࿐ངོ་མཚར་ལྡན་ཞིང་མཛེས་སྡུག་བཀྲ་བའི་རང་བྱུང་ཁམས་ཀྱི་གསང་བ་ནི་སུས་ཀྱང་བརྗོད་དཀའ་ལ་སུས་ཀྱང་མཐའ་མ་ཆོད། འོན་ཀྱང་གཤིས་ལུགས་འདི་འདྲ་ཡོད་པ་ནི་དངོས་དོན་ཡིན་པ་ལྟར། རང་རང་སོ་སོའི་སྐྱེ་བོའི་མཐོང་ཆོས་ལས་འདས་པའི་ཤེས་བྱ་གྲངས་ལས་འདས་པ་ཡང་གནས་ལུགས་འདི་བཞིན་དངོས་དོན་ལ་ཡོད་པ་མྱོང་བས་ར་སྤྲོད་བྱེད་ཐུབ།
࿐གནས་འདིར་རུ།
སྤྱིའི་ཆ་ནས་ཁྱོད་ཀྱི་འཇིག་རྟེན་འདི་སྡུག་ཁང་ཞིག་ཡིན་པ་ཤེས་སྲིད།ད་རང་ཡང་།
ཁྱོད་ན་སོན་པའི་རིམ་བཞིན་དུ་ཁྱོད་ཀྱི་འཇིག་རྟེན་ལ་སྤྲོ་སྣང་ཇེ་ཉུང་དུ་སོང་བ་ཞིག་ཡང་
མཐོང་ངེས་སྲིད། ཁྱོད་ཀྱི་འཇིག་རྟེན་འདི་ལ་ཡང་ལྟ་སྣང་ལྷག་དུ་འགྱུར་སྲིད།
འོན་ཀྱང་། ང་ཚོ་འཇིག་རྟེན་འདི་ལ་སྐྱེས་ནས་མི་ལུས་རིན་ཆེན་ཐོབ་པ་ནི་བསོད་
ནམས་ཡིན་ལ། སྐྱེས་བའི་ངེས་ཅན་འཇིག་རྟེན་འདི་མིན་ན་ཡང་ཆོག་དེ། འདི་ལ་སྐྱེ་བ་ནི་སྔོན་
བསགས་ཀྱིས་འབྲས་བུ་ཞིག་ཡང་ཡིན་ངེས།
དེ་བས། ང་ཚོ་འཁོར་བའི་གནས་འདིར་རུ་སྐྱེས་རྗེས་ནས་བཟུང་། སྐྱེ་བ་ཕྱི་མ་ལ་ཡང་
འབྲས་བཟང་ཞིག་ཡོད་པ་སྨོན་ནས། ལུས་སེམས་གང་གི་གཤིས་ཀ་ཐད་ནས་ཡང་ལེགས་དུ་
བྱེད་པ་ལ་འབད་ཐུབ་པ་བྱའོ།
སྤྱིའི་ཆ་ནས་ཁྱོད་ཀྱི་འཇིག་རྟེན་འདི་སྡུག་ཁང་ཞིག་ཡིན་པ་ཤེས་སྲིད།ད་རང་ཡང་།
ཁྱོད་ན་སོན་པའི་རིམ་བཞིན་དུ་ཁྱོད་ཀྱི་འཇིག་རྟེན་ལ་སྤྲོ་སྣང་ཇེ་ཉུང་དུ་སོང་བ་ཞིག་ཡང་
མཐོང་ངེས་སྲིད། ཁྱོད་ཀྱི་འཇིག་རྟེན་འདི་ལ་ཡང་ལྟ་སྣང་ལྷག་དུ་འགྱུར་སྲིད།
འོན་ཀྱང་། ང་ཚོ་འཇིག་རྟེན་འདི་ལ་སྐྱེས་ནས་མི་ལུས་རིན་ཆེན་ཐོབ་པ་ནི་བསོད་
ནམས་ཡིན་ལ། སྐྱེས་བའི་ངེས་ཅན་འཇིག་རྟེན་འདི་མིན་ན་ཡང་ཆོག་དེ། འདི་ལ་སྐྱེ་བ་ནི་སྔོན་
བསགས་ཀྱིས་འབྲས་བུ་ཞིག་ཡང་ཡིན་ངེས།
དེ་བས། ང་ཚོ་འཁོར་བའི་གནས་འདིར་རུ་སྐྱེས་རྗེས་ནས་བཟུང་། སྐྱེ་བ་ཕྱི་མ་ལ་ཡང་
འབྲས་བཟང་ཞིག་ཡོད་པ་སྨོན་ནས། ལུས་སེམས་གང་གི་གཤིས་ཀ་ཐད་ནས་ཡང་ལེགས་དུ་
བྱེད་པ་ལ་འབད་ཐུབ་པ་བྱའོ།
࿐ཞོགས་པའི་རྫི་གླུ།
མི་སྡུག་སྲིན་པོ་ཁྲོས་འདྲའི་བདག་རྟོག་འགོང་པོ།།
རྟག་བརྟན་སེམས་ཀྱི་གཤིས་ལ་གྲུབ་པ་མེད་རུང་།།
མེད་སྣང་ཟླ་གཉིས་འཛིན་པའི་དབང་ཤེས་ཇི་བཞིན།།
བདག་གཞན་བདེན་པར་བཟུང་བའི་སོ་སྐྱེའི་འགྲོ་བ།།
སྡུག་བསྔལ་རྦ་ཀློང་འཁྲུག་པའི་ཡི་མུག་སྙིང་རྗེ།།
ཡིད་དཔྱོད་ཚིག་ཚོགས་སྤྲོས་པའི་འཇའ་ཚོན་སྤུ་རིས།།
སེམས་ཉིད་རིག་པ་དྭངས་མའི་མཁའ་ན་མེད་རུང་།།
ཆིག་རྫོགས་ཟངས་ཐལ་གཉུག་མའི་ལྷན་སྐྱེས་ཡེ་ཤེས།།
མ་བཅོས་ཐད་ཀར་སྟོན་པའི་བླ་མའི་མན་ངག།
མངོན་སུམ་རང་ལ་དབང་བའི་སྐལ་བཟང་སྐྱིད་པ།།
ཡོད་མེད་བློ་ཡིས་བཞག་པ་ལས་གཞན་མེད་པ།།
ཅུང་ཙམ་བློ་ཡིས་གཞལ་ན་ངེས་པ་སྟེར་རུང་།།
གཏད་མེད་འ་འུར་སྒྱུ་མའི་སྨྱོ་གར་གསེང་ནས།།
དགའ་སྐྱོ་ཆགས་སྡང་ཁྲི་འབུམ་ཐོད་དུ་བླངས་ཏེ།།
ག་ཆད་ཀུ་ཅོ་འདོན་པའི་འཁོར་བ་ཤ་ཚ།།
ཟིན་མེད་རྣམ་རྟོག་འདྲེ་མོའི་གར་སྟབས་ཁྲོད་ན།།
གཏད་མེད་སེམས་ཀྱི་བུ་ཆུང་མགོ་བོ་འཁོར་ཡང་།།
བཅོས་མིན་སེམས་ཉིད་རིག་པའི་རང་ངོ་རང་ཤེས།།
གདོད་ནས་འབྲལ་མ་མྱོང་བ་འདི་རང་ཡིན་ཞེས།།
རང་བྱུང་རང་སྒྲ་གྲགས་པའི་དབྱངས་འདི་སྙན་པ།།
སྣང་སྟོང་ཕྱོགས་རིས་མེད་པའི་མཉམ་རྫོགས་ཞིང་ན།།
བདེ་སྡུག་སོ་སོར་གྲུབ་པའི་སྡེ་རིས་མེད་རུང་།།
ང་ཁྱོད་ཐ་དད་འཛིན་པའི་ཞེན་ལྟས་བཅིངས་བའི།།
ངན་སོང་གནས་རིས་སྣ་ཚོགས་རང་གིས་བསྐྲུན་པའི།།
རང་སྡུག་རང་གིས་ཉོ་བའི་རིགས་དྲུག་སྐྱོ་བ།།
རེ་དོགས་མཆི་མ་འཁྲིགས་པའི་དྲག་ཆར་གཟེབ་ནས།།
རང་ཁེ་གཞན་ཕམ་འདོད་པའི་བྱིས་པ་མང་ཡང་།།
སྣང་སྲིད་ཆོས་སྐུར་རྟོགས་པའི་ནང་གི་རྣལ་འབྱོར།།
གུ་ཡངས་གཤིས་ཀྱི་མལ་ན་སྐྱིད་ཉལ་ཆོག་པའི།།
འཁོར་འདས་དབྱེར་མེད་རྟོགས་པའི་ཆོས་པ་ངོ་མཚར།།
བདེན་རྫུན་དགག་བཞག་སྤྲོས་པ་འབུམ་ཕྲག་མང་པོས།།
ཚར་གཅོད་རྗེས་འཛིན་བྱས་ཅེས་ཁ་ཕོ་སྒྲོག་རུང་།།
ལྷན་སྐྱེས་བདག་འཛིན་དགྲ་དང་ད་དུང་སྔར་བཞིན།།
མཉམ་འགྲོ་མཉམ་འདུག་བྱེད་པའི་ཐོས་བསམ་དགྲར་ལང་།།
དེང་སང་ཅིས་ཀྱང་མང་བ་འདི་ཡང་ཡ་ང་།།
ཨོ་ཟོབ་ཚིག་ཚོགས་མང་པོས་བཤད་ཡམ་བོར་ཞིང་།།
དགག་སྒྲུབ་ཚིག་མཚོན་འཕེན་པའི་འཁོས་ཀ་ཞན་རུང་།།
ཆོས་དང་རང་སེམས་འདྲེས་པའི་འཚོ་བ་སྣུམ་པོས།།
འདི་བདེ་ཕྱི་སྐྱིད་བྱེད་པའི་དམ་གཙང་མཆེད་ལྕམ།།
སུ་དང་གང་ཞིག་ཡོད་ན་དེ་ཀུན་སྤྲོ་བ།།
གཞོན་ཆུང་ལང་ཚོས་སྤུད་པའི་ཡིད་འོང་མེ་ཏོག།
བསམ་ངན་རྒ་བའི་བ་མོས་ཚུར་ཚུར་གཙེས་ཀྱང་།།
རྟག་འཛིན་བདུད་ཀྱི་བསླུ་བྲིད་རྫོགས་མེད་ངང་ནས།།
སྒོ་གསུམ་ཚེ་འདིར་ཤོར་བའི་འཁོར་བའི་མགྲོན་པོ།།
འཆི་བ་གློ་བུར་ཐོན་ན་ཅི་འདྲའི་སྐྱོ་བ།།
ཐོག་མེད་ད་ལ་ཐུག་བར་འཁོར་བར་འཁྱམས་ཏེ།།
ཤ་ཁྲག་རུས་གསུམ་བསགས་ན་ཟད་དུ་མེད་རུང་།།
ཆོས་ཀུན་སྒྱུ་མར་རྟོགས་པའི་ངེས་ཤེས་ཀློང་ནས།།
འཐོར་མཐའ་བཙན་གྱིས་གཅོད་པའི་ཤེས་རབ་རལ་གྲི།།
འཇིགས་མེད་ལྟ་བའི་གདེང་ལྡན་ཅན་ཚོ་དགའ་བ།།
བསླབ་གསུམ་རིན་ཆེན་གདུགས་དཀར་ཀླད་ལ་འཁོར་བཞིན།།
ཉོན་མོངས་ཚ་གདུང་འཇོམས་པའི་སྟབས་ཀ་འགྲིགས་ཀྱང།།
གྲང་རླུང་ངད་ཀྱིས་བཅུམས་པའི་སེར་ཀའི་ཁྲོད་ནས།།
འཁྱག་ལྟོག་ཧུ་ཤུ་འབྱིན་པའི་ཉོན་མོངས་གྲལ་དུ།།
ཐར་མེད་ཕྱིར་ཕྱིར་འཛུལ་བའི་བསོད་ཟད་སྡུག་པ།།
སྐྱེ་ཤི་བགྲང་ལས་འདས་པའི་མར་གཤམ་ཞིག་ནས།།
ཡུལ་དུས་དམན་པའི་གྲལ་དུ་ངང་གིས་སླེབས་རུང་།།
རྐྱེན་མང་ངེས་པ་མེད་པའི་གཡུལ་ས་བརྒལ་ཏེ།།
འོད་མཚན་སྟོང་འབར་ཞིང་གི་ལམ་སྣེར་འཇུ་བའི།།
ཞུམ་མེད་དམ་བཅའ་བརྟན་པའི་ངང་ཚུལ་སྐྱིད་དོ།།
རྩམ་པ་ཟ་ཞོར་དུ་གུ་རུ་ཉི་མས། 2024 4 29
མི་སྡུག་སྲིན་པོ་ཁྲོས་འདྲའི་བདག་རྟོག་འགོང་པོ།།
རྟག་བརྟན་སེམས་ཀྱི་གཤིས་ལ་གྲུབ་པ་མེད་རུང་།།
མེད་སྣང་ཟླ་གཉིས་འཛིན་པའི་དབང་ཤེས་ཇི་བཞིན།།
བདག་གཞན་བདེན་པར་བཟུང་བའི་སོ་སྐྱེའི་འགྲོ་བ།།
སྡུག་བསྔལ་རྦ་ཀློང་འཁྲུག་པའི་ཡི་མུག་སྙིང་རྗེ།།
ཡིད་དཔྱོད་ཚིག་ཚོགས་སྤྲོས་པའི་འཇའ་ཚོན་སྤུ་རིས།།
སེམས་ཉིད་རིག་པ་དྭངས་མའི་མཁའ་ན་མེད་རུང་།།
ཆིག་རྫོགས་ཟངས་ཐལ་གཉུག་མའི་ལྷན་སྐྱེས་ཡེ་ཤེས།།
མ་བཅོས་ཐད་ཀར་སྟོན་པའི་བླ་མའི་མན་ངག།
མངོན་སུམ་རང་ལ་དབང་བའི་སྐལ་བཟང་སྐྱིད་པ།།
ཡོད་མེད་བློ་ཡིས་བཞག་པ་ལས་གཞན་མེད་པ།།
ཅུང་ཙམ་བློ་ཡིས་གཞལ་ན་ངེས་པ་སྟེར་རུང་།།
གཏད་མེད་འ་འུར་སྒྱུ་མའི་སྨྱོ་གར་གསེང་ནས།།
དགའ་སྐྱོ་ཆགས་སྡང་ཁྲི་འབུམ་ཐོད་དུ་བླངས་ཏེ།།
ག་ཆད་ཀུ་ཅོ་འདོན་པའི་འཁོར་བ་ཤ་ཚ།།
ཟིན་མེད་རྣམ་རྟོག་འདྲེ་མོའི་གར་སྟབས་ཁྲོད་ན།།
གཏད་མེད་སེམས་ཀྱི་བུ་ཆུང་མགོ་བོ་འཁོར་ཡང་།།
བཅོས་མིན་སེམས་ཉིད་རིག་པའི་རང་ངོ་རང་ཤེས།།
གདོད་ནས་འབྲལ་མ་མྱོང་བ་འདི་རང་ཡིན་ཞེས།།
རང་བྱུང་རང་སྒྲ་གྲགས་པའི་དབྱངས་འདི་སྙན་པ།།
སྣང་སྟོང་ཕྱོགས་རིས་མེད་པའི་མཉམ་རྫོགས་ཞིང་ན།།
བདེ་སྡུག་སོ་སོར་གྲུབ་པའི་སྡེ་རིས་མེད་རུང་།།
ང་ཁྱོད་ཐ་དད་འཛིན་པའི་ཞེན་ལྟས་བཅིངས་བའི།།
ངན་སོང་གནས་རིས་སྣ་ཚོགས་རང་གིས་བསྐྲུན་པའི།།
རང་སྡུག་རང་གིས་ཉོ་བའི་རིགས་དྲུག་སྐྱོ་བ།།
རེ་དོགས་མཆི་མ་འཁྲིགས་པའི་དྲག་ཆར་གཟེབ་ནས།།
རང་ཁེ་གཞན་ཕམ་འདོད་པའི་བྱིས་པ་མང་ཡང་།།
སྣང་སྲིད་ཆོས་སྐུར་རྟོགས་པའི་ནང་གི་རྣལ་འབྱོར།།
གུ་ཡངས་གཤིས་ཀྱི་མལ་ན་སྐྱིད་ཉལ་ཆོག་པའི།།
འཁོར་འདས་དབྱེར་མེད་རྟོགས་པའི་ཆོས་པ་ངོ་མཚར།།
བདེན་རྫུན་དགག་བཞག་སྤྲོས་པ་འབུམ་ཕྲག་མང་པོས།།
ཚར་གཅོད་རྗེས་འཛིན་བྱས་ཅེས་ཁ་ཕོ་སྒྲོག་རུང་།།
ལྷན་སྐྱེས་བདག་འཛིན་དགྲ་དང་ད་དུང་སྔར་བཞིན།།
མཉམ་འགྲོ་མཉམ་འདུག་བྱེད་པའི་ཐོས་བསམ་དགྲར་ལང་།།
དེང་སང་ཅིས་ཀྱང་མང་བ་འདི་ཡང་ཡ་ང་།།
ཨོ་ཟོབ་ཚིག་ཚོགས་མང་པོས་བཤད་ཡམ་བོར་ཞིང་།།
དགག་སྒྲུབ་ཚིག་མཚོན་འཕེན་པའི་འཁོས་ཀ་ཞན་རུང་།།
ཆོས་དང་རང་སེམས་འདྲེས་པའི་འཚོ་བ་སྣུམ་པོས།།
འདི་བདེ་ཕྱི་སྐྱིད་བྱེད་པའི་དམ་གཙང་མཆེད་ལྕམ།།
སུ་དང་གང་ཞིག་ཡོད་ན་དེ་ཀུན་སྤྲོ་བ།།
གཞོན་ཆུང་ལང་ཚོས་སྤུད་པའི་ཡིད་འོང་མེ་ཏོག།
བསམ་ངན་རྒ་བའི་བ་མོས་ཚུར་ཚུར་གཙེས་ཀྱང་།།
རྟག་འཛིན་བདུད་ཀྱི་བསླུ་བྲིད་རྫོགས་མེད་ངང་ནས།།
སྒོ་གསུམ་ཚེ་འདིར་ཤོར་བའི་འཁོར་བའི་མགྲོན་པོ།།
འཆི་བ་གློ་བུར་ཐོན་ན་ཅི་འདྲའི་སྐྱོ་བ།།
ཐོག་མེད་ད་ལ་ཐུག་བར་འཁོར་བར་འཁྱམས་ཏེ།།
ཤ་ཁྲག་རུས་གསུམ་བསགས་ན་ཟད་དུ་མེད་རུང་།།
ཆོས་ཀུན་སྒྱུ་མར་རྟོགས་པའི་ངེས་ཤེས་ཀློང་ནས།།
འཐོར་མཐའ་བཙན་གྱིས་གཅོད་པའི་ཤེས་རབ་རལ་གྲི།།
འཇིགས་མེད་ལྟ་བའི་གདེང་ལྡན་ཅན་ཚོ་དགའ་བ།།
བསླབ་གསུམ་རིན་ཆེན་གདུགས་དཀར་ཀླད་ལ་འཁོར་བཞིན།།
ཉོན་མོངས་ཚ་གདུང་འཇོམས་པའི་སྟབས་ཀ་འགྲིགས་ཀྱང།།
གྲང་རླུང་ངད་ཀྱིས་བཅུམས་པའི་སེར་ཀའི་ཁྲོད་ནས།།
འཁྱག་ལྟོག་ཧུ་ཤུ་འབྱིན་པའི་ཉོན་མོངས་གྲལ་དུ།།
ཐར་མེད་ཕྱིར་ཕྱིར་འཛུལ་བའི་བསོད་ཟད་སྡུག་པ།།
སྐྱེ་ཤི་བགྲང་ལས་འདས་པའི་མར་གཤམ་ཞིག་ནས།།
ཡུལ་དུས་དམན་པའི་གྲལ་དུ་ངང་གིས་སླེབས་རུང་།།
རྐྱེན་མང་ངེས་པ་མེད་པའི་གཡུལ་ས་བརྒལ་ཏེ།།
འོད་མཚན་སྟོང་འབར་ཞིང་གི་ལམ་སྣེར་འཇུ་བའི།།
ཞུམ་མེད་དམ་བཅའ་བརྟན་པའི་ངང་ཚུལ་སྐྱིད་དོ།།
རྩམ་པ་ཟ་ཞོར་དུ་གུ་རུ་ཉི་མས། 2024 4 29
✋热门推荐