#古天乐[超话]#
2024.5.2 （source:fanartbyalexchan ig ）
你睇到嘅係罪惡溫床，我睇到嘅係熱帶雨林。

由古老闆同大哥大、小齊、德斌嘅上一代轉移到竟然覺得好好好睇嘅洛軍(林峯) 加埋十二少、信一、四仔幾個後生嘅新一代同王九打到七個一皮！仲有超驚喜「睇住班街坊」嘅叉燒阿七！

未睇已想畫，睇完又因為有工作在身不能馬上畫，好辛苦，直到幾日前星期五、六先開始有時間搵Ref.開始畫，好彩都趕到上映前畫好，唯一糾結係畫到如火如荼之際，一路諗緊畫唔畫但其實苦無一丁點參考資料嘅「殺人王」，尋日晏晝竟然有各大media甚至官方都將本應係秘密驚喜嘅「殺人王」來龍去脈公告天下，大量型爆visual釋出啊頂！喺尋日下午四時二十八分果一刻我係有諗死就死畫埋啦不如，但真心又唔太想參與「劇透」埋一份，況且，根本一早就知我自己點會畫完呢幅罷手吖，腦入面其實已經諗咗幾幅唔同嘅主題再畫，一定會畫到佢嘅！仲有我癲到連其他客串嘅其實都想畫！咁當然呢幅十個單飛版稍後就會有！

係！都好耐冇試過有電影係令我睇完馬上想再睇多次、再睇多次時去到一半已FF續集會點，實在所有設定嘅可發展空間真係好大，本身有小說漫畫承托仲有大把嘢可拍，成班角色都勁立體，個動作、情感互動又好！個頭開得咁靚喎唔係唔拍落去阿嘛？

誇張啲講，都幾有可能係動作片新經典了！
但又可能唔止係動作片喎！

個大主景城寨喺大銀幕還原固然之超強，仲扭轉我哋固有對城寨嘅認知，神秘三不管其實和平有愛自給自足。真係好中意成齣電影用好多心思去重塑返個八十年代出嚟！由開波嘅「跳舞街」的士高到油麻地避風塘一路經果欄狂奔殺入霓虹燈牌依然立林嘅彌敦道跳上熱狗巴士開晒窗穿穿插插打交向八十年代經典電影致敬、雲絲頓、蝦仔爹哋、call機call台、金牌馬爹利⋯場景道具嘅一張紙一個樽一條電線等等所有細節係睇到用心用力嘅研究再重構！美術團隊勁到癲！片尾曲、音樂配埋城寨風情畫更加係精美甜品神來之筆！造型服裝又型又靚又夾！配樂、音效同好重要嘅武指都係國際標準！痴孖筋過王九！

鏡頭從茂密叢林中嘅天空睇到龐然巨物飛過，你以為城寨係大籠牢，城寨人係籠中鳥。乘著風，那怕風如何微弱，環境只有一個小小隙縫，風箏都可隨風而去。

#电影九龙城寨之围城# 城門已開！務必捧場！
離不開電影院 留不低戲飛錢！[加油][加油][加油]

【明報即時】神耆小子｜鄭則士激讚冼靖峰 演出冇甩漏：我都輸畀佢

鄭則士激讚冼靖峰，讚他準備充足。（劉永銳攝）

鄭則士（Kent哥）、冼靖峰（Archie）、蕭正楠、曹永廉、樊亦敏和羅毓儀等，今天（30日）宣傳無綫新劇《神耆小子》。Kent哥繼《街坊財爺》後，相隔4、5年再拍無綫劇，表示多謝一班演員陪他幾個月，從他們身上學到很多東西，Kent哥讚Archie演得好，準備充足，他說：「佢唔係仔，係年輕老師，真心佢演得非常好，4、5頁紙對白都無甩漏，好順暢，仲接得上對手嘅對白。有場重頭戲，臨場調整同改對白，我都輸畀佢，望住佢做戲好驚訝，資歷咁短，竟演到咁難嘅戲，好難得今次遇到我好鍾意嘅人。」

（即時娛樂）

#郑则仕[超话]##冼靖峰[超话]#

#如果話佢係國內版嘅毒舌大狀
#呢部更出色更高質
#唔單止有估你唔到咁密集嘅笑位
#案件人物關係同對白都好細緻同好有追看性

Ending 個幕感覺係有種「大快人心」
同戲中個幕一樣自然會拍晒手
出嚟嘅效果好成功
一個沉重嘅話題用輕鬆同感動嘅方法包裝
好值得推薦⭐️⭐️⭐️⭐️⭐️

#有笑有淚夠熱血夠公平
#唔好俾張海報影響你意欲
#真心大推 #真係完全唔係你諗個回事
#演員出色對白精警
#做啱嘅事都一定有代價
#第二十條 #Article20