ཆུ་རྙོག་འདྲ་བའི་དུས་རྙོག་འདིར།།
ཐམས་ཅད་མགོ་རྟིང་སློག་པས་ན།།
ལྡོབས་ཚ་བ་དང་གཡོ་ཁྲམ་ཚོས།།
སོ་སོའི་ཁེ་ཕན་དང་བསྟུན་ན།།
ཁ་ཆེན་མཐོང་ན་ཨ་ཕ་དང་། །
ངོ་ཆེན་ཐུག་ན་ཨ་མ་རུ།།
འཕྲལ་དུ་འབོད་པར་འདང་རྒྱག་མེད།།
རྒྱུ་ཅན་རྒྱབ་ན་རྐུབ་གཡོག་དང་།།
དབང་ཅན་འོག་ན་རྒྱུག་ཁྱི་ལྟར།།
ཡར་མར་ཤོར་བའི་མི་ཚད་པར།།
དགེ་སྡུག་གཉིས་ཀའི་ཕྱི་ནང་བརྗེ།།
རྒྱུ་འབྲས་རྒྱ་མའི་ཚད་ཀྱང་བཅོས།།
ཡིན་མིན་ཐམས་ཅད་གོ་ལྡོག་ནས།།
ལྟས་ངན་རང་ཚུགས་མེད་པ་འགས།།
དད་པའི་རྩ་བ་དང་འགལ་རུང་།།
བླ་མ་མིན་པར་བླ་ཆེན་ཟེར།།
རིག་པའི་གནས་ལུགས་མ་རྟོགས་པར།།
མཁས་པ་མིན་པར་མཁས་ཆེན་ཟེར།།
སྔ་གཞུག་བར་གསུམ་གོ་ནོར་ནས།།
ལྷ་མིན་འདྲེ་མིན་གཙུག་ཏུ་བཀུར།།
དཀོན་མཆོག་གསུམ་པོ་མཐའ་རུ་བསྐྲད།།
གང་མིན་མིན་ལ་གང་འདོད་འབོད།།
གཡོ་ཅན་སྙན་པར་སྨྲ་བ་ནི།།
རང་དོན་ཡིན་གྱི་གུས་ཕྱིར་མིན།།
སྲིན་བྱ་སྙན་ནས་དགོད་པ་ནི།།
ལྟས་ངན་གཏོང་གི་དགའ་ནས་མིན།།
ཟེར་བའི་གཏམ་ལ་མཉམ་འཇོག་རོགས།།

萨迦班智达说，贱人曲意逢迎，只有目的在先，就像猫头鹰笑，哪有好事发生。

我们现在在这种浮躁的社会风气里，一些人为了苟活，给那些单位上的任何人随便叫个领导无所谓，因为这对官场没有什么对不起的。出于礼貌或目的，再给商业领域的任何人叫一声某某老总也不为过，因为这也没有什么不可告人的。可是呢，可悲的在于好多人为了个人感情和利益，目的等，动不动就文化水平方面只有半瓶水的文人给半路出家的画家叫大家大师，反过来半路出家的那些画家又给那些半瓶水的文人叫权威泰斗，那些六根不净的僧尼又互相动不动就称上师或喇嘛堪布。再一种极不负责任的情况下，各路牛鬼蛇神相互虚夸，不是你给我叫大咖名家就是我称你为翘楚魁首。这样把一些严肃的问题当儿戏，神圣而不可冒犯的尊称与桂冠轻易和盲目的戴在那些撑不起的人的头上，你不仅对不起文化艺术和宗教信仰，也对的起你自己的人格和尊严吗？

在这种互吹呼雷，乱套了的情况下，这就叫当你践踏社会上的正能量，只会迎合那些不该迎合的时候，也是开始糟蹋自己的人格和尊严，出卖灵魂的开始。

༄༅། ། འཇམ་མགོན་བླ་མ་ཤར་ཙོང་ཁ་བ་ཆེན་མོར་བསྟོད་པ་དྲི་ཟའི་དབྱངས་ཀྱི་མཆོད་སྤྲིན།

དྷཱིཿཚ།

ཀ་རྫི།

ཚོགས་གཉིས་འོ་མཚོ་བསྲུབས་པ་ལས་བྱུང་སྐུ་མཆོག་ནོར་བུའི་མཚར་སྡུག་འོད།།
ལུང་རིགས་ཉི་ཟླའི་རྣ་ཆས་རབ་བརྒྱན་ངང་བའི་བུ་མོའི་མཛེས་སྡུག་ཕྲོགས།།
ཐོས་བརྩོན་མཚམས་སྤྲིན་གོས་སུ་རྣམ་རོལ་དགེ་མཚན་དབྱར་རྔས་ས་གསུམ་ཁྱབ།།
ཟུར་ཕུད་ལྔ་བའི་མཁྱེན་རབ་གཅིག་བསྡུས་འཇམ་མགོན་བླ་མ་གཙུག་ན་རྒྱལ།།

དབང་ཕྱོགས་ཙོང་ཁ་ལྷུན་པོའི་སྤོ་ལས་བསོད་ནམས་ཆུ་འཛིན་ལྟོ་བ་བརྡོལ།།
བྱིན་རླབས་གྲུ་ཆར་ཟེགས་མ་ཉིལ་བས་མཉེས་གཤིན་ལྗོན་པའི་རྩ་ལག་རྒྱས།།
ཐེག་མཆོག་ཆོས་ཀྱི་པད་མའི་ཚལ་ལ་སྐལ་བཟང་ཉི་དགའ་མེ་ཏོག་འཁྲུངས།།
འཁོར་འདུས་ཕུན་ཚོགས་རྟག་པར་བཟླས་ཀྱང་བརྗོད་པས་མི་བཟད་ལྷ་རྣམས་ངལ།།

ཟབ་མོ་རྟེན་འབྱུང་རིགས་པའི་དར་ཚོན་མཁྱེན་དཔྱོད་རལ་གྲིའི་ཡུ་བར་དྲངས།།
སྲིད་པའི་ལོངས་སྤྱོད་མཐར་འཛིན་དྲ་བ་གཡོ་མེད་ཐོས་བསམ་རྩེ་རུ་བཀལ།།
མཁའ་ཁྱབ་སྐྱེ་རྒུའི་རྨོངས་མུན་སྟུག་པོ་དཀའ་ཐུབ་རྡོ་རྗེའི་ཕྲག་ཏུ་བཞེས།།
ལེགས་ཚོགས་ཀུན་གྱི་འབྱུང་གནས་གཅིག་པུ་བླ་མའི་ཞབས་རྡུལ་སྤྱི་བོར་ལེན།།

མ་སྨད་རྣམ་དཀར་ཚུལ་ཁྲིམས་གཞི་ལ་ངེས་འབྱུང་མེ་ཏོག་ཐགས་སུ་བཀྲ།།
མདོ་སྔགས་གཞུང་བརྒྱའི་ཀུ་མུད་ཚོམས་ལས་མང་ཐོས་ཡལ་ག་ཕྱོགས་སུ་རྒྱས།།
སྨིན་ལེགས་སྒོམ་བྱུང་འབྲུས་བུའི་བཅུད་ཀྱིས་གྲངས་མེད་གདུལ་བྱ་ཚིམ་པར་མཛད།།
མཚུངས་མེད་གྲགས་སྙན་བ་དན་དཀར་བོ་སྲིད་གསུམ་འཛིན་མའི་ཁྱོན་ལ་བསྒྲེངས།།

མཛེས་སྡུག་དབང་བོ་ཀུན་དའི་གཉེན་གཅིག་སྒྱུ་སྐར་གཙོ་བོ་རི་བོང་འཛིན།།
ནོར་འཛིན་སྒེག་མོའི་ལང་ཚོའི་ཆོམ་རྐུན་པད་མ་རྒྱས་མཛད་ཉིན་མོའི་མགོན།།
མཐོན་མཐིང་དབྱིངས་སུ་འོད་ཀྱིས་དྲེགས་ཀྱང་མཁྱེན་པའི་ཟླ་གཞོན་ཁྱོད་མཐོང་ཚེ།།
སྐུ་ཡི་གཟི་བརྗིད་སྙིང་གིས་མ་བཟོད་འགྲོས་ལྡན་སྤྲིན་ལ་བཅིབས་ནས་བྲོས།།

རིམ་གཉིས་ལམ་གྱི་ཐུན་མཚམས་བརྒལ་བས་ཁྱེད་སྐུའི་མངའ་ཐང་བསྒྲུན་དུ་མེད།།
ཀུན་རྨོངས་དབུལ་བ་ལྷག་མེད་བཅོམ་པས་ཁྱེད་གསུང་ཆུ་གཏེར་བྲི་བ་མེད།།
དཔག་ཡས་ཡོན་ཏན་མ་ལུས་གཟིགས་པས་ཁྱེད་ཐུགས་དབང་གཞུ་བདས་ཟིན་མེད།།
བདག་རྒྱུད་སྨིན་ཕྱིར་ཡོན་ཏན་མཚོ་ལས་ཟིལ་ཐིགས་རྡོག་ཙམ་བརྗོད་པ་ལགས།།

༢༠༢༡.༦.༨ཉིན་བྲིས།

༸འཇམ་མགོན་བླ་མ་ཤར་ཙོང་ཁ་པ་ཆེན་པོས།
གང་ཞིག་འཁོར་འདས་ཆོས་རྣམས་ཐམས་ཅད་ཀྱི། །རྒྱུ་འབྲས་ནམ་ཡང་སླུ་བ་མེད་མཐོང་ཞིང་། །དམིགས་པའི་གཏད་སོ་གང་ཡིན་ཀུན་ཞིག་པ། །དེ་ནི་སངས་རྒྱས་དགྱེས་པའི་ལམ་ལ་ཞུགས། ། 见世出世一切法，从因生果皆不虚，所执之境本无者，彼入佛陀所喜道。

———宗喀巴大师