非洲新寺院的建設規劃，以及在今天這個吉祥日進行索地與土地開光加持儀式的一些照片。
噶瑪拉布
2024年4月27日

ཨ་ཧྥེ་རི་ཀ་ལ་དགོན་པ་གསར་རྒྱག་གི་ལས་གཞི།
བཀྲ་ཤིས་པའི་ཚེས་བཟང་ལ་ས་སློང་དང་ས་གཞི་བྱིན་རླབས་བྱེད་བཞིན་པའི་རྣམ་པ།
ཀརྨ་ལྷ་བུ་ནས། ༢༠༢༤/༠༤/༢༧

༄༅།།མདོ་སྨད་རྐང་ཚའི་དགོན་ཆེན་དགའ་ལྡན་ཆོས་འཕེལ་གླིང་གི་

གསུམ་པའི་སྒྲུབ་མཆོད་ཆེན་མོའི་སྐབས་ཀུན་རིག་དཀྱིལ་

འཁོར་བཞེངས་གྲུབ་མཛད་པའི་རྣམ་པ་ཟུར་ཙམ།

བྱང་ཕྱོགས་གཡུ་ཡི་གཞོངས་པ།།
སྒྲུབ་རྒྱུད་འཁོར་ལོའི་བདག་པོ།།
རྗེ་བཙུན་སེ་རའི་མཁྱེན་རྒན།།
དགྱེས་འཛུམ་གསེར་འོད་འཕྲོ་ས།།
མདོ་སྔགས་ཆོས་ཀྱི་དགའ་ཚལ།།
དགའ་ལྡན་ཆོས་འཕེལ་གླིང་བ།།
ལས་ཅན་འགྲོ་བའི་གཙུག་རྒྱན།།
ཐར་འདོད་བྱེ་བའི་བསྟི་གནས།།
ཕན་བདེ་ཀུན་གྱི་འབྱུང་ཡུལ།།
ཆོས་ཀྱི་ཕྱག་ལེན་སྤྱི་དང་།།
བྱེ་བྲག་རྣམ་སྣང་ཆེན་མོའི།།
དཀྱིལ་འཁོར་སྒྲུབ་མཆོད་འདི་རྨད།།
འདིས་མཚོན་ཆོས་ཀྱི་སྡེ་འདིར།།
འདུལ་བའི་གླེང་འབུམ་བཅོ་བརྒྱད།།
བཅོས་པའི་ཤོག་ལྡེབས་གྲངས་མེད།།
རྟག་ཏུ་གནས་པའི་སྨོན་ལམ།།

རྒྱ་མ་གང་རྒྱབ་ལ་ཁུར་ནས། །ལམ་ཆེན་ལ་གོམ་ཆེན་བགྲོད་དེ། །
ཐག་རིང་ལ་ཡུན་རིང་བསྡད་ན། །མི་ཡུལ་ལ་རང་ཡུལ་སྣང་འགྲོ། །

གྲོགས་པོ་ནི་མགྲོན་པོ་འདྲ་བས། །བརྩེ་བ་ཡིས་རྩེད་མོ་མ་རྩེ། །
རང་སེམས་དེ་རང་ལ་ཡོད་ན། །རེ་བ་ཡི་ཀ་བ་འཛུགས་རོགས། །

དགའ་རོགས་ལ་དགའ་མོ་མེད་དུས། །འགྲོ་རོགས་ཞིག་འབྲུག་མོ་མ་འཚོལ། །
རང་རོགས་མེད་རང་གི་ཤེས་ཚེ། །ལས་དབང་གིས་ལས་བརྡ་གཏོང་ཡོང་། །

རང་སེམས་ལ་རང་དབང་མེད་དུས། །མཛའ་མོ་ཟེར་མཛེས་མོ་མ་བཤད། །
ཕ་སྐལ་ལ་ཁང་སྐལ་ཟེར་ན། །སྒོར་མོ་ཡིས་དགའ་མོ་མི་ཡོང་། །

ཕན་ཚུན་ལ་ཕན་པ་མེད་ཚེ། །ཁ་སང་ཟེར་ཁ་ནས་མ་འབོད། །
འདས་པ་ལ་རུས་པ་ཡོད་ན། །སེམས་པ་ལ་ཟམ་པ་འཛུགས་ཡོང་། །

རེ་བ་ཡི་ར་བ་བཀུག་པས། །དོགས་པ་ཡི་མདུད་པ་ཁྲོལ་ཀྱང་། །
འཛིན་རྟོག་ཀྱི་རྣམ་རྟོག་དེ་ཡིས། །འཁོར་བ་ལ་རང་འཁོར་རྒྱག་འགྲོ། །

ཐལ་སྒྲ་ཡིས་ཐལ་བ་མི་ཐོབ། །སྡོད་སྒྲ་ཡིས་སྡོད་ཚད་ཅི་ཡོད། །
གྲུབ་མཐའ་ཡིས་གྲུབ་ཙམ་གྱིས། །རྣམ་ཤེས་ནི་ཡེ་ཤེས་མི་ཡོང་། །

མདུན་ཕྱོགས་ལ་གོམ་ཕྱོགས་སྤོས་ཏེ། །རས་དཀར་གྱི་རས་གཟན་གྱོན་པས། །
རྒྱབ་རི་ལ་རྒྱབ་གཞུང་གཏུག་ན། །བསྟན་འཛིན་གྱི་བརྒྱུད་འཛིན་ལུས་ཡོང་། །

བརྟེན་འབྲེལ་ལ་ལྟས་མོ་ལྟ་བཞིན། །བདག་མེད་ལ་བདག་པོ་རྒྱབ་ཚེ། །
ཐལ་འགྱུར་བའི་ཐལ་བ་མེད་ཀྱང་། །རང་སེམས་དེ་རང་གི་རྟོགས་ནུས། །

ཆོས་དབྱིངས་ནི་མཁའ་དབྱིངས་ལྟ་བུ། །རྣམ་རྟོག་གི་རྣམ་བཞག་བསལ་ན། །
འབྲས་བུ་ལ་འབྲེལ་བ་ཞིག་གིས། །སངས་རྒྱས་ཀྱི་ས་བོན་ཐོབ་ངེས། །