སྟོན་པ་ཡང་དག་པར་རྫོགས་པའི་སངས་རྒྱས་དེ་ཉིད་ནས་འགྲོ་བའི་ཤེས་རྒྱུད་དུ་གཏོགས་པའི་ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར།ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་རྣམས་དོན་ཧྲིལ་ཏེ་བསྒྲིལ་ན་རྗོད་བྱེད་སྡེ་སྣོད་གསུམ་དང་། བརྗོད་བྱ་བསླབ་པ་གསུམ་དུ་འདུ་ཞིང་། དེ་དག་ཀྱང་ཐེག་པ་ཆེ་ཆུང་གཉིས་སུ་གནས་པས། ཐེག་པ་ཆེན་པོ་ལ་ཡང་མདོ་དང་སྔགས་ཀྱི་ཐེག་པ་མཆོག་གཉིས་སུ་གྲངས་ངེས་པས། དེ་གཉིས་གང་གི་སྒོ་ནས་སངས་རྒྱས་ཀྱི་སར་བགྲོད་ཀྱང་ལམ་གྱི་གཞུང་ཤིང་ནི་བྱང་ཆུབ་ཀྱི་སེམས་རིན་པོ་ཆེ་ལས་གཞན་དུ་མ་མཆིས་པ་ནི། ཇོ་བོ་ཆེན་པོས་བླ་མ་གསེར་གླིང་པའི་མཚན་གསན་པ་ཙམ་གྱིས་ཕྱག་ཐལ་མོ་སྦྱར། སྤྱན་ཆབ་འདོན། ངའི་སེམས་བཟང་པོ་ཁྲིག་གཅིག་ཡོད་པ་འདི་ཁོང་གི་བཀའ་དྲིན་ཡིན་གསུངས་པ་དང་། ཉིན་གཅིག་ལ་སྐུའི་གམ་དུ་ལན་བརྒྱ་བཅར་ཀྱང་དེའི་བར་དུ་སེམས་བཟང་པོར་བྱུང་ངམ་ཤ་སྟག་གསུང་བ་ལས་མེད་པ་འདི་རང་ཅག་བློ་ལྡན་རྣམས་ཀྱི་གོ་རྒྱུའི་གནད་ཆེ་ཞིང་། ཉམས་ལེན་གྱི་གནད་མཐའ་དག་ཀྱང་འདིར་བསྡུས་པ་ཡིན་པས་འདི་དོན་ལ་ཉིན་དང་མཚན་དུ་ཡང་ནས་ཡང་དུ་སེམས་དགོས།ཞེས་གསུངས་སོ།།
ལོ་ལྔ་བཅུའི་རྗེས་ཀྱི་རི་གྲོང་།
བདག་མེད་ཀྱི་ཕ་ཡུལ།
གྱང་རལ་དང་རྩིག་ཤུལ་གྱིས་གང་།
ཡུལ་མི་དང་ཁ་བྲལ།
རི་ཆུ་དག་ཁེར་རྐྱང་དུ་ལུས།
ཅིས་ཀྱང་མི་བཟོད་པའི་སེམས་པས་སྐྱོ་གླུ་ལེན།
བདག་མེད་ཀྱི་ཕ་ཡུལ།
གྱང་རལ་དང་རྩིག་ཤུལ་གྱིས་གང་།
ཡུལ་མི་དང་ཁ་བྲལ།
རི་ཆུ་དག་ཁེར་རྐྱང་དུ་ལུས།
ཅིས་ཀྱང་མི་བཟོད་པའི་སེམས་པས་སྐྱོ་གླུ་ལེན།
ཐུའུ་བཀྭན་ཆོས་ཀྱི་ཉི་མའི་ཞལ་བདམས།
ཕྱི་ངུར་སྨྲིག་གོས་ཀྱིས་ཀླུབ་ན་ཡང་།།
ནང་ཤེས་རྒྱུད་སྡིག་ལྟུང་ཁོ་ནས་གང་།།
དཔེ་བཤང་ལྕིས་གང་བའི་བུམ་པ་ཉིད།།
གོས་བཟང་པོ་དཀྲིས་དང་ཁྱད་པར་ཅི།།
མགོན་དགེ་བའི་བཤེས་གཉེན་དུ་མ་ལས།།
ཆོས་ཟབ་རྒྱས་ལེགས་བཤད་མང་ཐོས་ཀྱང་།།
དོན་རྒྱུད་ཐོག་ཁེལ་བའི་ཉམ་ལེན་ནི།།
ཞག་ཐུན་རེ་ཙམ་ཡང་སྒྲུབ་པ་མེད།།
གཞུང་རྒྱ་ཆེན་དུ་མར་སྦྱངས་པ་ཡང་།།
རྒྱུད་འདུལ་ཐབས་མ་སྲོང་དྲེལ་ཐབས་སོང་།།
མེ་བཞིལ་དུ་རེ་བའི་ཆུ་རྒྱུན་ཉིད།།
ལར་མེ་རུ་འབར་ལ་ཅི་ཞིག་བྱ།།
ཕྱི་ངུར་སྨྲིག་གོས་ཀྱིས་ཀླུབ་ན་ཡང་།།
ནང་ཤེས་རྒྱུད་སྡིག་ལྟུང་ཁོ་ནས་གང་།།
དཔེ་བཤང་ལྕིས་གང་བའི་བུམ་པ་ཉིད།།
གོས་བཟང་པོ་དཀྲིས་དང་ཁྱད་པར་ཅི།།
མགོན་དགེ་བའི་བཤེས་གཉེན་དུ་མ་ལས།།
ཆོས་ཟབ་རྒྱས་ལེགས་བཤད་མང་ཐོས་ཀྱང་།།
དོན་རྒྱུད་ཐོག་ཁེལ་བའི་ཉམ་ལེན་ནི།།
ཞག་ཐུན་རེ་ཙམ་ཡང་སྒྲུབ་པ་མེད།།
གཞུང་རྒྱ་ཆེན་དུ་མར་སྦྱངས་པ་ཡང་།།
རྒྱུད་འདུལ་ཐབས་མ་སྲོང་དྲེལ་ཐབས་སོང་།།
མེ་བཞིལ་དུ་རེ་བའི་ཆུ་རྒྱུན་ཉིད།།
ལར་མེ་རུ་འབར་ལ་ཅི་ཞིག་བྱ།།
✋热门推荐