༄༅། ། སྙིང་ལགས། འཁྲེང་སེམས་ཀྱི་ཕྱིར་མིག་རྒྱང་བཞུད་ཀྱི་རྒྱབ་གཟུགས་ལ་གཏད་པས། སྙིང་ནས་ཐིགས་པ་བརྡོལ་བ་ལན་གཅིག་ག་ལ་ཡིན། སྡུག་བསྔལ་བ་དེ་དག་བརྗོད་དུ་མེད་པས་་་་་ https://t.cn/A6f68KVI

༣ དཔེ་ཀློག་ཟིན་ཐོ།

ཤོག་གྲངས་༨༣ནས་༡༡༡བར་དུ་ས་སྐྱ་བའི་སྐབས་ནས་རྒྱལ་དབང་ལྔ་བའི་བར་གྱི་བརྡ་སྤྲོད་གཞུང་ལུགས་ཀྱི་འཕེལ་རིམ་རྩལ་འདོན་བྱས་ཏེ་གླེང་འདུག་ཅིང་འདི་དག་ཅུང་ཞིབ་ཚགས་ཀྱིས་བལྟས་རྗེས་ཡིད་གཉིས་དང་དྲི་བས་ཁེངས་པའི་གནད་དོན་མང་པོ་ཞིག་གི་གཏིང་རིམ་སློག་ཐུབ་སོང་བས་དགའ་བཞིན་དུ་གནད་དོན་འགའ་ཤས་ཡང་བསྐྱར་ཐེ་ཚོམ་གྱི་ལྷུམས་སུ་ཞུགས་བྱུང་།

འདི་ལྟར་སྔོན་ཆད་གནའ་བོའི་རྡོ་རིང་དག་ལ་བལྟས་ན་སུམ་རྟགས་ཀྱི་རྩ་བ་དེ་ཐོན་མིས་མཛད་པའི་དབང་དུ་བྱས་ན་རྒྱལ་པོའི་རྩ་རྩིབ་ན་སུམ་རྟགས་ཀྱི་རྩ་བའི་འགྲོས་ཙམ་ཡང་ཤེས་མཁན་ཞིག་མེད་སོང་བ་འདི་ཁྱད་མཚར་སྙམ་ཞིང་།

ཆབ་སྤེལ་ཚེ་བརྟན་ཕུན་ཚོགས་ཀྱིས་གསུངས་པ་བཞིན་ས་པན་གྱི་ཡི་གེའི་སྦྱོར་བ་གཞིར་བྱས་ཏེ་ཤོང་སྟོན་ལོ་ཙཱ་བ་ལྟ་བུའི་ཕྱིས་ཀྱི་མཁས་པ་ཞིག་གིས་སུམ་རྟགས་ཀྱི་རྩ་བ་བརྩམས་པ་ཡིན་པའི་སྣང་ཚུལ་བྱུང་མྱངས།

འོན་ཀྱང་དེ་རིང་དཔེ་དེབ་འདི་ཀློག་གིན་ཀློག་གིན་དྲི་བ་ཞིག་འདི་ལྟར་བྱུང་སྟེ།

དོན་དུ་སུམ་རྟགས་ཀྱི་རྩ་བ་འདི་དུས་ནམ་ཞིག་ཏུ་བྱུང་བ་ཡིན།

ས་པན་ལས་སྔ་བའི་མཁས་པ་རོང་ཟོམ་ཆོས་བཟང་གིས་མཛད་གསུངས་པའི་<རྟགས་འཇུག་གི་དོན་འགྲེལ།>ཞེས་པ་དེ་ཅི་འདྲ་ཞིག་ཡིན་ནམ།

རབ་བྱུང་གཉིས་པའི་ནང་བྱོན་པའི་ཀཿ ཐོག་པ་བདེ་བཤེགས་ཤེས་རབ་སེང་གེའམ་བླ་མ་སྤོབས་པ་མཐའ་ཡས་ཞུ་བ་དེས་སུམ་རྟགས་ལ་འཆས་ཉན་མཛད་གསུང་རྒྱུའི་སུམ་རྟགས་དེ་གང་འདྲ་ཞིག་ཡིན་ནམ།

སུམ་རྟགས་ཀྱི་རྩ་བ་འདིའམ་ཡང་ན་གཞན་ཞིག

འདི་ལྟར་གཅིག་རྗེས་གཉིས་མཐུད་ཀྱིས་ཐེ་ཚོམ་མང་པོར་སྐྱེས།

2024སྤྱི་ཟླ_5_1ཉིན་ཨུདྷི་ཤེས་རབ་ཟླ་བས།

གང་ཞིག་མུན་པའི་དྲྭ་བ་རབ་བཅོམ་ཡང་།།
འཁོར་བའི་འདམ་གྱི་འགྲོ་བ་འདྲེན་སླད་དུ།།
སྐྱབས་གནས་རྒྱ་མཚོའི་སྤྱི་གཟུགས་བླ་མའི་ངོར།།
དོན་ཆེན་སྟོན་བཞིན་བྱོན་པ་བསྐལ་བ་བཟང་།།

འོན་ཏེ་འདུས་བྱས་རྟག་མེད་བརྡ་ཡི་ཆེད།།
གཟུགས་སྐུའི་བཀོད་པ་སྟོང་པའི་དབྱིངས་སུ་བསྟིམས།།
འདི་འདྲའི་དུས་ཀྱི་ཐ་མའི་ཁུགས་སོ་ནས།།
བདག་འདྲའི་སེམས་ཅན་ལས་ངན་སྙིང་རེ་རྗེ།།

སྟོང་ཆེན་སྐྱེ་མེད་དབྱིངས་ནས་ཉིད་འདྲ་བའི།།
ཉིད་ཀྱི་སྤྲུལ་པའི་སྐུ་གཅིག་མི་རིང་བར།།
འཁོར་བའི་འདམ་གྱི་བདག་འདྲའི་ལུས་ཅན་རྣམས་།།
ཐར་བའི་རྩ་བར་རེག་ཕྱིར་འབྱོན་པར་ཞུ།།