༼བདག་གི་སེམས་དང་ལམ་གྱི་མཐོང་ཐོས༽
࿑ཉེས་པ་ལུས་ཀྱིས་བྱས་ནས།།
སེམས་ལ་རི་མོ་ཕབ་དང་།།
ཆུ་དང་རྡོ་བ་མིན་པས།།
སྐད་ཅིག་འཇིག་དགོས་མི་འདུག།

ཡིད་ཀྱི་བརྩེ་གདུང་འདི་ཡིས།།
སྙིང་འདི་གཟིར་བའི་སྐབས་སུ།།
ད་ནངས་འཕྲད་པའི་འདས་པོས།།
འཆི་བ་ལྷག་པར་ཐུ་ཟེར།།

མ་ཎི་འདོན་པའི་བགྲེས་པོས།།
མིག་མཐའ་མཆི་མས་བསྐོར་བཞིན།།
མགྲིན་པ་བརྣངས་པའི་མོད་ལ།།
འབྲལ་དཀའི་བཟོ་ལྟ་བསྟན་བྱུང་།། ༢༠༢༤\ ༣\ ༢༣\ རྨ་པྲཛྙཱས།

མདོ་སྔགས་གཞུང་ལུགས་ཀུན་གྱི་ཡང་སྙིང་དང་།།
ཟབ་དོན་མཐའ་དག་མཁྱེན་པའི་སྟོབས་མངའ་
བའི།།སྙིགས་མའི་དུས་ཀྱི་གདུལ་བྱ་རྒྱ་མཚོའི་མགོན།།

སྙིང་རྗེའི་བདག་ཉིན་ཁྱེད་ལ་སྙིང་ནས་གུས།།

—

༤-༣༠ཉིན། རི་གྲོང་གི་བྱིས་པ་ཞིག་ལ་རྒན་ལགས་ཀྱིས་བོད་སྨྱུག་ཅིག འབྲི་དེབ་ཅིག ཡང་ན་ལྕག་སྐུལ་ཚིག་ཅིག་གནང་བས། དེ་ནས་བཟུང་། བྱིས་པ་དེ་སྐད་ཡིག་དང་ལས་ཀྱིས་འབྲེལ། ལོ་མང་པོའི་རྗེས་བྱིས་པ་དེ་ཡིག་མཁན་དུ་གྱུར། ཁོས་མིག་གི་བདུད་རྩི་ཤོག་ཐོག་ལ་ཕབ་པས། ཁམས་པ་བརྙན་འཕྲིན་ཁང་ནས་ཁོའི་ཡིག་གཟུགས་གཟིགས་མོ་བའི་སྤྱན་སྔར་བཤམས། གྲོང་ཁྱེར་ག་གེ་མོའི་སློབ་འབྲིང་དུ་འགྲོ་བཞིན་པའི་ལྷག་པས་དེ་མཐོང་ནས། ཡིག་མཁན་དེས་ཁྲིད་པའི་ཡིག་གཟུགས་ཀྱི་བརྙན་ཅི་རིགས་ལ་བལྟས། ཕྱིས་སུ་ལྷག་པའང་དགེ་རྒན་ཆགས། ལྷག་པས་ཀྱང་༤-༣༠ཉིན། རང་གི་སློབ་མ་དག་ལ་བོད་སྨྱུག་སྟེར། འབྲི་དེབ་སྟེར…… ཕྱིས་སུ་ལྷག་པའི་སློབ་མ་ཕུར་བུ་དང་སྤེན་པ་ཡང་།

དེ་བས། ཡིན་མདོག་ཁ་པོ་ནི་སུས་ཀྱང་འཆད་ཐུབ་སྟེ་དོན་རེ་ཆུང་། དེ་ལས། བྱིས་པ་ཞིག་ལ་བག་ཆགས་ཕྲ་མོ་འཇོག་མཁན་ཚུན་ཆད་ལའང་སྐུ་དྲིན་ཆེ་ཞུ། #ཉིན་ཐོ#