྱི་རྒྱ་རུ་ཚུད་པར་བྱས་སོ།།
དོན་ངོ་མར་ངེད་ཚང་གི་ཁང་བའི་ཀླད་ཀྱི་བྱེའུ་ཆུང་འཇོལ་མོ་དམར་ནག་མ་དེ་གཉིས་ཡིན་ཞིང་། དཔྱིད་ཀའི་དུས་སུ་བྱེའུ་ཚང་གི་འཇོག་གནས་བཙལ་ཆེད་བཙན་ཚུགས་ཀྱིས་ཁུང་བུའི་ནང་དུ་འཛུལ་རྗེས་ཕྱིར་འབུད་བྱེད་མ་ཐུབ་པར་འཕག་འཚག་བྱས་དྲགས་པའི་རྐྱེན་གྱིས་ལྔ་ལམ་དུ་ཤོར་བ་དང་། ཅིག་ཤོས་ཀྱིས་ཕྱི་ནས་སྐད་ཅོར་བརྒྱབ་སྟེ་གཤོག་པས་ཁུང་བུའི་ངོས་ལ་རྡེབ་འབྲད་བྱེད་གྱིན་བཙན་གྱིས་འཛུལ་ནས་སྐྱོབ་ཐབས་བྱས་པས་། ཅིག་ཤོས་ཤི་ཡོད་པ་ཤེས་རྗེས་ཕྱིར་འབུད་བྱེད་དགོས་བསམ་ཡང་ཁུང་བུ་ཆུང་དྲགས་པས་མགོ་བོ་ཐུར་དུ་བསྣར་ཏེ།་་་ཀྱེ་འུ་་་་ཀྱེ་འུ་་་ཟེར་བའི་མྱུར་སྐྱོབ་ཀྱི་ཉེན་བརྡ་བརྒྱབ་ཀྱང་སུ་ཞིག་གིས་ཀྱང་སྐྱོབ་པར་མ་ནུས་ལ། ཁོ་བོས་སྔ་མོ་ནས་བྱེའུ་ཞིག་གི་སྐད་སྒྲ་གྲག་པར་སྣང་དོགས་མ་བྱས་པར་བསྡད་པས་བྱེའུ་ཆུང་ཆུང་དེ་ཡང་འཁྲེང་སེམས་ཀྱི་ཀློང་ནས་ཕྱི་མའི་ཡུལ་དུ་ཆས་སོང་ངོ་།།
འཇོལ་མོ་འདི་གཉིས་ཇི་འདྲའི་རླབས་ཆེ་ཞིང་བརྩེ་དུང་ཟབ་པའི་བཟའ་ཟླ་གཉིས་ཡིན་ཞིང་། བརྩེ་བའི་དོན་དུ་རང་སྲོག་བློས་གཏོང་ཐུབ་པའི་སེམས་ཤུགས་རྣལ་མ་ཞིག་ཡོད་པས། ཕན་ཚུན་གྱི་བདེ་སྡུག་སེམས་ཀྱིས་ཚོར་ཞིང་གོ་ནུས་པས་འབྲལ་ཐབས་མེད་པར་ཡངས་པའི་སྤང་དང་ནག་མའི་ཚལ་དུ་འཚོ་སྡོད་བྱས་ཡོད་པར་བསམ་ན་ཇི་འདྲའི་ཡིད་སྐྱོ་བ་ལ་ཨང་། ཁོ་བོ་ཡང་བརྩེ་བའི་དོན་དུ་ཡོད་ཚད་བློས་གཏོང་ཐུབ་སེམས་སྙམ་པའི་དོགས་སློང་གི་རྒྱ་ལས་མ་གྲོལ་བར་ཡོད་སྐད། ཚོར་ཤེས་སྣུམ་པོ་ཞིག་གི་ཁྲོད་ནས་མ་ཎི་དང་། ངན་སོང་སྦྱོང་རྒྱུད་སོགས་རང་གིས་ཤེས་ཚོད་ཀྱིས་ཁོ་གཉིས་ལ་སྐྱེལ་མ་བྱས་ཤིང་། འཇོལ་མོའི་བེམ་རོ་དེ་གཉིས་རང་ཉིད་འདུག་སའི་ཉེ་འཁྲིས་སུ་ས་དོང་བརྐོས་པའི་ནང་ཁོ་གཉིས་འཕྲད་པར་བྱས་ཏེ་དུར་སྦས་བྱས་པ་ཡིན་ལ། རྒྱ་སེ་མེ་ཏོག་རྐང་གཉིས་མདུན་དུ་བཙུགས་ནས་རླབས་ཆེ་བའི་འཇོལ་མོ་ཞིག་གི་བརྩེ་དུང་མཚོན་པར་བྱས་ཡོད་དོ།།
བརྩེ་བ་ནི་རང་གི་ཡོད་ཚད་གཞན་ལ་སྟེར་ཐུབ་པའི་སེམས་ཤུགས་ཁྱད་པར་བ་ཞིག་གམ། གཞན་གྱི་བདེ་སྡུག་ངོ་མ་དེ་སེམས་ཀྱིས་ཚོར་ནས་རང་ཉིད་ཀྱི་སྲོག་ཀྱང་ཕ་རོལ་བའི་དོན་དུ་འདོར་ཐུབ་པའི་གུ་ཡངས་ཀྱི་སེམས་པ་ཞིག་དང་། དུང་བ་ནི་རང་ཉིད་དགའ་སའི་ཕ་རོལ་བོ་ཞིག་གི་དོན་དུ་ཡོད་ཚད་ཕངས་མེད་དུ་སྟེར་ཐུབ་པའི་སེམས་པ་ཞིག་གམ། དྲན་པའི་རུས་རྐང་ལས་ན་ཟུག་མེ་སྟག་འདྲ་བ་ཚ་ལམ་མེར་བྱུང་ན་དོན་དངོས་སུ་ཁྱོད་རང་ཕ་རོལ་བོ་ཞིག་ལ་དགའ་བའམ་དུང་བ་ཡོད་པའི་དན་རྟགས་བསླུ་མེད་ཡིན་པས། བརྩེ་དུང་ནི་འཇིག་རྟེན་གྱི་ཁམས་འདིར་མེད་དུ་མི་རུང་ཞིང་མེ་ཏོག་བཞིན་བཞད་དགོས་ལ་ཅིས་ཀྱང་ཡོད་དགོས་པའི་ཆོས་ཉིད་ཅིག་ཡིན་པ་ང་ཚོས་ཤེས་དགོས་པའི་ཆེད་དུ་དངོས་བྱུང་གཏམ་རྒྱུད་འདི་བཀོད་པ་ཡིན་ནོ།།
༢༠༢༡་༤་༣༠་ཉིན་གྱི་མཚན་མོར།
གངས་ཆུ།
༄༅།། ངེད་ཚང་གི་ར་སྐོར་དེ་གནའ་བོའི་ཁང་རྙིང་གི་གྲས་སུ་གཏོགས་པའི་གཞིས་ཁྱིམ་རྙིང་བ་ཞིག་ཡིན་ཞིང་། གདུང་དྲབ་ཀྱི་ཁུང་བུའི་ནང་དུ་བྱ་དང་བྱེའུ་རིགས་ཀྱིས་རྒྱུན་དུ་བྱེའུ་ཚང་འཇོག་བཞིན་ཡོད། ད་ནངས་སྐྱ་རེངས་མ་ཤར་གོང་ཁང་བའི་ཁྱམས་ཀྱི་གདུང་དྲབ་ཀྱི་ངོས་ལ་བྱེའུ་ཆུང་ཆུང་ཞིག་གིས་གཤོག་པས་ཡང་ཡང་རྡེབ་ཅིང་་་་ཀྱེ་འུ་་་ཀྱེ་འུ་་་ཟེར་བའི་སྒྲ་ཞིག་བར་མཚམས་མེད་པར་གྲགས་ནས་ནམ་ལངས་པར་བྱས། སྤྱིར་ཁོ་བོ་ནི་བྱ་དང་བྱེའུ་རིགས་ལ་ཧ་ཅང་དགའ་ཞེན་ཆེ་ཞིང་ལྷག་པར་འཇོལ་མོ་ལ་དེ་བས་དུང་བ་ཟབ་པས་སྣང་དོགས་མ་བྱས་པར་ཅུང་བསྡད་པ་ཡིན།
དཔྱིད་ཀའི་སྐབས་སུ་བསིལ་རླུང་གིས་འཁྱེར་འོང་བའི་འཇོལ་མོའི་གསུང་སྐད་རེ་རྒྱང་ནས་གོ་ན་བདེ་སྡུག་གི་ཚོར་བ་རྨ་མེད་ཅིག་སྟེར་ཐུབ་ལ། འཇོལ་མོའི་གསུང་སྐད་གོ་ན་དཔྱིད་ཀ་ཐོན་སོང་སྙམ་པའི་དགའ་དུང་གི་སེམས་པ་ཞིག་ལྷོད་ཀྱིས་དྲངས་ཡོང་ངོ་།། ལྷག་པར་བརྡ་དག་ཞིག་ལས ( བྱེའུ་འཇོལ་མོ་འཇོ་སྒེག་ཉམས་དང་ལྡན ) ཞེས་པས་ཆུང་དུས་ཀྱི་ཚོར་བ་རྣོན་པོ་ཞིག་བཞག་ཡོད་པས། འཇོལ་མོའི་གསུང་སྐད་ཀྱིས་ཆུང་དུས་དཔེ་ཆ་ཐེད་པོ་རེ་ལག་ཏུ་བཟུང་ནས་ཕན་ཚུན་ལ་འཕྲིན་པ་ཐུང་ངུ་རེ་བྲིས་པའི་རྣམ་པ་དེ་ཡིད་ལ་ཝལ་སེ་དྲན་དུ་འཇུག་ཅིང་། མཚམས་རེར་ཚ་གདུགས་ཀྱིས་གཟིར་བའི་སྐབས་ཆུ་སྙོགས་བཙོག་པོ་ལ་མགོ་བོ་བཏང་ནས་ཧུབ་ཀྱིས་འཐུང་ཞིང་རྐང་ལག་ལ་ཞལ་ཞལ་བྱས་པའི་རྒྱབ་གཟུགས་དེ་དྲན་པའི་མེ་ལོང་ངོས་སུ་ཡང་ཡང་འགོད་ཅིང་ལུས་སེམས་ལ་གདུང་བ་སིམ་པོ་རེ་སྟེར་ཐུབ་བོ།།
ཤར་ཕྱོགས་ན་སྐྱ་རེངས་ཀྱི་བུ་མོ་འཛུམ་གྱིས་སླེབས་ཤིང་ངེད་ཚང་གི་ཁང་བའི་ཁྱམས་ལ་དྲོད་འཇམ་གྱི་འོད་སྣང་ཞིག་ཕངས་མེད་དུ་སྦྱིན་ན་ཡང་། ད་རུང་་་ཀྱེ་འུ་་་ཀྱེ་འུ་་་་ཟེར་བའི་སྒྲ་ཞིག་གིས་རྣ་བར་བཟོད་གླགས་བྲལ་པའི་གདུང་བ་ཞིག་སྐྱེལ་ཡོང་ལ་ཅུང་སུན་པོ་ཡང་བཟོས་སོང་། ངས་དྲ་མིག་ཕྱེས་ནས་ཕྱིར་བལྟས་པ་ན་བྱེའུ་ཞིག་གདུང་དྲབ་ཀྱི་ཁུང་བུ་ལ་འཛུལ་ཏེ་འཕག་འཚག་བྱེད་པ་འདྲ་བས། ངའི་སེམས་སུ་འདོད་སྲེད་ཀྱི་དབང་གིས་བྱེའུ་ཆུང་ཡང་བཟའ་འཁོན་བྱས་ན་རང་སྲོག་བློས་བཏང་བྱས་སོང་སྙམ་པའི་ཚོར་བ་ཞིག་སེམས་ཐག་གོར་མོ་རྡོ་ཐོག་ནས་ངང་གིས་ལྷུང་སོང་། ངས་མདུན་ཅོག་འགྲམ་དུ་དམར་ཇ་ཞིག་འཐུང་ཤོར་དུ་དཔེ་ཆ་འགའ་ཀློག་པས་ཞོགས་པའི་དུས་ཚོད་བཅུ་བར་བསླེབ་ལ་ཉེ་ཞིང་་་ཀྱེ་འུ་་ཀྱེ་འུ་་་ཟེར་བའི་་སྒྲ་དེ་ཡང་ཇེ་ཆུང་ནས་ཇེ་ཆུང་དུ་སོང་བས་ང་ལ་ཚོར་བ་ཅི་ཡང་མ་བྱིན་ནོ།།
རྗེས་སུ་ཕྱི་ལ་འགྲོ་སྐབས་ཞིབ་ལྟ་རེ་བྱས་པས་བྱེའུ་ཆུང་ཆུང་ཞིག་གདུང་དྲབ་ཀྱི་ཁུང་བུའི་ནང་དུ་བཙན་གྱིས་འཛུལ་ནས་ཕྱིར་ཡོང་མ་ཐུབ་པར་མགོ་བསྣར་ཏེ་ལྕེབས་འདུག་ལ། སྒྲོ་སྤུ་འགའ་རེ་རླུང་བུ་ཕྲ་མོ་ཞིག་གིས་ཡར་སྐྱོད་མར་སྐྱོད་བྱེད་བཞིན་པ་མཐོང་བས་འགྱོད་གདུང་གི་དབྱུག་གུ་ཞིག་གིས་སྙིང་གི་རྔ་བོ་ཆེ་དྲག་ཏུ་བརྡུངས་ཤིང་། ཁུང་བུ་དོག་མོ་དེ་ཡང་བཙན་ཚུགས་ཀྱིས་གཏོར་ཏེ་རེག་ཐབས་བྱས་པས་བྱེའུ་གཞན་ཞིག་ཀྱང་ཤི་སྟེ་དྲོད་ཁོལ་མ་ཡལ་བར་ཡོད་པས། དངངས་སྐྲག་ནར་མོ་ཞིག་གིས་རྒྱབ་ནས་དེད་དེ་ཅི་ཞིག་བྱས་སོང་ངམ་སྙམ་པའི་ཐེ་ཚོམ་གྱི་རྒྱ་རུ་ཚུད་པར་བྱས་སོ།།
དོན་ངོ་མར་ངེད་ཚང་གི་ཁང་བའི་ཀླད་ཀྱི་བྱེའུ་ཆུང་འཇོལ་མོ་དམར་ནག་མ་དེ་གཉིས་ཡིན་ཞིང་། དཔྱིད་ཀའི་དུས་སུ་བྱེའུ་ཚང་གི་འཇོག་གནས་བཙལ་ཆེད་བཙན་ཚུགས་ཀྱིས་ཁུང་བུའི་ནང་དུ་འཛུལ་རྗེས་ཕྱིར་འབུད་བྱེད་མ་ཐུབ་པར་འཕག་འཚག་བྱས་དྲགས་པའི་རྐྱེན་གྱིས་ལྔ་ལམ་དུ་ཤོར་བ་དང་། ཅིག་ཤོས་ཀྱིས་ཕྱི་ནས་སྐད་ཅོར་བརྒྱབ་སྟེ་གཤོག་པས་ཁུང་བུའི་ངོས་ལ་རྡེབ་འབྲད་བྱེད་གྱིན་བཙན་གྱིས་འཛུལ་ནས་སྐྱོབ་ཐབས་བྱས་པས་། ཅིག་ཤོས་ཤི་ཡོད་པ་ཤེས་རྗེས་ཕྱིར་འབུད་བྱེད་དགོས་བསམ་ཡང་ཁུང་བུ་ཆུང་དྲགས་པས་མགོ་བོ་ཐུར་དུ་བསྣར་ཏེ།་་་ཀྱེ་འུ་་་་ཀྱེ་འུ་་་ཟེར་བའི་མྱུར་སྐྱོབ་ཀྱི་ཉེན་བརྡ་བརྒྱབ་ཀྱང་སུ་ཞིག་གིས་ཀྱང་སྐྱོབ་པར་མ་ནུས་ལ། ཁོ་བོས་སྔ་མོ་ནས་བྱེའུ་ཞིག་གི་སྐད་སྒྲ་གྲག་པར་སྣང་དོགས་མ་བྱས་པར་བསྡད་པས་བྱེའུ་ཆུང་ཆུང་དེ་ཡང་འཁྲེང་སེམས་ཀྱི་ཀློང་ནས་ཕྱི་མའི་ཡུལ་དུ་ཆས་སོང་ངོ་།།
འཇོལ་མོ་འདི་གཉིས་ཇི་འདྲའི་རླབས་ཆེ་ཞིང་བརྩེ་དུང་ཟབ་པའི་བཟའ་ཟླ་གཉིས་ཡིན་ཞིང་། བརྩེ་བའི་དོན་དུ་རང་སྲོག་བློས་གཏོང་ཐུབ་པའི་སེམས་ཤུགས་རྣལ་མ་ཞིག་ཡོད་པས། ཕན་ཚུན་གྱི་བདེ་སྡུག་སེམས་ཀྱིས་ཚོར་ཞིང་གོ་ནུས་པས་འབྲལ་ཐབས་མེད་པར་ཡངས་པའི་སྤང་དང་ནག་མའི་ཚལ་དུ་འཚོ་སྡོད་བྱས་ཡོད་པར་བསམ་ན་ཇི་འདྲའི་ཡིད་སྐྱོ་བ་ལ་ཨང་། ཁོ་བོ་ཡང་བརྩེ་བའི་དོན་དུ་ཡོད་ཚད་བློས་གཏོང་ཐུབ་སེམས་སྙམ་པའི་དོགས་སློང་གི་རྒྱ་ལས་མ་གྲོལ་བར་ཡོད་སྐད། ཚོར་ཤེས་སྣུམ་པོ་ཞིག་གི་ཁྲོད་ནས་མ་ཎི་དང་། ངན་སོང་སྦྱོང་རྒྱུད་སོགས་རང་གིས་ཤེས་ཚོད་ཀྱིས་ཁོ་གཉིས་ལ་སྐྱེལ་མ་བྱས་ཤིང་། འཇོལ་མོའི་བེམ་རོ་དེ་གཉིས་རང་ཉིད་འདུག་སའི་ཉེ་འཁྲིས་སུ་ས་དོང་བརྐོས་པའི་ནང་ཁོ་གཉིས་འཕྲད་པར་བྱས་ཏེ་དུར་སྦས་བྱས་པ་ཡིན་ལ། རྒྱ་སེ་མེ་ཏོག་རྐང་གཉིས་མདུན་དུ་བཙུགས་ནས་རླབས་ཆེ་བའི་འཇོལ་མོ་ཞིག་གི་བརྩེ་དུང་མཚོན་པར་བྱས་ཡོད་དོ།།
བརྩེ་བ་ནི་རང་གི་ཡོད་ཚད་གཞན་ལ་སྟེར་ཐུབ་པའི་སེམས་ཤུགས་ཁྱད་པར་བ་ཞིག་གམ། གཞན་གྱི་བདེ་སྡུག་ངོ་མ་དེ་སེམས་ཀྱིས་ཚོར་ནས་རང་ཉིད་ཀྱི་སྲོག་ཀྱང་ཕ་རོལ་བའི་དོན་དུ་འདོར་ཐུབ་པའི་གུ་ཡངས་ཀྱི་སེམས་པ་ཞིག་དང་། དུང་བ་ནི་རང་ཉིད་དགའ་སའི་ཕ་རོལ་བོ་ཞིག་གི་དོན་དུ་ཡོད་ཚད་ཕངས་མེད་དུ་སྟེར་ཐུབ་པའི་སེམས་པ་ཞིག་གམ། དྲན་པའི་རུས་རྐང་ལས་ན་ཟུག་མེ་སྟག་འདྲ་བ་ཚ་ལམ་མེར་བྱུང་ན་དོན་དངོས་སུ་ཁྱོད་རང་ཕ་རོལ་བོ་ཞིག་ལ་དགའ་བའམ་དུང་བ་ཡོད་པའི་དན་རྟགས་བསླུ་མེད་ཡིན་པས། བརྩེ་དུང་ནི་འཇིག་རྟེན་གྱི་ཁམས་འདིར་མེད་དུ་མི་རུང་ཞིང་མེ་ཏོག་བཞིན་བཞད་དགོས་ལ་ཅིས་ཀྱང་ཡོད་དགོས་པའི་ཆོས་ཉིད་ཅིག་ཡིན་པ་ང་ཚོས་ཤེས་དགོས་པའི་ཆེད་དུ་དངོས་བྱུང་གཏམ་རྒྱུད་འདི་བཀོད་པ་ཡིན་ནོ།།
༢༠༢༡་༤་༣༠་ཉིན་གྱི་མཚན་མོར།
༄༅།།བླ་མའི་ནང་གི་བླ་མ།།བླ་མ་བློ་བཟང་གྲགས་པ།།བཤེས་གཉེན་ནང་གི་བཤེས་གཉེན།།བཤེས་གཉེན་སངས་རྒྱས་བཀྲ་ཤིས།།—རྒྱལ་ཡོངས་བོད་ཀྱི་ཡིག་གཟུགས་དུས་ཆེན་ལ་དགའ་བ་འབུམ་གྱིས་བསུ།༤•༣༠ https://t.cn/R2WxDPj
✋热门推荐