ཀུན་མཁྱེན་ཆེན་པོས《མན་ངག་རིན་པོ་ཆེའི་མཛོད》ལ

首页发布

ཀུན་མཁྱེན་ཆེན་པོས《མན་ངག་རིན་པོ་ཆེའི་མཛོད》ལས།

ཚུལ་བཞིན་བསྒྲུབ་པའི་བྱ་དགོས་རྣམ་དྲུག་ནི། །
ངན་སྤྱོད་འགོ་ཅན་མི་དང་འགྲོགས་མི་བྱ། །
བཟང་སྤྱོད་བསླབ་དཀའ་བཤེས་གཉེན་བསྟེན་པར་བྱ། །
སྣང་བ་འབྲིད་མཁས་ཡུལ་ལ་མ་ཡེངས་བྱ། །
རིག་པ་ཅོལ་ཆུང་འཁྲུལ་ཕྱིར་མ་སོང་བྱ། །
ཆགས་སྡང་གདོས་དྲགས་ཕྱོགས་རིས་མ་སོང་བྱ། །
འཁྲུལ་སྣང་འདྲིས་སླ་ཞེན་ཆགས་རྩད་གཅོད་བྱ། །
ཞེས་དང་།

སྣ་ཐག་གཞན་ལ་མ་ཤོར་ཆོས་དྲུག་ནི། །
བྲན་ཁོལ་མ་སྐྱེས་དབང་མེད་མི་འབབ་དང་། །
ཁྱིམ་ཐབ་མ་བྱས་གཉིས་འདུས་འཆིང་རེས་མེད། །
ཆེན་པོར་མ་སྐྱེས་གང་འདོད་ཆོས་ལ་སྤྱོད། །
ཤོལ་འདེབས་སྒྲོག་མེད་ནམ་དྲན་གང་དགར་སྤྱོད། །
མི་འགྲུབ་དམ་བཅའི་ཁས་བླངས་མེད་པ་དང་། །
ལས་ངན་དམག་དཔུང་སྡུག་བསྔལ་མཚོ་མ་བརྡོལ། །
འདི་འདྲའི་རང་དབང་ཡོད་རྣམས་སྤྲོ་བར་རིགས། །
ཞེས་གསུངས་སོ། །

བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེ་བཞིན་གཤེགས་པ་ནི་རིང་པོ་མི་ཐོགས་པར་ཟླ་བ་གསུམ་འདས་པ་ན་ཡོངས་སུ་མྱ་ངན་ལས་འདའ་བར་འགྱུར་ཏེ། ཀུན་དགའ་བོ་ཆོས་ཀྱི་རྣམ་གྲངས་འདི་གཟུང་བ་དང་། གཞན་དག་ལ་ཡང་རྒྱས་པར་ཡང་དག་པར་བསྟན་པའི་བར་གྱི་ཕྱིར་ཁྱོད་ལ་གཏད་དོ། །ཀུན་དགའ་བོ་སེམས་ཅན་གང་དག་སུ་ཡང་རུང་སྟེ། ཆོས་ཀྱི་རྣམ་གྲངས་འདི་འཆང་བར་བྱེད་པ་དེ་དག་ལ་ནི་སངས་རྒྱས་བཅོམ་ལྡན་འདས་རྣམས་ཡོངས་སུ་མྱ་ངན་ལས་འདའ་བར་མི་འགྱུར་རོ། །ཆོས་ཀྱང་ནུབ་པར་མི་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་གལ་ཏེ་ཆོས་ཀྱི་རྣམ་གྲངས་འདི་ལ་སྒྲུབ་པར་བྱེད་ན་དེ་ནི་སངས་རྒྱས་མཐོང་བ་ཡིན་ལ། གཞན་དག་ལ་བརྗོད་ཅིང་སྟོན་པ་དེ་ནི་དམ་པའི་ཆོས་ཡོངས་སུ་འཛིན་པའི་ཕྱིར་རོ། །དེ་ནས་ཚེ་དང་ལྡན་པ་ཀུན་དགའ་བོ་ངུས་ཏེ་མཆི་མ་ཕྱིས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོའི་ཚོགས་ཆེན་པོ་དང་། ལྷ་དང་མི་རྣམས་ཀྱི་དོན་དང་སྨན་པ་དང་། བདེ་བའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་འམ། བསྐལ་པ་ལས་ལྷག་པར་བཞུགས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ་ཀུན་དགའ་བོ་ཁྱོད་མྱ་ངན་མ་བྱེད་ཅིག །སྨྲེ་སྔགས་མ་འདོན་ཅིག །ཀུན་དགའ་བོ་ཁྱོད་ཡུན་ཇི་སྲིད་དུ་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་། སྟོན་པར་བྱེད་པ་དེ་སྲིད་དུ་སངས་རྒྱས་མཐོང་བ་དང་འབྲལ་བར་མི་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་དེ་བཞིན་གཤེགས་པ་ནི་གཟུགས་དང་། མཚན་དང་། དཔེ་བྱད་དུ་བལྟ་བ་མ་ཡིན་ཏེ། ཀུན་དགའ་བོ་ཇི་སྲིད་དུ་ཇི་སྐད་བསྟན་པའི་ཆོས་ཀྱི་རྣམ་གྲངས་འདི་ལྟ་བུ་འདི་དག་མཐོང་བ་དེ་ཉིད་སངས་རྒྱས་མཐོང་བ་ཡིན་པའི་ཕྱིར་རོ། །

མཁན་ཆེན་བླ་མ་རྣམ་གཉིས།

–•ཕྲིན་པོ།
སྟོན་མཆོག་སློབ་བུའི་དྭངས་མ།།
དགྲ་བཅོམ་མཆོག་ཟུང་རྣམ་གཉིས།།
ཆོས་རྗེའི་སྲས་ཀྱི་ཐུ་བོ།།
མཁན་ཆེན་བླ་མ་རྣམ་གཉིས།།

འཕགས་པའི་ཡུལ་གྱི་མཆོག་གྱུར།།
སློབ་དཔོན་ཡོན་ཤཱཀ་མཆོག་གཉིས།།
བོད་པའི་ཡུལ་གྱི་ཆེ་གྱུར།།
མཁན་ཆེན་དམ་པ་རྣམ་གཉིས།།

ལྷ་ལྡན་ཞིང་ནས་འཛོམས་པ།།
སྔོན་གྱི་རྒྱལ་པན་ཆེ་གཉིས།།
ཆོས་ཀྱི་ཞིང་ནས་མཐུན་པ།།
ད་དུས་བླ་ཆེན་རྣམ་གཉིས།།

དབང་པོའི་དྭངས་མའི་དྭངས་མ།།
ཡ་ཐོད་མིག་འབྲས་གཉིས་པོ།།
ཡ་ཆུང་ཡིད་བཞིན་ནོར་བུ།།
ཡ་མེད་འགྲོ་མགོན་གཉིས་པོ།།

མཁའ་ལ་འོད་རབ་འཕྲོ་བ།།
གཟིམ་མེད་ཉི་ཟླ་ཆ་གཅིག།
ས་ལ་མཛད་ཕྲིན་ཁྱབ་པ།།
མཚུངས་མེད་བླ་མ་ཟུང་གཅིག།
[鲜花]