༧རྒྱལ་དབང་ཀརྨ་པས་ཉེ་ཆར་བོད་ཀྱི་སྐད་ཡིག་གི་རིན་ཐང་དང་རྒྱུན་འཛིན་བྱེད་ཐབས་སྐོར་གསུངས་པ།ཨེ་ཤ་ཡ་རང་དབང་རླུང་འཕྲིན་ཁང་གི་མདོ་འཛིན་པས་རྒྱལ་དབང་ཀརྨ་པར་ཕུལ་བའི་དྲི་བ།࿅༽ རིན་པོ་ཆེས་གསུངས་པ་ནང་བཞིན་གཞུང་ཆེན་སློབ་གཉེར་དང་། རིག་གཞུང་གཅེས་འཛིན། མི་རིགས་ཀྱི་ངོ་བོ་གནས་དགོས་པ་ཡིན་ན་གཙོ་བོར་བོད་པའི་སྐད་ཡིག་ལ་ཐུག་གི་ཡོད་རེད་བསམ་གྱི་འདུག རིན་པོ་ཆེ་ཁྱེད་ཀྱིས་ཀྱང་རྟག་པར་སྐད་ཡིག་སྲུང་སྐྱོབ་ཐོག་ལ་ཐུགས་སྣང་ཆེན་པོ་གནང་གི་འདུག བོད་ཕྱི་ནང་གཉིས་ཀར་བོད་ཀྱི་སྐད་ཡིག་སློབ་སྦྱོང་བྱེད་པར་ཕྱོགས་མང་པོ་ནས་འགལ་རྐྱེན་དང་གནོན་ཤུགས་ཡོང་གི་འདུག དེ་འདྲའི་དཀའ་ཁག་འོག་བོད་ཕྱི་ནང་གཉིས་ཀྱི་བོད་པ་ཚོས་སྐད་ཡིག་རྒྱུན་འཛིན་ཆེད་ཤུགས་ཇི་ལྟར་བརྒྱབ་ན་ནུས་པ་ཆེན་པོ་ཐོན་པ་དང་། སྐད་ཡིག་དེ་བོད་མི་རིགས་ལ་མཚོན་ན་གནད་འགག་ག་ཚད་ཅིག་རེད།༧རྒྱལ་དབང་ཀརྨ་པས་ཨེ་ཡ་རང་དབང་རླུང་ཕྲིན་ཁང་གི་མདོ་འཛིན་པར་གནང་བའི་ལན། ࿄༽ ངས་བསམ་ན་ང་ཚོ་བོད་ལ་མཚོན་ན་སྐད་ཡིག་དེ་རང་རང་དང་རང་རང་གི་ཆོས་དང་རིག་གཞུང{༡}་བར་ལ་འབྲེལ་བྱེད་ཀྱི་ཐག་པ་ལྟ་བུ་རེད། སྐད་ཡིག་སྲུང་སྐྱོབ་མ་ཐུབ་ན་དཔེར་ན་ཤོག་བྱ་མཁའ་ལ་བཏང་སྟེ་སྐུད་པའི་སྣེ་མོ་རང་གིས་བཟུང་ནས་ཡོད་པའི་ཤོག་བྱའི་ཐག་པ་ཆད་པ་བཞིན། རང་རང་དང་ཆོས་དང་རིག་གཞུང་བར་ལ་འབྲེལ་བ་ཆད་པར་འགྱུར་བ་རེད། དེས་ན་སྐད་ཡིག་དེ་བོད་པའི་ཆོས་རིག་གི་བླ་སྲོག་ལྟ་བུ་རེད། བླ་སྲོག་མེད་ན་རོ་དང་འདྲ་བར་འགྱུར་བས་ངེས་པར་དུ་ང་ཚོས་སྐད་ཡིག་ལ་སློབ་སྦྱོང་བྱེད་དགོས་འདུག སྐད་ཡིག་སློབ་སྦྱོང་བྱེད་པ་ལ། བོད་ནང་ལ་མཚོན་ན་དེང་དུས་རྒྱ་སྐད་མང་པོ་བཤད་པ་དང་ར་མ་ལུག་སྐད་དེ་རྒྱ་སྐད་དང་བོད་སྐད་བསྲེས་ནས་ལབ་ཀྱི་ཡོད་པའི་གནས་ཚུལ་མང་པོ་བྱུང་འདུག་ཡོད་པ་རེད། ཡིན་ནའང་བོད་ནང་དུ་བོད་པའི་མི་འབོར་མང་པོ་ཡོད་པས་སྐད་ཡིག་སྲུང་སྐྱོབ་བྱེད་པ་ལ་ཆ་རྐྱེན་ཡང་གང་འཚམ་ཡོད་པ་རེད། འོན་ཀྱང་བཙན་བྱོལ་སྤྱི་ཚོགས་ནང་བོད་པའི་མི་གྲངས་ཧ་ཅང་ཉུང་བ་དང་གཞན་གྱི་ཤུགས་རྐྱེན་ཐེབས་ཆེ་བས། བོད་ཀྱི་སྐད་ཡིག་སྤུས་དག་པོ་དང་ཚད་ལྡན་ཡོང་བ་ལ་རྒྱ་གར་ནང་ལ་ཡང་དཀའ་ངལ་ཕྲན་བུ་འབྱུང་འདུག་ཡོད་པ་རེད་ལ། ལྷག་ཏུ་ཕྱི་རྒྱལ་ཁག་ལ་བོད་པའི་གཞོན་སྐྱེས་མང་པོས་བོད་སྐད་བཤད་མི་ཤེས་པ་དང་བོད་ཡིག་ཀློག་མི་ཤེས་པའི་གནས་ཚུལ་བྱུང་ཡོད་པས་ང་ཚོར་དངང་འཚབ་སྐྱེ་ཡོང་བ་ཞིག་རེད། ཕྱོགས་གཅིག་ནས་ང་ཚོས་ཁ་ཕྱིར་བསྐོར་ཏེ་ཚོགས་པ་དང་སྒྲིག་འཛུགས་གཞན་པས་བོད་པའི་སྐད་ཡིག་སྲུང་སྐྱོབ་བྱེད་པ་ལ་རང་དབང་སྤྲོད་ཀྱི་མི་འདུག་ལ་གཏོར་གཤིག་གཏོང་གི་འདུག་ཟེར་ནས་སྐད་ཆ་བཤད་པ་རེད། འོན་ཀྱང་ཁ་ཚུར་བསྐོར་ཡོང་དུས་ང་ཚོ་བོད་པའི་ངོས་ནས་འཐུས་ཤོར་ཕྱིན་ཡོད་པའི་གནལ་ཚུལ་ཞིག་ཡོད་འདུག དེ་ཡང་ཕ་མ་ཚོའི་ངོས་ནས་སྐད་ཡིག་ཐོག་དོ་སྣང་སྤྲད་པ་ཤུགས་ཆུང་དྲག་པ་དང་སྤྱི་ཚོགས་ཡོངས་ཀྱི་ངོས་ནས་ཀྱང་དེ་ཙམ་དོ་སྣང་སྤྲད་མ་ཐུབ་པའི་གནས་ཚུལ་ཞིག་འབྱུང་འདུག་ཡོད་པ་རེད། དེས་ན་ཕྱི་རྒྱལ་ནང་གཟའ་མཇུག་སློབ་གྲྭ་ཟེར་བ་ཡོད་ཀྱང་བདུན་ཕྲག་རེའི་ནང་ཞག་མ་གཅིག་གཉིས་ཙམ་ལ་བསླབས་པ་དེས་ཕན་ཐོགས་ཅི་ཙམ་ཡོད་ན་དྲན་གྱི་འདུག དེས་ན་གཙོ་བོར་ཁྱིམ་ཚང་ནང་ལ་ཕ་མའི་ངོས་ནས་རང་རང་གི་ཕྲུག་གུ་ལས་རྩ་ཆེ་བ་མེད་པས་དེ་ལ་སྐད་ཡིག་སློབ་སྦྱོང་དང་དོ་སྣང་སྤྲད་དེ་བོད་པའི་སྐད་ཡིག་ཤེས་པའི་བོད་མི་མཚན་ལྡན་དུ་འགྱུར་བ་བཟོ་དགོས་འདུག དེ་ཡང་མཚན་ཉིད་རྩོད་སྐབས་མིའི་མཚན་ཉིད་སྨྲ་ཤེས་དོན་གོ་ཟེར་བ་དེ་བོད་ལ་བསྒྱུར་ན། བོད་སྐད་སྨྲ་ཤེས་ཤིང་དོན་གོ་བ་དེ་བོད་མའི་མཚན་ཉིད་ཡིན་པས་བོད་མི་མཚན་ཉིད་དང་ལྡན་པ་ཞིག་ཏུ་འགྱུར་བ་ལ་བོད་ཀྱི་སྐད་སྨྲ་ཤེས་ཤིང་གོ་ཤེས་པ་ཞིག་དགོས་པ་རེད་དྲན་གྱི་འདུག དེས་ན་དེའི་ཐོག་ལ་ཕ་མ་ཚོའི་ངོས་ནས་ཤུགས་ཤིག་བརྒྱབ་པ་ཡིན་ན་ཏོག་ཙམ་ཁྱད་པར་ཞིག་ཡོད་པ་རེད་བསམ་གྱི་འདུག མཆན། {༡}༼རིག་གཞུང་ཞེས་པ་འདིའི་ནང་བོད་པས་འཁོར་ཡུག་ལ་འཛིན་པའི་ལྟ་སྟངས་དང་རྒན་བཀུར་གཞོན་སྐྱོང་། དྲང་བདེན་དང་ཟོལ་མེད་སོགས་བོད་ཀྱི་ཡུལ་སྲོལ་གོམས་གཤིས་རྣམས་ཚུད་ཡོད། ཡིག་འབེབས་པའི་མཆན།༽ ཅེས་ཉེ་ཆར་བརྙན་ལམ་དུ་ཡོད་པ་དེ་བན་དེ་འགྲོ་ཕན་ནས་ཡིག་ཐོག་ཏུ་ཕབ་པས་འགལ་འཁྲུལ་བྱུང་ན་གཟོད་པར་གསོལ།
༄༅།། ལོ་གསར་ལ་བཀྲ་ཤིས་བདེ་ལེགས་ཞུ་།
藏歷新年快樂
འཛམ་གླིང་ཞི་བདེ་ཡོང་བར་སྨོན་།
࿄༇ལོ་སར་ལ་བཀྲ་ཤིས་བདེ་ལེགས།࿇
罗萨扎西德勒
祈愿世界和平远离战争疾病
藏歷新年快樂
འཛམ་གླིང་ཞི་བདེ་ཡོང་བར་སྨོན་།
࿄༇ལོ་སར་ལ་བཀྲ་ཤིས་བདེ་ལེགས།࿇
罗萨扎西德勒
祈愿世界和平远离战争疾病
࿄ བོད་རབ་རྒྱན་ཆུ་ཕོ་སྟག་ལོ་ལ་བཀྲ་ཤིས་བདེ་ལེགས་ཞུ། ལོ་གསར་བའི་ནང་ཁྱིམ་ཚང་བདེ་སྐྱིད་དང་འཛམ་གླིང་ནད་མེད་འཁྲུག་རྩོད་ཞི་བར་སྨོན།祝大家藏历水虎新年快乐!
罗萨啦扎西德勒|藏历新年吉祥
罗萨啦扎西德勒|藏历新年吉祥
✋热门推荐