སྟོན་པ་ཡང་དག་པར་རྫོགས་པའི་སངས་རྒྱས་དེ་ཉིད་

首页发布

སྟོན་པ་ཡང་དག་པར་རྫོགས་པའི་སངས་རྒྱས་དེ་ཉིད་ནས་འགྲོ་བའི་ཤེས་རྒྱུད་དུ་གཏོགས་པའི་ཉོན་མོངས་པ་བརྒྱད་ཁྲི་བཞི་སྟོང་གི་གཉེན་པོར།ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་རྣམས་དོན་ཧྲིལ་ཏེ་བསྒྲིལ་ན་རྗོད་བྱེད་སྡེ་སྣོད་གསུམ་དང་། བརྗོད་བྱ་བསླབ་པ་གསུམ་དུ་འདུ་ཞིང་། དེ་དག་ཀྱང་ཐེག་པ་ཆེ་ཆུང་གཉིས་སུ་གནས་པས། ཐེག་པ་ཆེན་པོ་ལ་ཡང་མདོ་དང་སྔགས་ཀྱི་ཐེག་པ་མཆོག་གཉིས་སུ་གྲངས་ངེས་པས། དེ་གཉིས་གང་གི་སྒོ་ནས་སངས་རྒྱས་ཀྱི་སར་བགྲོད་ཀྱང་ལམ་གྱི་གཞུང་ཤིང་ནི་བྱང་ཆུབ་ཀྱི་སེམས་རིན་པོ་ཆེ་ལས་གཞན་དུ་མ་མཆིས་པ་ནི། ཇོ་བོ་ཆེན་པོས་བླ་མ་གསེར་གླིང་པའི་མཚན་གསན་པ་ཙམ་གྱིས་ཕྱག་ཐལ་མོ་སྦྱར། སྤྱན་ཆབ་འདོན། ངའི་སེམས་བཟང་པོ་ཁྲིག་གཅིག་ཡོད་པ་འདི་ཁོང་གི་བཀའ་དྲིན་ཡིན་གསུངས་པ་དང་། ཉིན་གཅིག་ལ་སྐུའི་གམ་དུ་ལན་བརྒྱ་བཅར་ཀྱང་དེའི་བར་དུ་སེམས་བཟང་པོར་བྱུང་ངམ་ཤ་སྟག་གསུང་བ་ལས་མེད་པ་འདི་རང་ཅག་བློ་ལྡན་རྣམས་ཀྱི་གོ་རྒྱུའི་གནད་ཆེ་ཞིང་། ཉམས་ལེན་གྱི་གནད་མཐའ་དག་ཀྱང་འདིར་བསྡུས་པ་ཡིན་པས་འདི་དོན་ལ་ཉིན་དང་མཚན་དུ་ཡང་ནས་ཡང་དུ་སེམས་དགོས།ཞེས་གསུངས་སོ།།

[月亮]

འཕགས་པ་ལང་ཀར་གཤེགས་པ་ལས།

ཇི་ལྟར་ནད་པ་ན་བ་ལ། །
སྨན་པས་སྨན་རྣམས་གཏོང་བ་ལྟར། །
སངས་རྒྱས་དེ་བཞིན་སེམས་ཅན་ལ། །
སེམས་ཙམ་དུ་ཡང་རབ་ཏུ་གསུངས། །

ཞེས་པ་ྟལར། ཐབས་མཁས་ཤིང་ཐུགས་རྗེ་ཆེན་པོ་དང་ལྡན་པས། གདུལ་བྱའི་ཁམས་མོས་དང་མཐུན་པའི་བདེ་སྐྱིད་སྒྲུབ་ཚུལ་གྱི་ལམ་སྟོན་ཡང་དག་པར་མཛད་པའི་ཞི་བ་ཆེན་པོ།།

བྱེ་ཐང་གི་དུར་ཁྲོད་འདིར
སྐྱེ་འགྲོ་ཀུན
ངུ་འབོད་ཀྱི་གནམ་ས་གང

ངས་བརྒལ་ཟིན་པའི
ལོ་ཟླ་དེ་དག་གི་ཁྲོད་ན
གསལ་ཁ་མེད་པའི
མག་མོག་གི་གཟུགས་རྣམ་འགའ
དུས་གཏན་དུ
མ་ཡལ་བར
ངའི་རྣམ་ཤེས་དང་འགྲོག་བཞིིན་ཡོད