དམ་པའི་ཆོས་ཀྱིས་བསྒྲུབ་བྱ་ལ་མངོན་མཐོ་དང་ངེས་ལེགས་གཉིས་སུ་འདུས་པས་བསྒྲུབ་བྱེད་ཀྱི་ཐབས་ལ་ཡང་མངོན་མཐོ་སྒྲུབ་བྱེད་མི་འཚེ་བ་དང་། ངེས་ལེགས་སྒྲུབ་བྱེད་སྟོང་ཉིད་རྟོགས་པའི་ཤེས་རབ་ལ་བྱེད་པར་དེ་བཞིན་གཤེགས་པ་རྣམས་ཀྱིས་གསུངས། ས་ག་ཟླ་བ་བསུ[鲜花][鲜花][心][心]༢༠༢༤-བོད་ཟླ་༤/༡ཉིན།

རྒྱལ་དབང་སྐུ་ཕྲེང་རིམ་བྱོན་གྱིས་ཕོ་བྲང་པོ་ཏ་ལ་ཉམས་གསོ་མཛད་ཚུལ་ནི། སྤྱི་ལོ་༡༦༩༢ཆུ་རྟ་ལོ་གོང་ས་སྐུ་ཕྲེང་ལྔ་པ་བློ་བཟང་རྒྱ་མཚོར་བོད་ཡོངས་ཀྱི་སྲིད་དབང་ཐོབ་ནས་སྤྱི་ལོ་༡༦༤༥ཤིང་བྱ་ལོར་གཅིག་གྱུར་བཀོད་འདོམས་བྱེད་པའི་ཕོ་བྲང་དཀར་པོ་ཐོགས་བཞི་རྟེན་དང་བརྟེན་པ་གསར་བསྐྲུན་གནང་སྐབས་བཟོ་རིགས་ལས་མི་དམངས་འུལ་སྟོང་ཁྲག་ཁ་ཤས་ཡོད་པ་དང་།  དེ་རྗེས་སྤྱི་ལོ་༡༦༨༢ཆུ་ཁྱི་ལོ་གོང་ས་ལྔ་པ་སྐུ་གཤེགས་རྗེས་སྡེ་སྲིད་ཀྱི་གདུང་རྟེན་བཞུགས་ཡུལ་དང་སྦྲགས་ད་ལྟའི་ཕོ་བྲང་དམར་པོའི་འདབ་ནས་དབུ་རྩེའི་རྒྱ་ཕིབས་བར་ཐོག་བརྩེགས་བཅུ་གསུམ་དེ་གསར་བསྐྲུན་གནང་བ་རེད།དེ་རྗེས་སྤྱི་ལོ་༡༧༥༨ ས་སྟག་ལོར་གོང་ས་སྐུ་ཕྲེང་བདུན་པ་བསྐལ་བཟང་རྒྱ་མཚོ་སྐུ་གཤེགས་རྗེས་དེ་སྔ་ཁོང་གི་རྒྱུན་བཞུགས་གནང་ཡུལ་གཟིམ་ཆུང་བཀྲིས་འཁྱིལ་བ་དེ་གསེར་སྡོང་ལྷ་ཁང་དུ་བསྒྱུར་རྒྱུ།གཏན་འཁེལ་དོན་ལྟར་གཟིམ་ཆུང་དེ་ཉིད་བཤིགས་རལ་གྱིས་གསེར་སྡོང་བཀྲིས་འོད་འབར་བཞུགས་གནས་སུ་འཛུགས་བསྐྲུན་གནང་བ་རེད། དེ་རྗེས་སྤྱི་ལོ་༡༧༩༨མེ་འབྲུག་ལོ་གོང་ས་སྐུ་ཕྲེང་བརྒྱད་པ་འཇམ་དཔལ་རྒྱ་མཚོས་ཕོ་བྲང་དམར་པོའི་ཤར་ངོས་གཡབ་སྟེང་དུ་གཟིམ་ཆུང་ཕུན་ཚོགས་འདོད་རྒུ་འཁྱིལ་བ་ཀ་བ་བརྒྱད་ཡོད་པ་ཞིག་གསར་སྐྲུན་གནང་།དེ་རྗེས་སྤྱི་ལོ་༡༨༠༢ཆུ་ཁྱི་གསེར་ཟངས་ཀྱི་རྒྱལ་བ་བྱམས་པ་དང་། གསུང་རྟེན་རིན་ཆེན་སྣ་བརྒྱད་ཀྱི་བསྟན་འགྱུར་སོགས་གསར་བཞེངས་གནང་སྟེ་གཟིམ་ཆུང་དེ་ཉིད་དགའ་ལྡན་ཕུན་ཚོགས་འཁྱིལ་བ་ཞེས་པའི་མཚན་གསོལ་བ་རེད།སྤྱི་ལོ་༡༨༠༤ཤིང་བྱི་ལོ་རྩེ་འཕགས་པ་ལྷ་ཁང་གི་ཤར་ངོས་ཡངས་སྟེང་དུ་གོང་ས་སྐུ་ཕྲེང་བརྒྱད་པ་འཇམ་དཔལ་རྒྱ་མཚོའི་གསེར་སྡོང་དགེ་ལེཌ་གཟི་འབར་བཞུགས་གནས་མཆོད་སྡོང་ཁང་གསར་སྐྲུན་གནང་བ་རེད།སྤྱི་ལོ་༡༨༧༥ཤིང་ཕག་ལོར་རྩེ་ཕོ་བྲང་དམར་པོའི་ཤར་བྱང་ངོས་དབུ་རྩེའི་གཟིམ་ཆུང་ཀུན་འདུས་འཁྱིལ་བ་དེ་བཤིག་རལ་གྱིས་གོང་ས་སྐུ་ཕྲེང་དགུ་པ་ལུང་རྟོག་རྒྱ་མཚོའི་གསེར་སྡོང་བཞུགས་ཁང་དུ་ཉམས་གསོ་དང་གསར་རྒྱག་གནང་བ་རེད། སྤྱི་ལོ་༡༨༨༣ ལྕགས་ཡོས་ལོ་གོང་ས་སྐུ་ཕྲེང་བཅུ་པ་ཚུལ་ཁྲིམས་རྒྱ་མཚོས་སྔ་སོར་གཟིམ་ཆུང་ཉི་འོད་ཀྱི་སྟེང་དུ་དབང་བསྡུས་འཁྱིལ་ཞེས་པའི་གཟིམ་ཆུང་གསར་བསྐྲུན་ལེགས་པར་བསྐྱངས་པ་དེ་ད་ལྟའི་ཤར་བརྒྱུད་གཟིམ་ཆུང་དེའི་ཁུལ་ཡིན། ཕོ་བྲོང་དཀར་པོའི་ཐོག་རྩེགས་བཅུ་གཅིག་གསར་དུ་འཕར་སྣོན་བྱུང་བ་རེད། སྤྱི་ལོ་༡༨༣༥ ཙམ་ལ་གོང་ས་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོས་རྩེ་ཕོ་བྲོང་དམར་པོར་དབུ་རྩེའི་བྱང་ངོས་འཁྲུངས་གསོལ་དགྲ་ལྷའི་སྐུ་གསོབ་དང་དེའི་རྟེན་སྒམ་བཅས་གསར་བཞེངས་གནང་བ་རེད། སྤྱི་ལོ་༡༩༢༢ལོར་གོང་ས་སྐེུང་བཅུ་གསུམ་པས་རྩེ་ཕོ་བྲང་དམར་པོའི་དབུ་རྩེའི་གསེར་ཟངས་རྒྱ་ཕིབས་ཀྱི་ཤིང་ཆ།ཐུགས། རྒྱལ་མཚན། རྩེ་འཕགས་པ་ལྷ་ཁང་། ས་གསུམ་མངོས་དགའ།  ཚོམས་ཆེན་གསར་རྙིང་གི་ཤིང་ཆ་རུལ་སྐྱོན་རྣམས་བརྗེ་འཁྲུལ་གནང་བ་དང་། ཕོ་བྲང་སྟེང་ཤོད་ཁོར་ཡུག་གི་ལྡེབས་ཞལ་དང་། ལྡེབས་བྲིས་བཅས་སྔར་ཡོད་ཉམས་མེད་གསར་བསྐྲུན་གནང་བ་རེད། །

བཀའ་གདམས་དང་དགེ་ལུགས།

འབུམ་རམས་པ་ཨེ་ལེག་ཛན་ཌར་བྷར་ཛིན།

བཀའ་གདམས་པའི་ཆོས་བརྒྱུད་ནི། རྒྱ་གར་བངྒ་ལའི་ཡུལ་ནས་ཡིན་པའི་མཁས་སྒྲུབ་ཆེན་པོ་ཇོ་བོ་རྗེ་དཔལ་ལྡན་ཨ་ཏི་ཤ་ནས་བྱུང་བ་ཞིག་ཡིན། བཀའ་གདམས་ལུགས་ཀྱིས་བློ་སྦྱོང་གི་སྐོར་ལ་ཧ་ཅང་ནན་གྱིས་གསུངས་གནང་ཡོད། བཀའ་གདམས་ཆོས་སྲོལ་དེ་ཕྱིས་སུ་བརྒྱུད་པ་གསུམ་ལ་ཁ་གྱེས་ཀྱང་། དུས་རབས་ ༡༤ དང་ ༡༥ འགོ་སྟོད་ནང་རྗེ་ཙོང་ཁ་པ་ཆེན་པོས་ཆོས་བརྒྱུད་དེ་སླར་ཡང་ཆིག་སྒྲིལ་བཟོས་གནང་ནས་དགེ་ལུགས་པའི་ཆོས་བརྒྱུད་ཅེས་ཆགས་པ་རེད།

རྙིང་མ་དང་། ས་སྐྱ། བཀའ་བརྒྱུད་བཅས་ཆོས་བརྒྱུད་གསུམ་ལ་གཞུང་ལུགས་འགྲེལ་ཚུལ་ཐད་མི་འདྲ་བ་ཕྲན་བུ་ཡོད་པ་ལས་གཞན་ཕལ་ཆེར་འགྲོས་གཅིག་རང་གི་རྗེས་སུ་འབྲང་གི་ཡོད། འོན་ཀྱང་རྗེ་ཙོང་ཁ་པ་ཆེན་པོ་ཁོང་ནི་ཧ་ལས་པའི་གསར་སྤེལ་གནང་མཁན་ཞིག་ཡིན་པ་དང། ཁོང་གིས་ནང་ཆོས་ཀྱི་ལྟ་གྲུབ་ཧ་ལམ་ཕལ་ཆེ་བ་སླར་དོན་འགྲེལ་མཛད་གནང་ཡོད། ཁོང་ནི་སྐུ་ན་ཧ་ཅང་ཕྲ་བའི་དུས་ནས་སློབ་གཉེར་གནང་ཞིང་། ཡིག་སྒྱུར་བྱས་ཡོད་པའི་གཞུང་འདྲ་མིན་ཚང་མར་འགྲེལ་བ་ནོར་བ་ཡོད་མེད་ཐད་བརྟག་དཔྱད་གནང་ནས་ལུང་དང་རིགས་པ་སྣ་ཚོགས་ཀྱིས་རྒྱབ་རྟེན་བྱས་ཏེ། དེ་དག་ཚང་མ་བདེན་དཔང་ར་སྤྲོད་མཛད་པ་རེད།

རྒྱུ་མཚན་དེ་ལ་བརྟེན་ནས། འཕགས་ཡུལ་གྱི་གཞུང་ལུགས་དཀའ་ཚེགས་ཆེ་བ་འགའ་ཤས་བོད་ཡིག་ནང་ཡིག་སྒྱུར་བྱས་པ་དེ་ཚོར་བསྐྱར་དུ་གཟིགས་ཞིབ་གཏིང་ཟབ་བྱེད་ཐུབ་པ་བྱུང་ཡོད། དེའི་སྔོན་དུ་བྱོན་པའི་མཁས་པ་དང་རྩོམ་པ་པོ་རྣམས་ཀྱིས་ལྗགས་རྩོམ་གནང་བ་དང་མི་འདྲ་བར། རྗེ་ཙོང་ཁ་པ་ཆེན་པོས་རྟོགས་དཀའ་བའི་གནད་རྣམས་ཟུར་དུ་བསྐྱུར་མ་གནང་བར། དཀའ་གནད་ཅན་གྱི་བརྗོད་པ་རྣམས་ལ་ཁོང་གི་ངོས་ནས་གོ་བ་ལོན་ཐབས་དང་དོན་འགྲེལ་གནང་རྒྱུར་མཉེས་པོ་གནང་མཁན་ཞིག་ཡོད། བདེ་འདྲའི་ཐོག་ཁོང་གིས་བསྟན་བཅོས་ཕལ་ཆེ་བའི་དོན་འགྲེལ་སྔར་དང་ཡོངས་སུ་མི་འདྲ་བའི་གསར་སྤེལ་མཛད་གནང་ཡོད། དོན་དངོས་ཀྱི་ཐོག་ལ། རྗེ་ཙོང་ཁ་པ་ཁོང་ནི་གསར་བརྗེ་པ་ཆེན་པོ་ཞིག་རེད། ཁོང་གི་སློབ་མ་མང་པོ་བྱུང་བའི་ནང་ནས་གཅིག་ནི་ཏཱ་ལའི་བླ་མ་སྐུ་ཕྲེང་དང་པོ་རེད། ཏཱ་ལའི་བླ་མ་ཞེས་པའི་མཚན་བསྟོད་དེ་ནི། སྐུ་ཕྲེང་གཉིས་སྐུ་གཤེགས་པའི་རྗེས་ཀྱི་ཏཱ་ལའི་བླ་མ་སྐུ་ཕྲེང་གསུམ་པའི་སྐབས་ཐོབ་པ་ཞིག་དང་། “ཏཱ་ལ་” ཞེས་པའི་མཚན་དེ་སོག་སྐད་ཡིན་པ་དང་། དེའི་དོན་ནི་ “རྒྱ་མཚོ་” ལ་གོ་ཡི་ཡོད།

དེའི་སྐབས་ལ་ལོ་ངོ་ ༡༥༠ ཙམ་གྱི་རིང་ནང་འཁྲུག་བྱུང་བ་དང་། མཐར་སོག་པོའི་སྟོབས་ཤུགས་སླེབས་ནས་ནང་འཁྲུག་འཇུག་བསྒྲིལ་བ་རེད། སྐབས་དེ་དུས་སོག་པོས་ཏཱ་ལའི་བླ་མ་སྐུ་ཕྲེང་ལྔ་པ་ཆེན་པོ་མཆོག་བོད་ཀྱི་ཆོས་སྲིད་གཉིས་ཀྱི་དབུ་འཁྲིད་ལ་བསྐོས། ཁོང་གི་ཡོངས་འཛིན་ལ་པཎ་ཆེན་བླ་མ་སྐུ་ཕྲེང་བཞི་པ་ཞེས་སུ་གྲགས་པ་རེད། ཕྱི་ལོ་ ༢༠༡༡ ནང་། ཏཱ་ལའི་བླ་མ་སྐུ་ཕྲེང་བཅུ་བཞི་པས་སྲིད་ཀྱི་དབང་ཚད་བཟུང་བའི་ལམ་ལུགས་དེ་ཡོངས་སུ་འཇུག་བསྒྲིལ་གནང་མཛད་པ་རེད།